រាជធានីភ្នំពេញ ៖ អ្នកគ្រប់គ្រងអន្តេវាសិកដ្ឋានសិស្សនារី ដែលគេស្គាល់ថា ជាកូនលោកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា ត្រូវបានកម្លាំងនាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃឃាត់ខ្លួន ពាក់ព័ន្ធ និងករណីបៀ.តបៀ.នរាងកាយ និងរំលោ.ភបំពា.នកុមារី ជាសិស្សសាលាខ្មែរឥស្លាម នៅខណ្ឌឬស្សីកែវ ។
ជនសង្ស័យឈ្លោះ កាម៉ារូទីន ស៊ូហៃមី អាយុ៣៣ឆ្នាំ មុខរបរជាអ្នកគ្រប់គ្រងអន្តេវាសិកដ្ឋានសិស្សនារីនៃសាលារៀនអាន់នៀកម៉ះភ្នំពេញ ដែលស្ថិតនៅគីឡូម៉ែត្រលេខ៩ ក្នុងខណ្ឌឬស្សីកែវ ។
តាមព័ត៌មានឱ្យដឹងថា ការឃាត់ខ្លួននេះធ្វើឡើង បន្ទាប់ពីតុលាការបញ្ជាឲ្យនគរបាលហៅជនសង្ស័យទៅសាកសួរ នៅនាយកដ្ឋានប្រឆាំងការជួញដូរមនុស្ស និងការពារអនីតិជន ។ បន្ទាប់ពីមានការផ្សព្វផ្សាយចោទប្រកាន់ថា លោកកាម៉ារូទីន ស៊ូហៃមី ជាប់ពាក់ព័ន្ធ និងករណីបៀ.តបៀ.នរាងកាយ និងពាក់ព័ន្ធ និងករណីបៀ.តបៀ.នរាងកាយ និង រំលោ.ភបំពានកុមារីជាសិស្សសាលាខ្មែរឥស្លាម ។
គួរបញ្ជាក់ថា នាយកដ្ឋានប្រឆាំងការជួញដូរមនុស្ស និងការពារអនីតិជន បានស្រាវជ្រាវរកឃើញកុមារីសិស្សសាលាខ្មែឥស្លាមរងគ្រោះចំនួន០៤នាក់(អាយុ១៣ឆ្នាំម្នាក់, អាយុ១៤ឆ្នាំម្នាក់ និងអាយុ១៥ឆ្នាំ ០២នាក់) ត្រូវបានជនសង្ស័យឈ្មោះ កាម៉ារូទីន ស៊ូហៃមី បានប្រព្រឹត្តបទល្មើសប្រទូស្តកេរិ៍ និងរំលោ.ភសេពសន្ថវ: ក្នុងនោះដាក់បណ្តឹង០២នាក់ មិនដាក់បណ្តឹង០២នាក់ និងសាក្សី០៤នាក់ផ្សេងទៀត បានបំភ្លឺផ្តល់ព័ត៌មាន ។
នៅថ្ងៃទី១៥ ខែតុលា ឆ្នាំ២០២៤ សង្ស័យត្រូវបាននាយកដ្ឋានប្រឆាំងការជួញដូរមនុស្ស និងការពារអនីតិជននាំខ្លួនសាកសួរ និងឃាត់ខ្លួនតែម្តង ។ ជនសង្ស័យត្រូវបានព្រះរាជអាជ្ញាអនុញ្ញាតសមត្ថកិច្ចឃាត់ខ្លួន ដើម្បីកសាងសំណុំរឿងបញ្ជូនទៅសាលាដំបូងចាត់ការតាមនីតិវិធីច្បាប់ ។
គួរបញ្ជាក់ថា កាលពីប៉ុន្មានថ្ងៃមុនលោកឧកញ៉ាសុះកំរី បានបង្ហោះសារនៅក្នុងបណ្ដាញសង្គមឲ្យដឹងថា «ខ្ញុំ អ្នកឧកញ៉ា សុះ កំ រ៉ីចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា សូមជម្រាបជូនសាធារណៈជនជ្រាបថា ៖ ខ្ញុំបានឃើញពាក្យចចាមអារ៉ាម និងការចែកចាយតាមបណ្តាញសង្គម អំពីករណីសិស្សនារីត្រូវបានរំលោ.ភបំពាននៅសាលារៀនអាន់នៀកម៉ះភ្នំពេញ ដែលមានពាក់ព័ន្ធដល់កូនប្រុសរបស់ខ្ញុំឈ្មោះ សូហៃមី ជាអ្នកគ្រប់គ្រងអន្តេវាសិកដ្ឋានសិស្សនារី ។
បន្ទាប់ពីបានទទួលដំណឹងនេះ ខ្ញុំបានសាកសួរកូនប្រុសរបស់ខ្ញុំជាច្រើនលើក ដើម្បីរកការពិត ហើយគាត់បានបដិសេធថា គាត់មិនបានប្រព្រឹត្តដូចពាក្យចចាមអារ៉ាមនោះទេ ។ ខ្ញុំគាំទ្រក្នុងការរកការពិត ដើម្បីផ្ដល់យុត្តិធម៌ជូនដល់ជនរងគ្រោះ»៕
ចែករំលែកព័តមាននេះ