ខេត្តកំពង់ស្ពឺ ៖ ភិក្ខុសង្ឃមួយអង្គបានសុគតនៅក្នុងថ្លុ.ក.ឈា.ម នៅក្នុងវត្តពុទ្រារាម(ហៅវត្តពុទ្រា) ដែលគេសង្ស័យជាករណីឃាតកម្ម ដោយសមត្ថកិច្ចនិងអ្នកជំនាញកំពុងតែពិនិត្យធ្វើកោសល្យវិច្ច័យ ដើម្បីដឹងមូលហេតុពិតប្រាកដ ។ បើតាមការឱ្យដឹងពីលោក ជុន…
ខេត្តកំពង់ស្ពឺ ៖ ភិក្ខុសង្ឃមួយអង្គបានសុគតនៅក្នុងថ្លុ.ក.ឈា.ម នៅក្នុងវត្តពុទ្រារាម(ហៅវត្តពុទ្រា) ដែលគេសង្ស័យជាករណីឃាតកម្ម ដោយសមត្ថកិច្ចនិងអ្នកជំនាញកំពុងតែពិនិត្យធ្វើកោសល្យវិច្ច័យ ដើម្បីដឹងមូលហេតុពិតប្រាកដ ។
បើតាមការឱ្យដឹងពីលោក ជុន ចន្ទដេត អធិការនគរបាលស្រុកភ្នំស្រួចថា ករណីនេះ មិនទាន់ដឹងថា ជាករណីអ្វីពិតប្រាកដនោះទេ ។ លោកទទួលបានព័ត៌មាននេះ កាលពីវេលាម៉ោង១២ថ្ងៃត្រង់ថ្ងៃទី១៦ ខែតុលា ឆ្នាំ២០២៤ ស្ថិតនៅក្នុងភូមិក្រាំងព្នៅ ឃុំអូរ ស្រុកភ្នំស្រួច ខេត្តកំពង់ស្ពឺ ។ លោកអធិការនគរបាលស្រុកភ្នំស្រួចបានបន្តថា ករណីនេះ រង់ចាំការធ្វើកោសល្យវិច្ច័យសិន ។
បើយោងតាមការបង្ហោះរបស់ភិក្ខុសង្ឃមួយអង្គមានខ្លឹមសារថា សូមប្រគេន និងជូនដំណឹងជាបឋម មានករណីឃាតកម្មចំពោះភិក្ខុ គាត សម្បត្តិ សុគត ព្រះសង្ឃវត្តពុទ្រារាម(ពុទ្រា) ភូមិក្រាំងព្នៅ ឃុំអូរ ស្រុកភ្នំស្រួច ខេត្តកំពង់ស្ពឺ។ សូមបញ្ជាក់ថា ភិក្ខុសង្ឃលោកគង់ធ្វើធុតង្គនៅលើភ្នំវត្តពុទ្រា ឥឡូវនេះកម្លាំងសមត្ថកិច្ចកំពុងធ្វើកោសល្យវិច្ច័យចំពោះព្រះសព។ សូមប្រគេន និងជូនដំណឹងជ្រាបជាព័ត៌មាន
មានព័ត៌មានបន្ថែម កោះសន្តិភាពនឹងផ្សាយជូនបន្ត ។
ចែករំលែកព័តមាននេះ