ខេត្តសៀមរាប ៖ បើតាមប្រសាសន៍របស់លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាបបានប្រាប់ភ្នាក់ងារកោះសន្តិភាព តាមតេលេក្រាម នៅល្ងាចថ្ងៃទី១៣ ខែតុលា ឆ្នាំ២០២៤នេះថា…
ខេត្តសៀមរាប ៖ បើតាមប្រសាសន៍របស់លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាបបានប្រាប់ភ្នាក់ងារកោះសន្តិភាព តាមតេលេក្រាម នៅល្ងាចថ្ងៃទី១៣ ខែតុលា ឆ្នាំ២០២៤នេះថា បន្ទាប់ពីកម្លាំងនគរបាលការិយាល័យជំនាញយើងបានធ្វើការឃាត់ខ្លួនជនសង្ស័យទាំង២នាក់ ប្រុសស្រី រួចមក ដោយមានការសម្របសម្រួលពីព្រះរាជអាជ្ញា អមសាលាដំបូងរាជធានីភ្នំពេញ បានធ្វើការប្រគល់ ជនសង្ស័យទាំង២នាក់ ទៅឱ្យកម្លាំងនគរបាលការិយាល័យ ជំនាញ រាជធានីភ្នំពេញដើម្បីចាត់ការបន្តតាមនីតិវិធីច្បាប់។
លោកឧត្តមសេនីយ៍ទោ ហួត សុធី បានបញ្ជាក់ថា ជនសង្ស័យ ប្រុស ស្រី ទាំងពីរនាក់មានះ ១.ឈ្មោះ កែវ ចាន់ធា ហៅកែវ យ៉ាលី ភេទស្រី អាយុ២៤ឆ្នាំ រស់នៅភូមិសាមគ្គី សង្កាត់ឫស្សីកែវ ខណ្ឌ ឫស្សីកែវ រាជធានីភ្នំពេញ (វិជ្ជមាន ) ។ ២.ឈ្មោះ សារ៉ែន ភិរុន ភេទប្រុស អាយុ ២៧ឆ្នាំ រស់នៅភូមិសាមគ្គី សង្កាត់ឫស្សី កែវ ខណ្ឌឫស្សីកែវ រាជធានីភ្នំពេញ (វិជ្ជមាន) ។
សូមបញ្ជាក់ថា ជនសង្ស័យទាំង២នាក់ខាងលើបើកបររថយន្តម៉ាក BMW I8 ពណ៌ខៀវ លាយក្រហម ផ្លាកលេខ ភ្នំពេញ 2BI-8000 ត្រូវបានកម្លាំងនគរបាលខេត្តសៀមរាបធ្វើការឃាត់ខ្លួនតាមពាក្យបណ្តឹងរបស់ជនរងគ្រោះ នៅលើផ្លូវ៧មករា មុខសាលារៀនភ្យូឆឺរប្រាយ ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប នៅថ្ងៃទី១២ ខែតុលា ឆ្នាំ ២០២៤ រួចនាំយកទៅសួរនៅស្នងការដ្ឋាននគរបាលខេត្តសៀមរាប ដើម្បីរៀបចំធ្វើការប្រគល់ឱ្យកម្លាំងនគរបាលការិយាល័យជំនាញ រាជធានីភ្នំពេញ ចាត់ការបន្ត ។
លោក ស្នងការ បានបញ្ជាក់ទៀតថា មូលហេតុឈានដល់ធ្វើការចាប់ខ្លួនជនសង្ស័យប្រុសស្រីទាំង២នាក់ខាងលើនោះ ដោយសារមានពាក្យ បណ្ដឹងពីជនរងគ្រោះថា ជនសង្ស័យ«ទិញរថយន្តរួច ប៉ុន្តែជនសង្ស័យរូបនេះបានបង្កកសាច់ប្រាក់ក្នុងធនាគារវិញមិនឱ្យអ្នកលក់រថយន្តដក ប្រាក់បាននោះទេ កាលពីថ្ងៃទី៧ ខែតុលា ឆ្នាំ ២០២៤ ហើយសមត្ថកិច្ចបានឃើញរថយន្តខាងលើធ្វើចរាចរណ៍នៅទឹកដីក្រុងសៀម រាបក៏ឃាត់ខ្លួនតែម្ដងហើយ ប្រគល់ឱ្យសមត្ថកិច្ច នគរបាល រាជធានីភ្នំពេញ ភ្លាមៗ ផងដែរ ៕
ចែករំលែកព័តមាននេះ