ខេត្តបាត់ដំបង ៖ ក្រុមក្មេងអន្ធពាលចំនួន០៦នាក់ ដែលត្រូវសមត្ថកិច្ចឃាត់ខ្លួនជាបន្តបន្ទាប់ ជាប់សង្ស័យបានរួមដៃគ្នាប្រព្រឹត្តនូវអំពើ«ប្លន់»យកម៉ូតូតាមដងផ្លូវ កាលពីចុងសប្ដាហ៍មុន ត្រូវកម្លាំងការិយាល័យព្រហ្មទណ្ឌកំរិតស្រាលនៃស្នងការខេត្ត កសាងសំណុំរឿងបញ្ជូនទៅកាន់តុលាការ នៅព្រឹកថ្ងៃទី១១ តុលា…
ខេត្តបាត់ដំបង ៖ ក្រុមក្មេងអន្ធពាលចំនួន០៦នាក់ ដែលត្រូវសមត្ថកិច្ចឃាត់ខ្លួនជាបន្តបន្ទាប់ ជាប់សង្ស័យបានរួមដៃគ្នាប្រព្រឹត្តនូវអំពើ«ប្លន់»យកម៉ូតូតាមដងផ្លូវ កាលពីចុងសប្ដាហ៍មុន ត្រូវកម្លាំងការិយាល័យព្រហ្មទណ្ឌកំរិតស្រាលនៃស្នងការខេត្ត កសាងសំណុំរឿងបញ្ជូនទៅកាន់តុលាការ នៅព្រឹកថ្ងៃទី១១ តុលា ដើម្បីចាត់ការតាមនីតិវិធី ។ នេះបើតាមការឲ្យដឹងពីមន្ត្រីការិយាល័យជំនាញ ។
តាមរយៈរបាយការណ៍ លោកឈឿង គឹមសុង ស្នងការរងទទូលដឹកនាំការិយាល័យព្រហ្មទណ្ឌកំរិតស្រាលបានឲ្យដឹងថា ជនសង្ស័យទាំង០៦នាក់រួមមាន ១-ឈ្មោះ សេង អត្ថៈវិរៈ អាយុ១៦ឆ្នាំ ឡាត់ អ៊ី អាយុ១៧ឆ្នាំ ២-ឡាក់ អ៊ី អាយុ១៧ឆ្នាំ ៣-ឈ្មោះ ទុន ឆានុន អាយុ១៦ឆ្នាំ ៤-ឈ្មោះ ពុន ប៊ុនថៃ អាយុ១៨ឆ្នាំ ៥-ឈ្មោះ ប៊ុន គង់ អាយុ២១ឆ្នាំ អុល ឧសភា ហៅ អ៊ូក អាយុ១៧ឆ្នាំ (អ្នកដៃដល់) ។
លោកស្នងការរងបាននិយាយថា ក្រុមជនអន្ធពាលទាំងនេះ បានធ្វើសកម្មភាពស្ទាក់ «ប្លន់» យកម៉ូតូរបស់ជនរងគ្រោះឈ្មោះ អ៊ុន ករុណា ភេទប្រុស អាយុ២២ឆ្នាំ រស់នៅភូមិរំចេក២ សង្កាត់រតនៈ ក្រុងបាត់ដំបង ។ លោកស្នងការរងបានបញ្ជាក់ថា ក្រុមនេះ ត្រូវកម្លាំងការិយាល័យព្រទណ្ឌកំរិតស្រាល សហការជាមួយកម្លាំងជំនាញអធិការក្រុងបាត់ដំបង ធ្វើការស្រាវជ្រាវរហូតតាមឃាត់ខ្លួនបានជាបន្តបន្ទាប់ ក្នុងរយៈ០២ថ្ងៃ (០៨-០៩,១០,២០២៤) ដោយជនខ្លួនតាមចាប់ដល់ក្រុងប៉ោយប៉ែត ខេត្តបន្តាយមានជ័យ។
យោងតាមរបាយការណ៍ព្រឹត្តិហេតុរបស់សមត្ថកិច្ចបានឲ្យដឹងថា ក្រុមចោរ«ប្លន់» ដែលបម្លែងខ្លួនចេញពីក្រុមក្មេងអន្ធពាលខាងលើនេះ បានសហការគ្នាប្រព្រឹត្តអំពើ«ប្លន់»យកម៉ូតូជនរងគ្រោះ កាលពីវេលាម៉ោង១០យប់ថ្ងៃទី តុលា នៅលើដងផ្លូវមួយកន្លែង នៅក្បែរមន្ទីរកសិកម្ម ស្ថិតក្នុងភូមិដំណាក់ហ្លូង សង្កាត់វត្តគរ ក្រុងបាត់ដំបង ។ បើតាមសមត្ថកិច្ចបាននិយាយថា តាមពីក្រុមចោរប្លន់ និងជនរងគ្រោះជាមនុស្សស្គាល់គ្នា ។ ហើយក្រុមជនអន្ធពាលទាំងនេះ បានរៀបចំគម្រោង«ប្លន់»យកម៉ូតូជនរងគ្រោះ ។
សមត្ថកិច្ចបានប្រាប់ទៀតថា ក្នុងគម្រោងទុច្ចរិតនេះ ពួកគេបានណាត់ឲ្យជនរងគ្រោះជិះម៉ូតូទៅជួបពួកគេនៅចំណុចកើតហេតុ ដែលមានឈ្មោះ ប៊ុន គង់ និងបក្សពួកម្នាក់ទៀត ជាអ្នកពួនចាំស្ទាក់ប្លន់ជនរងគ្រោះ រីឯបក្សពួក០៤នាក់ទៀត ជាអ្នកទំនាក់ទំនងហៅជនរងគ្រោះ ។
លុះពេលជនរងគ្រោះជិះម៉ូតូទៅដល់ចំណុចកើតហេតុ ស្រាប់តែជនដៃ០២នាក់ មានឈ្មោះ ប៊ុន គង់ ជាអ្នកកាន់កាំបិតចេញមកគំរាមរកកាប់សម្លាប់ ដើម្បីឲ្យជនរងគ្រោះប្រគល់ម៉ូតូ ។ ស្ថិតក្នុងស្ថានភាពបែបនេះ ជនរងគ្រោះក៏សម្រេចប្រគល់ម៉ូតូឲ្យក្រុមចោរប្លន់ ដើម្បីបានរួចខ្លួន ។ ក្រោយបានម៉ូតូដល់ដៃ ក្រុមចោរក៏ជិះគេចខ្លួនបាត់ លុះប៉ុន្មានថ្ងៃក្រោយ ក៏ត្រូវសមត្ថកិច្ចតាមឃាត់ខ្លួនបានជាបន្តបន្ទាប់ ដែលជនខ្លះចាប់នៅក្រុងប៉ោយប៉ែត ថែមទាំងដកហូតបានម៉ូតូជនរងគ្រោះបានមកវិញទៀតផង ។
លោក ឈឿង គឹមសុង បានបញ្ជាក់ថា ក្រុមជនសង្ស័យទាំង០៦នាក់នេះ បានសារភាពថា ពួកគេពិតជាបានរួមគំនិតគ្មានរៀបចំគម្រោង «ប្លន់»យកម៉ូតូជនរងគ្រោះមែន ។ ក្រោយបញ្ចប់ការសាកសួរនាំ ពេលនេះ លោកស្នងការខេត្តបានបញ្ជាឲ្យមន្ត្រីការិយាល័យព្រហ្មទណ្ឌកំរិតស្រាល កសាងសំណុំរឿង បញ្ជូនក្រុមជនសង្ស័យទៅកាន់សាលាដំបូងខេត្តនៅព្រឹកថ្ងៃទី១១ តុលា នេះ ហើយដើម្បីការតាមផ្លូវច្បាប់៕
ចែករំលែកព័តមាននេះ