បន្ទាយមានជ័យ ៖ ជនជាតិថៃ ចំនួន២០នាក់ស្រី១១នាក់ដែលលួចលាក់ធ្វើការដោយខុសច្បាប់(គ្មានលិខិតឆ្លងដែន)ត្រូវបានចាប់ប្រគល់ជូនអាជ្ញាធរថៃនៅថ្ងៃទី២១ ខែកញ្ញា ឆ្នាំ២០២៤នៅច្រកទ្វារអន្តរជាតិប៉ោយប៉ែត។ លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា…
បន្ទាយមានជ័យ ៖ ជនជាតិថៃ ចំនួន២០នាក់ស្រី១១នាក់ដែលលួចលាក់ធ្វើការដោយខុសច្បាប់(គ្មានលិខិតឆ្លងដែន)ត្រូវបានចាប់ប្រគល់ជូនអាជ្ញាធរថៃនៅថ្ងៃទី២១ ខែកញ្ញា ឆ្នាំ២០២៤នៅច្រកទ្វារអន្តរជាតិប៉ោយប៉ែត។
លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានប្រាប់ថា ៖ជនជាតិថៃចំនួន២០នាក់ ស្រី១១នាក់ ដែលពាក់ព័ន្ធបទល្មើសលួចឆ្លងដែនចូលកម្ពុជាដោយខុសច្បាប់ (គ្មានលិខិតឆ្លងដែន) ត្រូវបានកម្លាំងស្នាក់ការត្រៀមបណ្តេញចេញពីខេត្តសៀមរាបនៃនាយកដ្ឋានស៊ើបអង្កេត និងអនុវត្តនីតិវិធីត្រូវបានប្រគល់ជូនអាជ្ញាធរមានសមត្ថកិច្ចថៃមកទទួលយកនៅច្រកទ្វារអន្តរជាតិប៉ោយប៉ែតកម្ពុជា ដែលឈមច្រកទ្វារខ្លងលឹកប្រទេសថៃ ។
លោកបានបញ្ជាក់ថា ៖ ជនជាតិថៃចំនួន២០នាក់នេះ បានបានលួចឆ្លងដែនមកស្នាក់ធ្វើការនៅប្រទេសកម្ពុជា ជាជនអន្តោប្រវេសន៍ដោយខុសច្បាប់ (គ្មានលិខិតឆ្លងដែន) ដែលត្រូវបានប្រគល់ជូនកម្ពុជា មានលោកវរៈសេនីយ៍ទោ សេម មករា នាយផ្នែកនគរបាលអន្តោរប្រវេសន៍ និងលោកអនុសេនីយ៍ឯក ស៊ាន រតនា នាយរងផ្នែកនគរបាលអន្តោរប្រវេសន៍ច្រកទ្វារអន្តរជាតិប៉ោយប៉ែត ដែលត្រូវប្រគល់ជូនភាគីថៃ មានលោកអនុសេនីយ៍ឯក SURAPOS KRUATANKUL នាយរងផ្នែកនគរបាលអន្តោរប្រវេសន៍ច្រកទ្វារព្រំដែនអន្តរជាតិខ្លងលឹកស្រុកអារ័ញ្ញប្រាថេត ខេត្តស្រះកែវប្រទេសថៃ ។
លោក វ៉ាន់ ដារ៉ាន់ បានបញ្ជាក់ថា ៖ រយៈពេលកន្លងមកភាគីកម្ពុជា បានប្រគល់ជូនជនអន្តោរប្រវេសន៍ថៃ តាមច្រកទ្វារអន្តរជាតិប៉ោយប៉ែត ហើយកម្ពុជាបានទទួលជនអន្តោប្រវេសន៍កម្ពុជា ដែលភាគីថៃចាប់បញ្ជូនអោយកម្ពុជាដូចគ្នានេះ ជាសហប្រតិបត្តិការល្អរវាងអាជ្ញាធរមានសមត្ថកិច្ចច្រកទ្វារព្រំដែនកម្ពុជា.ថៃ ៕
ចែករំលែកព័តមាននេះ