រាជធានីភ្នំពេញ ៖ ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ និងការចង្អុលបង្ហាញពីលោកឧត្តមសេនីយ៍ត្រី វុទ្ធី វង្សវិបុល អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យ កាលពីវេលាម៉ោង១៤៖១០នាទីថ្ងៃទី១២ ខែកញ្ញា ឆ្នាំ២០២៤ លោកវរសេនីយ៍ត្រី ណុប មុនី នាយរងការិយាល័យ បានដឹកនាំកម្លាំងជំនាញការិយាល័យព្រហ្មទណ្ឌកម្រិតស្រាល ល្បាតក្នុងភូមិសាស្ត្ររាជធានីភ្នំពេញ ដល់ចំណុចផ្លូវលេខ៦៣ កែងផ្លូវលេខ៤២២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
នៅពេលដល់ចំណុចខាងលើនេះ កម្លាំងជំនាញប្រទះឃើញ ជសង្ស័យ២នាក់ ជិះម៉ូតូ១គ្រឿង ម៉ាក HONDA SCOPPY ពណ៌ស ពាក់ស្លាកលេខ ភ្នំពេញ1KV- 9571 បានធ្វើសកម្មភាពឆក់កាបូបយួរដៃពីបុរសជនរងគ្រោះម្នាក់ ដែលនៅក្នុងកង់បីឥណ្ឌា (Passapp) ពណ៌ស មិនបានសម្រេច ក៏ត្រូវសមត្ថកិច្ចឃាត់ខ្លួន បានជនសង្ស័យទាំងពីរនាក់ ។
ជនសង្ស័យឈ្មោះ ចាន់ តយ អាយុ២៦ឆ្នាំ ស្នាក់នៅសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ និងឈ្មោះ ម៉ាត់ ម៉េងហុង អាយុ២៨ឆ្នាំ ភូមិក្ដីតាកុយ សង្កាត់និរោធ ខណ្ឌច្បារអំពៅ រាជធានីភ្នំពេញ ។
សម្ភារដកហូត ម៉ូតូចំនួន១គ្រឿង ម៉ាក HONDA SCOPPY ពណ៌ស ពាក់ស្លាកលេខភ្នំពេញ1KV-9571 ។
បច្ចុប្បន្ន កម្លាំងជំនាញធ្វើការសាកសួរជនសង្ស័យ នឹងកសាងសំណុំរឿងចាត់ការបន្ដតាមនីតិវិធី ៕
ចែករំលែកព័តមាននេះ