ខេត្តស្វាយរៀង ៖ កសិករវ័យក្មេងម្នាក់បានបើកកសិដ្ឋានចិញ្ចឹមគោជាលក្ខណៈគ្រួសារ នៅលើផ្ទៃដីទំហំ១ហិកតា ដោយចំណាយដើមទុនសរុបជិត១០ម៉ឺនដុល្លារ ។ បើតាមបុរសឈ្មោះសរ ផាត់ អាយុ៦៣ឆ្នាំ មន្ត្រីសុខាភិបាលចូលនិវត្ស…
ខេត្តស្វាយរៀង ៖ កសិករវ័យក្មេងម្នាក់បានបើកកសិដ្ឋានចិញ្ចឹមគោជាលក្ខណៈគ្រួសារ នៅលើផ្ទៃដីទំហំ១ហិកតា ដោយចំណាយដើមទុនសរុបជិត១០ម៉ឺនដុល្លារ ។
បើតាមបុរសឈ្មោះសរ ផាត់ អាយុ៦៣ឆ្នាំ មន្ត្រីសុខាភិបាលចូលនិវត្ស នៅភូមិសាមគ្គីសង្កាត់ស្វាយតឿ ក្រុងស្វាយរៀង បានប្រាប់កោះសន្តិភាព កាលពីរសៀលថ្ងៃទី១៣កញ្ញា២០២៤ថា កូនប្រុសរបស់គាត់ឈ្មោះសរ ផានិត អាយុ២៣ឆ្នាំ ក្រោយពីបញ្ចប់ការសិក្សាផ្នែកកសិកម្មមក ក៏មានបំណងចង់បើកកសិដ្ឋានចិញ្ចឹមសត្វគោ ជាលក្ខណៈគ្រួសារ លោកក៏បានបំពេញបំណងកូន បានចែកដីស្រែចំនួន១ហិកតាឲ្យកូន ដើម្បីរៀបចំកសិដ្ឋាន។
លោកសរ ផាត បានមានប្រសាសន៍ថា ការបើកកសិដ្ឋាននេះ ត្រូវប្រើប្រាស់ដើមទុនអស់ជិត១០ម៉ឺនដុល្លារ គឺ ការចាក់ដី ការសាងសង់រោង ក្រោលគោ ការទិញពូជស្មៅ សម្រាប់ចំណីគោ ។ល។ លោកបន្តទៀតថា ការចាក់ដីនិងសាងសង់រោងចំណាយថវិការជាង៣ម៉ឺនដុល្លារ ការទិញពូជ ស្មៅ(ស្មៅភីងក្រាស់ និងស្មៅបារាំង) និងការៀបចំប្រពន្ធ័ទឹកស្អាតសម្រាប់ប្រើប្រាស់ស្រោចស្មៅ និងសំអាតក្រោល អស់ជាង១ម៉ឺនដុល្លារ ។
ទិញពូជគោ កូនកាត់ពូជគោវៀតណាម ចំនួន៥៥ក្បាល ញី៣២ក្បាល ក្នុង១ក្បាលតម្លៃ ជាង១ពាន់ដុល្លារ សរុបជាង៥ម៉ឺនដុល្លារ។ ហើយការបើកកសិដ្ឋាននិងចាប់ដំណើរការចិញ្ចឹមគោនេះគឺចាប់ពីថ្ងៃទី៩កុម្ភៈ២០២៤ មកដល់ខែកញ្ញា២០២៤នេះមានរយៈពេលជិត៨ខែប៉ុណ្ណោះ។ ហើយបានទិញស្ពាំ ពូជគោត្រាម៉ាន់ អូស្ត្រាលី មកបង្កាត់ ពូជ គោមេពូជចំនួន៣២ក្បាល រួចហើយ ។
លោកសរ ផាត បានឲ្យដឹងទៀតថា ដើម្បី បង្វឹលថវិកា ទៅលើ ការចំណាយ ស្មៅ ចំបើង ថ្នាំវ៉ាក់សាំង គឺត្រូវចិញ្ចឹមគោក្តាម ក្នុងស្រុកផងដែរ ដើម្បីដោះដូរ និងលក់យកថវិកា សម្រាប់ប្រើប្រាស់ក៏ប៉ុន្តែបច្ចុប្បន្ន គោរស់ គោក្តាមមានតម្លៃថោក គោជំទង់១ក្បាលលក់បានតម្លៃត្រឹ៥០ម៉ឺនទៅ៦០ម៉ឺនបុណ្ណោះ ឈ្មួញទិញយកទៅកាប់សាច់ឬដុត។
ទោះបីជាយ៉ាងណា កសិដ្ឋានចិញ្ចឹមគោរបស់កូនគាត់នៅតែដំណើរការរលូន ដោយគាត់លក់គោ ឈ្មោល២ក្បាល គោកូនកាត់បាន១ក្បាល១,៥០០ដុល្លារដែរ ដូច្នេះ នៅពេលមេគោពូជ ទម្លាក់កូន៣២ក្បាលកសិដ្ឋាននិងរីកចំរើន៕
ចែករំលែកព័តមាននេះ