រាជធានីភ្នំពេញ ៖ តាមរយៈការដឹកជញ្ជូនតាមផ្លូវទឹកកម្ពុជា មានមហិច្ឆតាប្រែក្លាយកំពង់ផែដែលអាចឲ្យកប៉ាល់ដឹកទំនិញមកផ្ទាល់ និងដឹកទំនិញទៅកាន់បណ្តាកំពង់ផែនានានៅលើពិភពលោកបាន។
ថ្លែងក្នុងពិធីសម្ភោធដាក់ឲ្យប្រើប្រាស់ជាផ្លូវការចំណតផែនកុងតឺន័របន្ថែមប្រវែង២៥៣ម៉ែត្រនាព្រឹកថ្ងៃទី១២ ខែកញ្ញា ឆ្នាំ២០២៤ នៅខេត្តព្រះសីហនុ សម្តេចធិបតីហ៊ុន ម៉ាណែតបាន លើកឡើងថា កម្ពុជាបានកំពុងតែកសាងកំពង់ផែទឹកជ្រៅបន្ថែម ក្នុងនោះ មាននៅខេត្តកំពត ខេត្តកោះកុង ប៉ុន្តែកំពង់ផែនៅខេត្តព្រះសីហនុ គឺជាកំពង់ផែនាំមុខមួយមានសកម្មភាពយូរឆ្នាំមកហើយ និងមានសក្តានុពល ។
សម្តេចធិបតីនាយករដ្ឋមន្ត្រីបានបន្តថា កំពង់ផែចំនួន២៥៣ម៉ែត្រ ដែលសម្ភោធដាក់ដំណើរការនៅថ្ងៃនេះនឹងផ្តល់ជាជម្រើសបន្ថែមសម្រាប់បំពេញមុខងាររបស់កំពង់ផែស្វ័យតក្រុងព្រះសីហនុក្នុងគោលបំណងពង្រីកសមត្ថភាពនឹងធ្វើទំនើបកម្ម ដើម្បីឆ្លើយតបទៅនឹងកំណើនកុងតឺន័រដែលឆ្លងកាត់ប្រចាំឆ្នាំ។
មុននឹងទទួលបានលទ្ធផលនោះចំណតផែថ្មីៗជាជំហាន នៅពេលអនាគត។ ជាមួយគ្នានោះដែរសម្តេចធិបតីនាយករដ្ឋមន្ត្រីក៏បានបញ្ជាក់ថា «រាជរដ្ឋាភិបាលមានបំណងបង្កើត និងសាងសង់កំពង់ផែទឹកជ្រៅចំនួន២ ឬ៣បន្ថែមទៀត ។ ការបង្កើតនេះ ដើម្បីប្រែក្លាយកំពង់ផែស្វ័យតព្រះសីហនុទៅជាកន្លែងផ្ទេរ ផ្ទុកដ៏សំខាន់មួយរបស់កម្ពុជា និងជាកំពង់ផែទឹកជ្រៅសូត្រនៅក្នុងតំបន់ដែលអនុញ្ញាតឲ្យមានការដឹកជញ្ជូនទំនិញផ្ទាល់ ពីកម្ពុជាទៅកាន់កំពង់ផែនានានៅលើពិភពលោក»។
សម្តេចធិបតីបានបញ្ជាក់បន្ថែមថា « យើងត្រូវធ្វើកំពង់ផែជាបីជំហានទៀត ប៉ុន្តែបច្ចុប្បន្ន ត្រូវច្នៃនូវអ្វីដែលមានអីញ្ចឹងត្រូវច្នៃកន្លែងនេះរៀបចំឲ្យក្លាយជាផែនថែមទៀត ដើម្បីឆ្លើយតបនិងតម្រូវការ
របស់យើង។ ការជីកបន្ថែមនោះបានធ្វើពេលនេះយើងបានអនុញ្ញាតឲ្យកប៉ាល់ ប្រមាណ១៨%អាចចូលមកបាន ចំណែក៨២% ត្រូវសាងនៅខាងក្រៅ ដោយផ្ទេរ ដូច្នេះការដឹក ជញ្ជូនត្រូវថ្លៃជាង»។
សម្តេចធិបតីក៏បានលើកឡើងទៀតថា នៅពេលដែលយើងជីកជម្រៅដល់១១.៥ម៉ែត្រនោះនឹងធ្វើឲ្យកប៉ាល់ដែលដឹកក្នុងទ្វីអាស៊ីប៉ាស៊ីហ្វិកអាចដឹកចូលមកកាន់កំពង់ផែនយើងបាន៤៩.២៥% ហើយនាវាកម្រិតពិភពលោកបាន៣៨% ។
ការដែលកប៉ាល់បានចូលមកដល់ផ្ទាល់កំពង់ផែ នោះនឹងធ្វើឲ្យមានការកាត់បន្ថយ ថ្លៃដឹកជញ្ជូនផងដែរ។ ចំណតផែកុងតឺន័របន្ថែមប្រវែង២៥៣ម៉ែត្រនេះ នឹងពង្រីកសមត្ថភាព និងទំនើបកម្ម កំពង់ផែ ដើម្បីឆ្លើយតបនឹងកំណើនកុងតឺន័រឆ្លងកាត់នាពេលបច្ចុប្បន្ន មុននឹងយើងទទួ លបានសមិទ្ធផលចំណតផែកុងតឺន័រទឹកជ្រៅថ្មីទាំង៣ជំហាន នាពេលអនាគត។
សម្តេចធិបតីនាយករដ្ឋមន្ត្រីក៏បានលើកឡើងថា កំពង់ផែស្វយ័តក្រុងព្រះសីហនុ គឺជាកំពង់ផែទឹកជ្រៅតែមួយគត់របស់កម្ពុជា ដែលបាននិងកំពុងដើរតួនាទីយ៉ាងសំខាន់ ក្នុងការរួមចំណែកដល់ការអភិវឌ្ឍប្រទេសជាតិ តាមរយៈផលចំណូលអាជីវកម្មដែលទទួលបានពីកំណើនបរិមាណទំនិញ និងកុងតឺន័រឆ្លងកាត់ជារៀងរាល់ថ្ងៃ៕
ចែករំលែកព័តមាននេះ