រាជធានីភ្នំពេញ ៖ បុរសម្នាក់ទៅឈរនោមដាក់ផើងផ្កាខាងមុខហាងគេរកស៊ី ក្លាយជាជម្លោះប្រកែកគ្នាជាមួយបុគ្គលិកហាង រហូតបង្កជាហិង្សាកាលពីវេលាម៉ោង៩យប់ ថ្ងៃទី១១ ខែកញ្ញា ឆ្នាំ២០២៤ ស្ថិតនៅចំណុចហាងផឹកស៊ី ដែលមានស្លាកយីហោ…
រាជធានីភ្នំពេញ ៖ បុរសម្នាក់ទៅឈរនោមដាក់ផើងផ្កាខាងមុខហាងគេរកស៊ី ក្លាយជាជម្លោះប្រកែកគ្នាជាមួយបុគ្គលិកហាង រហូតបង្កជាហិង្សាកាលពីវេលាម៉ោង៩យប់ ថ្ងៃទី១១ ខែកញ្ញា ឆ្នាំ២០២៤ ស្ថិតនៅចំណុចហាងផឹកស៊ី ដែលមានស្លាកយីហោ ត្រូទ្រីផាប់ ក្នុងកោះពេជ្រ សង្កាត់ទន្លេបាសាក់ ខណ្ឌ ចំការមន រាជធានីភ្នំពេញ។.
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់ និងមិត្តស្រីរបស់គេ ធ្វើដំណើរមកខាងមុខបរិវេណហាង ដែលមានស្លាកយីហោ ត្រូទ្រីផាប់ ខណៈមកដល់ខាងមុខហាង បុរសរូបនោះបានឈរនោមដាក់ផើងផ្កានៅខាងមុខហាងខាងលើនោះ។ ភ្លាមៗនោះបុគ្គលិកដែលនៅខាងក្នុងហាងឃើញសកម្មភាពបែបនេះ ក៏ចេញទៅស្តីអោយបុរសរូបនោះ ព្រោះហាងរបស់ខ្លួនមិនទាន់មានភ្ញៀវចូលផង បែរជាបុរសរូបនោះទៅឈរនោមបែបនេះ គឺអាក្រក់មើលណាស់ ។ និយាយរួច ស្រាប់តែត្រូវបុរសរូបនោះជេរស្តីអោយបន្ថែមទៀត ទើបក្រុមបុគ្គលិកហាងទ្រាំលែងបានក៏នាំគ្នាព្រួតវាយបុរសរូបនោះ បណ្តាលឲ្យរងរបួសតែម្តង។
បន្ទាប់ពីត្រូវរបួស បុរសរូបនោះនិងមិត្តស្រីបាន បានលើកទូរស័ព្ទដៃរបស់ខ្លួនឡាយក្នុងហ្វេសប៊ុករៀបរាប់ពីហេតុការណ៍ដែលគេវាយខ្លួន រួចក៏នាំគ្នាទៅមន្ទីរពេទ្យដើម្បីលាងរបួស ។ បន្ទាប់ពីលាងរបួសរួច បុរសរូបនោះបានទាក់ទងទៅកាន់អ្នកសារព័ត៌មាន ដើម្បីជួយផ្សព្វផ្សាយអោយខ្លួន ដោយខ្លួនបានវិលត្រឡប់មកហាងកើតហេតុវិញផងដែរ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ទីតាំងកើតហេតុ ក៏បានធ្វើការសាកសួរនាំជាបឋមទើបដឹងថា មូលហេតុដែលគេវាយ គឺបុរសរងគ្រោះទៅឈរនោមដាក់មុខហាងគេ នៅពេលគេស្តីអោយ បែរជាជេរស្តីអោយបុគ្គលិកហាងវិញ ទើបគេខ្វះការអត់ធ្មត់ក៏ព្រួតវាយបែបនេះ តែម្តង ។
បន្ទាប់មក សមត្ថកិច្ចបានអោយជនរងគ្រោះទៅដាក់ពាក្យបណ្តឹងនៅប៉ុស្តិ៍ទន្លេ បាសាក់ ដើម្បីអនុវត្តបន្តតាមនីតិវិធីនៅពេលក្រោយ ៕
ចែករំលែកព័តមាននេះ