រាជធានីភ្នំពេញ ៖ រថយន្ត០៤គ្រឿងត្រូវ មែកដើមស្វាយមួយដើមដែលពុកផុយ​សង្កត់ រងការខូចខាត ក្រោយមានខ្យល់បោកបក់យ៉ាងខ្លាំង ។

​ហេតុការណ៍ខាងលើនេះ​បានកើតឡើងកាលពីវេលាម៉ោង៣នឹង១០នាទីរសៀលថ្ងៃទី ០៣ ខែកញ្ញា ឆ្នាំ២០២៤ នៅតាមបណ្តោយផ្លូវ ២៥៤ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។

តាមប្រភពព័ត៍មានពីសន្តិសុខក្បែរចំណុចកើតហេតុ បានអោយដឹងថា មុនពេលកើតហេតុ មានភ្លៀងធ្លាក់មួយមេ លាយលំខ្យល់កន្រ្តាក់ ។ ខណៈមេឃភ្លៀងបានបន្តិច ក៏ស្រាប់តែដើមស្វាយដែលពុកផុយមែកមួយដើម ធ្លាក់មែកយ៉ាងធំ មកសង្កត់រថយន្តចំនួន០៤គ្រឿង ដែលចតនៅខាងក្រោមដើមស្វាយបង្កការខូចខាត ។ ភ្លាមៗ សន្តិសុខនៅក្បែរនោះបានស្រែកសួរម្ចាស់រថយន្ត ដែលចតចោល ដើម្បូមកយករថយន្តចេញពីកន្លែងកើតហេតុ ។

ដែលក្នុងហេតុការណ៍នេះបណ្តាលអោយមានរថយន្ត០៤គ្រឿង រងការខូចខាតយ៉ាងដំណំចំនួន០៣គ្រឿង នឹងមួយគ្រឿងខូចខាតផ្នែកដំបូលបន្តិចបន្តួច ។ ដោយមានរថយន្ត ហាយឡែនដើ , តូយូតា រ៉ាយ , រថយន្ត គា នឹងរថយន្តព្រុស ។

ក្រោយពេលកើតហេតុ ម្ចាស់រថយន្តទាំង០៤គ្រឿង បានមកដល់រួចបានយករថយន្តទៅជួសជុលដោយខ្លួនឯង ៕