កម្ពុជាបាននាំចេញជ័រកៅស៊ូប្រមាណជា១៧៣.៩១៥ តោន ក្នុងរយៈពេល៧ខែដំបូងឆ្នាំនេះមានការកើនឡើងប្រមាណជា ២.៩៤៧តោន ឬ១,៧២ ភាគរយ ប្រសិនបើធៀបជាមួយនឹងរយៈពេលដូចគ្នា កាលពីឆ្នាំមុន ប៉ុន្តែប្រសិនបើគិតជាទឹកប្រាក់ គឺមានការកើនឡើងគួមសម…
កម្ពុជាបាននាំចេញជ័រកៅស៊ូប្រមាណជា១៧៣.៩១៥ តោន ក្នុងរយៈពេល៧ខែដំបូងឆ្នាំនេះមានការកើនឡើងប្រមាណជា ២.៩៤៧តោន ឬ១,៧២ ភាគរយ ប្រសិនបើធៀបជាមួយនឹងរយៈពេលដូចគ្នា កាលពីឆ្នាំមុន ប៉ុន្តែប្រសិនបើគិតជាទឹកប្រាក់ គឺមានការកើនឡើងគួមសម ។
តាមរបាយការណ៍របស់អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ ដែលកម្មវិធីលុយនៃសារព័ត៌មានកោះសន្តិភាព ទទួលបាននៅព្រឹកថ្ងៃអាទិត្យនេះ បានបង្ហាញថា រយៈពេល៧ខែដំបូងនេះ កម្ពុជារកចំណូលបានប្រមាណជាង២៧១លានដុល្លារពីការនាំចេញជ័រកៅស៊ូ ទៅកាន់ទីផ្សារអន្តរជាតិកើនឡើង១៨,១២ភាគរយ ប្រសិនបើប្រៀបធៀបជាមួយរយៈពេលដដែល កាលពីឆ្នាំមុន។
ជ័រកៅស៊ូកម្ពុជានាំចេញទៅកាន់ប្រទេសម៉ាឡេស៊ី វៀតណាម សឹង្ហបុរី និងប្រទេសចិន ដែលជាទីផ្សារធំរបស់កម្ពុជា ។ ប្រភពដដែលបន្តថា កម្ពុជាមានផ្ទៃដីដាំដើមជ័រកៅស៊ូប្រមាណជា ៤០៧.១៧២ ហិចតា ហើយផ្ទៃដីដាំដើមជ័រកៅស៊ូចាស់ចំនួន ៣២០.១៨៤ ហិចតា ឬ៧៩ភាគរយនៃផ្ទៃដីសរុប។
សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីពេលថ្មីៗនេះ បានស្នើឱ្យរោងចក្រផលិតសំបកកង់ទាំងអស់ក្នុងប្រទេស ប្រើប្រាស់កៅស៊ូក្នុងស្រុកជាវត្ថុធាតុដើម បង្កើតទីផ្សារសម្រាប់កសិករកៅស៊ូ ។ កម្ពុជាមានរោងចក្រផលិតសម្បកកង់ ដោយក្នុងនោះក្រុមហ៊ុនធំៗចំនួនបីបានពង្រឹងវត្តមានរបស់ពួកគេក្នុងប្រទេសនោះ គឺក្រុមហ៊ុន General Tires Technology (Cambodia) Co., Ltd., Sailun Group Co., Ltd. និង Qingdao Doublestar Group ៕
ចែករំលែកព័តមាននេះ