បន្ទាយមានជ័យ ៖ បុរសម្នាក់លួចស្រលាញ់ស្រីគេមិនស្រលាញ់ផឹកស្រាជាមួយមិត្តភក្តិស្រវឹងក៏លោតពីអគារជាន់ទី៣ ធ្លាក់មកទើរលើស័ង្កសីរោងដាក់រថយន្ត បង្កមានការភ្ញាក់ផ្អើលនៅថ្ងៃទី១៤ ខែកក្កដានេះ នៅស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។…
បន្ទាយមានជ័យ ៖ បុរសម្នាក់លួចស្រលាញ់ស្រីគេមិនស្រលាញ់ផឹកស្រាជាមួយមិត្តភក្តិស្រវឹងក៏លោតពីអគារជាន់ទី៣ ធ្លាក់មកទើរលើស័ង្កសីរោងដាក់រថយន្ត បង្កមានការភ្ញាក់ផ្អើលនៅថ្ងៃទី១៤ ខែកក្កដានេះ នៅស្ថិតភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត ។
អ្នកឃើញហេតុការណ៍ប្រាប់ថា ៖ នៅពេលដែលកំពុងសម្រាក នៅជាន់ទី៥ បន្ទប់ជួល១១ជាន់ផ្ទាល់ដី ស្រាប់តែលាន់សូរ ហើយចេញមកមើលឃើញបុរសម្នាក់ដេកផ្ងារពោះទើរលើស័ង្កសីរោងរថយន្ត នៅខាងមុខត្រូវបានសន្តិសុខជួយយកចុះពីលើដំបូលមកខាងក្រោមមិនដឹងថា របួសធ្ងន់ រឺស្រាលនោះទេ ដែលឃើញបន្សល់ទុកទ្រាប់ជើងនៅសំយ៉ាបជាន់ជាន់ទី៣ ។
សមត្ថកិច្ចប្រាប់ថា ៖ បុរសរងគ្រោះមានអាយុប្រមាណជា៣០ឆ្នាំ (បុគ្គលិកកាស៊ីណូ) ស្នាក់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត តាមសម្តីជនរងគ្រោះបានអោយដឹងមូលហេតុ ដែលលោតពីលើអគារជាន់ទី៣ ធ្លាក់ទើរលើដំបូលស័ង្កសី រោងដាក់ឡាន គឺមូលហេតុដោយតូចចិត្តខ្លួនឯងស្រលាញ់ស្រីម្នាក់ គេមិនស្រលាញ់ខ្លួន ទើបសេដផឹកស៊ីជាមួយមិត្តភក្តិនៅខាងក្រៅ ហើយមកផឹកនៅបន្ទប់ដេកមិត្តភក្តិបន្តទៀត នៅពេលមិត្តភក្តិដេកអស់បានចេញមកសំយ៉ាបខាងក្រៅ ហើយលោតពីលើអគារជាន់ទី៣ ធា្លក់មកទើរដំបូលស័ង្កសីរោងដាក់ឡានខាងមុខ បម្រុងសម្លា.ប់ខ្លួនតែរបួសស្រាល ។
សមត្ថកិច្ចរូបនោះ បានបញ្ជាក់ថា ៖ ក្រោយជនរងគ្រោះលោតពីលើអគារធ្លាក់ទើរលើដំបូលស័ង្កសី ដេកផ្ងារពោះ ត្រូវបានសន្តិសុខយកចុះពិនិត្យមើក សាកសួររបួសស្រាល ហើយអោយម៉ូតូកងបីដឹកទៅផ្ទះ ហើយអគារដែលជនរងគ្រោះលោតមាន១១ជាន់ផ្ទាល់ដី ដែលជនរងគ្រោះលោតជាន់ទី៣ ផ្ទាល់ដីមកទើរដំបូលរោងដាក់រថយន្តខាងមុខ តែសំណាងរបួសស្រាល ៕
ចែករំលែកព័តមាននេះ