ADផ្ទាំងផ្សព្វផ្សាយពាណិជ្ជកម្ម

Picture

កិច្ច​ប្រជុំ​កំពូល​អ៊ុយ​ក្រែន​បាន​បិទ​បញ្ចប់​ដោយ​គ្មាន​ដំណោះ​ស្រាយ​អ្វី​ទេ

3 អាទិត្យ មុន

ទី​ក្រុង​ហ្សឺណែវ៖ ​គណៈ​ប្រតិ​ភូ​ដែល​ចូល​រួម​នៅ​ក្នុង​​សន្និ​សីទ​កំពូល​ស្ដី​ពី​ការ​​ស្វែង​រក​សន្តិ​ភាព​សម្រាប់​អ៊ុយ​ក្រែន​បាន​ចេញ​សេច​ក្ដី​ថ្លែង​ការណ៍​រួម​មួយ​ស្នើ​សុំ​ឱ្យ​យក​ចិត្ត​ទុក​ដាក់​ខ្ពស់​ចំពោះ​បញ្ហា​មួយ​ចំនួន​ដូច​ជា​ការ​ថែ​រក្សា​សុវត្ថិ​ភាព​នៅ​រោង​ចក្រ​នុយ​​ក្លេ​អ៊ែរ​។ កិច្ច​ប្រជុំ​កំពូល​រយៈ​ពេល​២​ថ្ងៃ​កន្លង​ទៅ​នេះ​បាន​បិទ​បញ្ចប់​ហើយ​កាល​ពី​យប់​ថ្ងៃ​អាទិត្យ​ដោយ​គ្មាន​បាន​ផ្លែ​ផ្កា​អ្វី​ទេ​ព្រោះ​មិន​មែន​ជា​ការ​ផ្ដួច​ផ្ដើម​ឡើង​​ដោយ​ប្រទេស​មហា​អំណាច​។ ម៉្យាង​ទៀត​ ​គ្មាន​វត្ត​មាន​របស់​​ប្រទេស​រុស្ស៊ី​ចូល​រួមទេ​។ យោង​តាម​សេចក្ដី​ថ្លែង​ការណ៍​នោះ ប្រទេស​ដែល​ចូល​រួម​ទាំង​អស់​សម្រេច​ចិត្ត​​ចាត់​វិធាន​ការ​ដ៏​ហ្មត់​ចត់​នៅ​ក្នុង​វិស័យ​៣​ជា​អាទិ​ភាព​។ ក្នុ​ងនោះ​មាន​ការ​ធានា​សុវត្ថិ​ភាព​នៅ​​ក្នុង​រោង​ចក្រ​នុយ​ក្លេអ៊ែរ​ និង​ការ​ធានា​សន្តិ​សុខ​ស្បៀង​អាហារ​។ លោក​ហ្សេឡិន​ស្គី​ថ្លែង​ថា​កិច្ច​ប្រជុំ​លើក​នេះ​បង្ហាញ​ថា​កម្លាំង​គាំទ្រ​ពី​សហ​គមន៍​អន្តរ​ជាតិ​មិន​អន់​ទេ​…

ទី​ក្រុង​ហ្សឺណែវ៖ ​គណៈ​ប្រតិ​ភូ​ដែល​ចូល​រួម​នៅ​ក្នុង​​សន្និ​សីទ​កំពូល​ស្ដី​ពី​ការ​​ស្វែង​រក​សន្តិ​ភាព​សម្រាប់​អ៊ុយ​ក្រែន​បាន​ចេញ​សេច​ក្ដី​ថ្លែង​ការណ៍​រួម​មួយ​ស្នើ​សុំ​ឱ្យ​យក​ចិត្ត​ទុក​ដាក់​ខ្ពស់​ចំពោះ​បញ្ហា​មួយ​ចំនួន​ដូច​ជា​ការ​ថែ​រក្សា​សុវត្ថិ​ភាព​នៅ​រោង​ចក្រ​នុយ​​ក្លេ​អ៊ែរ​។ កិច្ច​ប្រជុំ​កំពូល​រយៈ​ពេល​២​ថ្ងៃ​កន្លង​ទៅ​នេះ​បាន​បិទ​បញ្ចប់​ហើយ​កាល​ពី​យប់​ថ្ងៃ​អាទិត្យ​ដោយ​គ្មាន​បាន​ផ្លែ​ផ្កា​អ្វី​ទេ​ព្រោះ​មិន​មែន​ជា​ការ​ផ្ដួច​ផ្ដើម​ឡើង​​ដោយ​ប្រទេស​មហា​អំណាច​។ ម៉្យាង​ទៀត​ ​គ្មាន​វត្ត​មាន​របស់​​ប្រទេស​រុស្ស៊ី​ចូល​រួមទេ​។

យោង​តាម​សេចក្ដី​ថ្លែង​ការណ៍​នោះ ប្រទេស​ដែល​ចូល​រួម​ទាំង​អស់​សម្រេច​ចិត្ត​​ចាត់​វិធាន​ការ​ដ៏​ហ្មត់​ចត់​នៅ​ក្នុង​វិស័យ​៣​ជា​អាទិ​ភាព​។ ក្នុ​ងនោះ​មាន​ការ​ធានា​សុវត្ថិ​ភាព​នៅ​​ក្នុង​រោង​ចក្រ​នុយ​ក្លេអ៊ែរ​ និង​ការ​ធានា​សន្តិ​សុខ​ស្បៀង​អាហារ​។ លោក​ហ្សេឡិន​ស្គី​ថ្លែង​ថា​កិច្ច​ប្រជុំ​លើក​នេះ​បង្ហាញ​ថា​កម្លាំង​គាំទ្រ​ពី​សហ​គមន៍​អន្តរ​ជាតិ​មិន​អន់​ទេ​ ហើយ​រឹត​តែ​ខ្លាំង​ជាង​មុន​ទៅ​ទៀត​។​

លោក​​តាំង​ចិត្ត​ថា​​នឹង​បង្កើត​ផែន​ការ​​សកម្ម​ភាព​មួយ​ដើម្បី​ពង្រឹង​ការ​​អនុវត្ត​តាម​​​​​ផែន​ការសន្តិ​ភាព​ដែល​លោក​បាន​ស្នើ​ឡើង​​។ លោក​ត្រៀម​បើក​កិច្ច​ប្រជុំ​កំពូល​ជា​លើក​ទី​២​​នា​ពេល​អនា​គត​។ ប្រធានា​ធិបតី​ស្វីស​ លោក​ស្រី​វីយ៉ូឡា (Viola Amherd) សង្កត់​ធ្ងន់​ថា​កិច្ច​ប្រជុំ​កំពូល​នេះ​មាន​សារៈ​សំខាន់​។ ប៉ុន្តែ​លោក​ស្រី​​ទទួល​ស្គាល់​ថា​​បញ្ហា​ចំណោទ​ដ៏​ធំ​មួយ​នៅ​ត្រង់​ថា​តើ​គួរ​អនុញ្ញាត​ចូល​រួម​ឬ​អត់​ ហើយ​ចូល​រួម​នៅ​ពេល​ណា។​​

នៅ​ក្នុង​កិច្ច​ប្រជុំ​នោះ គណៈ​ប្រតិ​ភូ​មក​ពី​​​ប្រទេស​កំពុង​អភិ​វឌ្ឍ​ដែល​គេ​ស្គាល់​ថា «​ក្រុម​​អឌ្ឍ​គោល​ខាង​ត្បូង​»​​ បាន​សង្កត់​ធ្ងន់​ថា​បើ​សិន​ចង់​ដោះ​ស្រាយ​បញ្ហា​គ្រប់​យ៉ាង​លុះ​ត្រា​តែ​មាន​វត្ត​មាន​របស់​ប្រទេស​រុស្ស៊ី​ចូល​រួម​ដែរ​។ ក្រុម​ប្រទេស​ទាំង​នេះ​យល់​ថា​ជា​រឿង​សំខាន់​ណាស់​ដែល​គេ​ត្រូវ​តែ​ធ្វើ​ការ​ជា​មួយ​រដ្ឋាភិបាល​ទី​ក្រុង​ម៉ូស្គូ​។ ប្រទេស​ចំនួនដប់​ប្រកាស​មិន​គាំទ្រ​សេច​ក្ដី​ថ្លែង​ការណ៍​រួម​នោះ​ទេ​។ ក្នុ​ងនោះ​ក៏​​មាន​អារ៉ាប៊ី​សាអូឌីត និង​ឥណ្ឌា​​ផង​ដែរ​។

ក្រុម​អ្នក​សង្កេត​ការណ៍​យល់​ថា​កិច្ច​ប្រជុំ​កំពូល​លើក​នេះ​បង្ហាញ​ថា​គេ​ពិបាក​នឹងរក​ឃើញ​ដំណោះ​ស្រាយ​សន្តិ​ភាព​ដោយ​គ្មាន​ចំណែក​ចូលរួម​ពី​ប្រទេស​រុស្ស៊ី​ និង​ចិន​។ អ្នក​នាំ​ពាក្យ​វិមាន​ក្រឹម​ឡាំង​ទស្សន៍​ទាយ​ទុក​ជា​មុន​តាំង​ពី​មុន​ពេល​បើក​កិច្ច​ប្រ​ជុំ​នេះ​ថា​​ពួកគេ​នឹង​មិន​និយាយ​អំពី​សន្តិ​ភាព​ទេ​។ នេះ​ហើយ​ជា​បញ្ហា​។ កាល​ពី​ថ្ងៃ​សុក្រ​សប្ដាហ៍​មុន លោក​ពូទីន​បាន​ប្រកាស​ដាក់​ចេញ​លក្ខ​ខណ្ឌ​មួយ​ចំនួន​ជា​ថ្នូរ​នឹង​ការ​ចរ​ចា​បញ្ចប់​សង្គ្រាម​។

លោក​ទាម​ទារ​ឱ្យ​អ៊ុយ​ក្រែន​ទទួល​ស្គាល់​តំបន់​​ចំនួន​បួន​ដែល​រុស្ស៊ី​ដាក់​បញ្ចូល​ជា​ទឹក​ដី​រុស្ស៊ី​រួច​ហើយ ហើយ​អ៊ុយ​ក្រែន​ត្រូវ​ដក​កង​ទ័ព​ទាំង​អស់​ចេញ​ពី​តំបន់​ទាំង​នេះ​។ ចំណុច​មួយ​ទៀត​ លោក​ទាម​ទារ​ឱ្យ​អ៊ុយ​ក្រែន​​​បោះ​បង់​​គំនិត​ចង់​​​ចូល​ជា​សមាជិក​អង្គ​ការ​ណាតូ​។ ​អ្នក​នាំ​ពាក្យ​វិមាន​ក្រឹ​ម​ឡាំង​ថ្លែង​ថា​គេ​ត្រូវ​តែ​​យក​ចិត្ត​ទុក​ដាក់​​ចំពោះ​​​សំណើ​របស់​លោក​ពូទីន​។ បើ​ទុក​ជា​អ្នក​នយោបាយ​ខ្លះ​ដូច​ជា​ប្រធានា​ធិបតី​អ៊ុយ​ក្រែន​ព្យាយាម​មិន​ខ្វល់​នឹង​សំណើ​នេះ​ក៏​ដោយ​ ក៏​មាន​មនុស្ស​ជា​ច្រើន​ទៀត​ចង់​ឱ្យ​យក​មក​ពិចារណា​៕​​

អត្ថបទសរសេរ ដោយ

កែសម្រួលដោយ