ស្ថានទូតកូរ៉េខាងត្បូងប្រចាំកម្ពុជា បានរៀបចំការប្រកួតកីឡាតេក្វាន់ដូពានរង្វាន់ឯកអគ្គរដ្ឋទូតឆ្នាំ ២០២៤ នៅមជ្ឈមណ្ឌលតេក្វាន់ដូ ប៊ូយ៉ុង-ខ្មែរ ក្នុងពហុកីឡដ្ឋានជាតិអូឡាំពិក កាលពីថ្ងៃទី ១៣ ខែមិថុនា ឆ្នាំ២០២៤…
ស្ថានទូតកូរ៉េខាងត្បូងប្រចាំកម្ពុជា បានរៀបចំការប្រកួតកីឡាតេក្វាន់ដូពានរង្វាន់ឯកអគ្គរដ្ឋទូតឆ្នាំ ២០២៤ នៅមជ្ឈមណ្ឌលតេក្វាន់ដូ ប៊ូយ៉ុង-ខ្មែរ ក្នុងពហុកីឡដ្ឋានជាតិអូឡាំពិក កាលពីថ្ងៃទី ១៣ ខែមិថុនា ឆ្នាំ២០២៤ កន្លងទៅ។
ការប្រកួតកីឡាតេក្វាន់ដូពានរង្វាន់ឯកអគ្គរដ្ឋទូតឆ្នាំ ២០២៤នេះ ធ្វើឡើងក្នុង៦វិញ្ញាសាមេគុន (Poomsae) និង ២១ វិញ្ញាសាប្រយុទ្ធ(Kyorugi) មានអត្តពលិកសរុបចំនួន ២៩៦បានចូលរួម។
លោកឯកអគ្គរដ្ឋទូត ផាក ជុង វូក ( PARK Jung-Wook) បានមានប្រសាសន៍ថា ទំនាក់ទំនងសហប្រតិបត្តិការមិត្តភាពរវាងប្រទេសទាំងពីរកាន់តែជិតស្និទ្ធឡើង ដោយដំណើរទស្សនកិច្ចផ្លូវការលើកទី១របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ទៅកាន់សាធារណរដ្ឋកូរ៉េកាលពីខែឧសភាកន្លងទៅទទួលបានជោគជ័យ ហើយប្រទេសទាំងពីរត្រូវបានដំឡើងកម្រិតទំនាក់ទំនងទៅជា «ភាពជាដៃគូយុទ្ធសាស្ត្រ» ដើម្បីជំរុញកិច្ចសហប្រតិបត្តិការឱ្យកាន់តែជិតស្និទ ជាពិសេស តេក្វាន់ដូ គឺជាព្រឹត្តិការណ៍កីឡាដ៏ពេញនិយមមួយ ដែលតភ្ជាប់ប្រទេសទាំងពីរ ហើយសាធារណរដ្ឋកូរ៉េនឹងបន្តគាំទ្រដល់ការពង្រីកមូលដ្ឋានកីឡាតេក្វាន់ដូនៅកម្ពុជា។
លោក ឯកអគ្គរដ្ឋទូត បានសង្ឃឹមថា កីឡាករ-កីឡាការិនី ដែលបានចូលរួមការប្រកួតនឹងខិតខំប្រឹងប្រែងហ្វឹកហាត់កីឡាតេក្វាន់ដូ និងរីកចម្រើនក្លាយជាអត្តពលិកតំណាងឱ្យប្រទេសកម្ពុជានាពេលអនាគត។
ចែករំលែកព័តមាននេះ