ADផ្ទាំងផ្សព្វផ្សាយពាណិជ្ជកម្ម

Picture

UEFA Euro 2024 ៖ ពូ​ល B ពូ​លម​រណៈ

1 ខែ មុន

ប្រទេស​អា​ល្លឺ​ម៉​ង់ ៖ ការ​ប្រកួត​ព្រឹត្តិការណ៍​ជើងឯក​ទ្វីបអឺរ៉ុប​ឆ្នាំ ២០២៤ ឬ UEFA Euro 2024 ដែល​

ប្រទេស​អា​ល្លឺ​ម៉​ង់ ៖ ការ​ប្រកួត​ព្រឹត្តិការណ៍​ជើងឯក​ទ្វីបអឺរ៉ុប​ឆ្នាំ ២០២៤ ឬ UEFA Euro 2024 ដែល​ប្រទេស​អា​ល្លឺ​ម៉​ង់​ទទួល​ធ្វើ​ជា​ម្ចាស់ផ្ទះ​នោះ នឹង​ចាប់ផ្តើម​ដំណើរការ​ប្រកួត​នៅ​ថ្ងៃ​ទី​១៤ ខែមិថុនា រហូត​ដល់​ថ្ងៃ​ទី​១៤ ខែកក្កដា ឆ្នាំ​២០២៤ ឆាប់​ខាង​មុខ​នេះ​។ នៅ​ក្នុងថ្ងៃនេះ សារព័ត៌មាន «​កោះសន្តិភាព​» សូម​បង្ហាញ​រឿង​សំខាន់​ខ្លះ​ៗ​អំពី​ពូ​ល B ដែល​រួម​មាន ៖ ក្រុម​ការពារ​តំណែង​ជើងឯក​អ៊ី​តា​លី អេ​ស្ប៉ា​ញ ក្រូ​អាត និង អាល់​បា​នី ដោយ​ពូ​ល​មួយ​នេះ ត្រូវ​បាន​ចាត់ទុកជា​ពូ​លម​រណៈ សម្រាប់​ព្រឹត្តិការណ៍​នៅ​ឆ្នាំ​នេះ​។ គួររំលឹកថា UEFA Euro 2024 ៖ ពូ​ល A ម្ចាស់ផ្ទះ​អា​ល្លឺ​ម៉​ង់​បង្ហាញ​ភាព​លេចធ្លោ

ក្រុម​ការពារ​តំណែង​ជើងឯក​អ៊ី​តា​លី ធ្លាប់​បង្ហាញ​វត្ត​មាននៅ​ការ​ប្រកួត​ជើងឯក​ទ្វីបអឺរ៉ុប​ចំនួន ១០ លើក​រួច​មក​ហើយ ដោយ​លើក​ដំបូង​នៅ​ក្នុង​ឆ្នាំ ១៩៦៨ និង​ឈ្នះ​ជើងឯក​ចំនួន ២ ដង ពោល​នៅ​ឆ្នាំ ១៩៦៨ និង ២០២០ ហើយ​ក៏​ធ្លាប់​រងជើង​ឯក​ចំនួន ២ ដង​ផង​ដែរ នៅ​ឆ្នាំ ២០០០ និង ២០១២​។ ក្រុម​អសុរី​អ៊ី​តា​លី ដែល​ធ្លាប់​ធ្វើ​ម្ចាស់ផ្ទះ​ការ​ប្រកួត​ជើងឯក​អឺរ៉ុប​ចំនួន ២ លើក នៅ​ឆ្នាំ ១៩៦៨ និង ១៩៨០ បច្ចុប្បន្ន​ស្ថិត​នៅ​ក្រោម​ការ​ដឹកនាំ​របស់​លោក Luciano Spalletti គ្រូបង្វឹក​ជនជាតិ​អ៊ី​តា​លី ដែល​មាន​អ្នកចាំទី Gianluigi Donnarumma របស់​ក្រុម PSG គឺជា​ប្រធាន​ក្រុម​។

អេ​ស្ប៉ា​ញ ធ្លាប់​បង្ហាញ​វត្ត​មាននៅ​ការ​ប្រកួត​ជើងឯក​ទ្វីបអឺរ៉ុប​ចំនួន ១១ លើក​រួច​មក​ហើយ ដោយ​លើក​ដំបូង​នៅ​ឆ្នាំ ១៩៦៤ និង​ឈ្នះ​ជើងឯក​ចំនួន ៣ ដង កំពុង​កាន់​កំណត់​ត្រា​ជា​ក្រុម​ឈ្នះ​ជើងឯក​ច្រើន​ជាងគេ​នៅ​ក្នុង​ប្រវត្តិសាស្ត្រ រួម​ជាមួយនឹង​អា​ល្លឺ​ម៉​ង់ ហើយ​ក៏​ធ្លាប់​រងជើង​ឯក​១​ដង នៅ​ឆ្នាំ ១៩៨៤​។ ក្រុម​គោ​ជល់​អេ​ស្ប៉ា​ញ ដែល​ធ្លាប់​ធ្វើ​ជា​ម្ចាស់ផ្ទះ​ការ​ប្រកួត​ជើងឯក​ទ្វីបអឺរ៉ុប​តែ​១​លើក​គត់ បច្ចុប្បន្ន​ស្ថិត​ក្រោម​ការ​ដឹកនាំ​របស់​លោក Luis de la Fuente គ្រូបង្វឹក​ជនជាតិ​អេ​ស្ប៉ា​ញ ដែល​មាន​ខ្សែប្រយុទ្ធ Álvaro Morata របស់​ក្រុម Atlético Madrid គឺជា​ប្រធាន​ក្រុម​។

ក្រូ​អាត ធ្លាប់​បង្ហាញ​វត្ត​មាននៅ​ការ​ប្រកួត​ជើងឯក​ទ្វីបអឺរ៉ុប​ចំនួន ៦ លើក​រួច​មក​ហើយ លើក​ដំបូង​នៅ​ឆ្នាំ ១៩៩៦ និង​មិន​ដែល​ឈ្នះ​ជើងឯក​ឡើយ ប៉ុន្តែ​កំណត់​ត្រា​ល្អ​របស់​ពួក​គេ​គឺ​ឈាន​ដល់​វគ្គ​៨​ក្រុម​ចុង​ក្រោយ​ចំនួន ២ ដង នៅ​ឆ្នាំ ១៩៩៦ និង ២០០៨​។ ក្រុម​អណ្តាតភ្លើង​ក្រូ​អាត បច្ចុប្បន្ន​ស្ថិត​ក្រោម​ការ​ដឹកនាំ​របស់​លោក Zlatko Dalić ជនជាតិ​ក្រូ​អាត ដែល​មាន​ខ្សែបម្រើ​ឆ្នើម Luka Modrić របស់​ក្រុម Real Madrid គឺជា​ប្រធាន​ក្រុម​។

អាល់​បា​នី គឺជា​ក្រុម​មានបទពិសោធន៍​ក្មេងខ្ចី​នៅ​ជើងឯក​ទ្វីបអឺរ៉ុប ដោយ​ធ្លាប់​បង្ហាញ​វត្តមាន​ក្នុង​ពានរង្វាន់​នេះ​តែ​១​លើក​គត់ នៅ​ឆ្នាំ ២០១៦ ត្រឹម​វគ្គ​ចែក​ពូ​ល​។ អ្នក​ចម្បាំង​អឺរ៉ុប​ប៉ែក​អាគ្នេយ៍​អាល់​បា​នី បច្ចុប្បន្ន​ស្ថិត​ក្រោម​ការ​ដឹកនាំ​របស់​លោក Sylvinho គ្រូបង្វឹក​ជនជាតិ​ប្រេ​ស៊ី​ល ដែល​មាន​ខ្សែការពារ Berat Djimsiti របស់​ក្រុម Atalanta គឺជា​ប្រធាន​ក្រុម​។

នៅ​ក្នុង​ពូ​ល B ដែល​ជា​ពូ​លម​រណៈ​ពោល​ពេញ​ដោយ​ក្រុម​កំពូល​នៅ​អឺរ៉ុប ប៉ុន្តែ​នៅ​ក្នុង​ពូ​ល​នេះ ក្រុម​ការពារ​តំណែង​ជើងឯក​អ៊ី​តា​លី និង​អេ​ស្ប៉ា​ញ ត្រូវ​បាន​មើលឃើញ​ថា គឺជា​ក្រុម​មាន​ភាគរយ​ខ្ពស់​បន្ត​ឡើង​ទៅ​កាន់​វគ្គ​បន្ទាប់ ខណៈ​ដែល​ក្រូ​អាត​ទំនង​ប្រជែង​កៅអី​ក្នុង​នាម​ក្រុម​លេខ ៣ ល្អ​ក្នុង​ពូ​ល​។
បញ្ជី​ឈ្មោះ​កីឡាករ​ទាំង ២៦ រូប​របស់​ក្រុម​ជម្រើសជាតិ​អ៊ី​តា​លី ៖

អ្នកចាំទី ៖ Gianluigi Donnarumma (PSG), Alex Meret (Napoli) និង Guglielmo Vicario (Tottenham)
ខ្សែការពារ ៖ Alessandro Bastoni (Inter Milan), Raoul Bellanova (Torino), Alessandro Buongiorno (Torino), Riccardo Calafiori (Bologna), Andrea Cambiaso (Juventus), Matteo Darmian (Inter Milan), Giovanni Di Lorenzo (Napoli), Federico Dimarco (Inter Milan), Federico Gatti (Juventus) និង Gianluca Mancini (Roma)

ខ្សែបម្រើ ៖ Nicolò Barella (Inter Milan), Bryan Cristante (Roma), Nicolò Fagioli (Juventus), Davide Frattesi (Inter Milan), Jorginho (Arsenal) និង Lorenzo Pellegrini (Roma)
ខ្សែប្រយុទ្ធ ៖ Federico Chiesa (Juventus), Stephan El Shaarawy (Roma), Michael Folorunsho (Hellas Verona), Giacomo Raspadori (Napoli), Mateo Retegui (Genoa), Gianluca Scamacca (Atalanta) និង Mattia Zaccagni (Lazio)

បញ្ជី​ឈ្មោះ​កីឡាករ​ទាំង ២៦ រូប​របស់​ក្រុម​ជម្រើសជាតិ​អេ​ស្ប៉ា​ញ ៖
អ្នកចាំទី ៖ David Raya (Arsenal), Alejandro Remiro (Real Sociedad) និង Unai Simón (Athletic Club)
ខ្សែការពារ ៖ Dani Carvajal (Real Madrid), Marc Cucurella (Chelsea), Alejandro Grimaldo (Leverkusen), Aymeric Laporte (Al-Nassr), Robin Le Normand (Real Sociedad), Nacho (Real Madrid) និង Daniel Vivian (Athletic Club)

ខ្សែបម្រើ ៖ Álex Baena (Villarreal), Mikel Merino (Sociedad), Mikel Oyarzabal (Sociedad), Pedri (Barcelona), Rodri (Man City), Fabián Ruiz (PSG), Nico Williams (Athletic Club) និង Martín Zubimendi (Sociedad)
ខ្សែប្រយុទ្ធ ៖ Joselu (Real Madrid), Fermín López (Barcelona), Álvaro Morata (Atlético Madrid), Jesús Navas (Sevilla), Dani Olmo (Leipzig), Ayoze Pérez (Betis), Ferran Torres (Barcelona) និង Lamine Yamal (Barcelona)

បញ្ជី​ឈ្មោះ​កីឡាករ​ទាំង ២៦ រូប​របស់​ក្រុម​ជម្រើសជាតិ​ក្រូ​អាត ៖
អ្នកចាំទី ៖ Ivica Ivušić (Pafos), Nediljko Labrović (Rijeka) និង Dominik Livaković (Fenerbahçe)
ខ្សែការពារ ៖ Martin Erlić (Sassuolo), Joško Gvardiol (Man City), Josip Juranović (Union Berlin), Marin Pongračić (Lecce), Borna Sosa (Ajax), Josip Stanišić (Leverkusen), Josip Šutalo (Ajax) និង Domagoj Vida (AEK Athens)

ខ្សែបម្រើ ៖ Martin Baturina (Dinamo Zagreb), Marcelo Brozović (Al-Nassr), Mateo Kovačić (Man City), Lovro Majer (Wolfsburg), Luka Modrić (Real Madrid), Mario Pašalić (Atalanta), Luka Sučić (Salzburg) និង Nikola Vlašić (Torino)
ខ្សែប្រយុទ្ធ ៖ Ante Budimir (Osasuna), Luka Ivanušec (Feyenoord), Andrej Kramarić (Hoffenheim), Marco Pašalić (Rijeka), Ivan Perišić (Hajduk Split), Bruno Petković (Dinamo Zagreb) និង Marko Pjaca (Rijeka)

បញ្ជី​ឈ្មោះ​កីឡាករ​ទាំង ២៦ រូប​របស់​ក្រុម​ជម្រើសជាតិ​អាល់​បា​នី ៖
អ្នកចាំទី ៖ Etrit Berisha (Empoli), Elhan Kastrati (Cittadella) និង Thomas Strakosha (Brentford)
ខ្សែការពារ ៖ Arlind Ajeti (CFR Cluj), Naser Aliji (Voluntari), Iván Balliu (Rayo Vallecano), Berat Djimsiti (Atalanta), Elseid Hysaj (Lazio), Ardian Ismajli (Empoli), Marash Kumbulla (Sassuolo), Enea Mihaj (Famalicão) និង Mario Mitaj (Lokomotiv Moskva)

ខ្សែបម្រើ ៖ Amir Abrashi (Grasshoppers), Kristjan Asllani (Inter), Nedim Bajrami (Sassuolo), Klaus Gjasula (Darmstadt), Qazim Laçi (Sparta Praha), Ylber Ramadani (Lecce) និង Taulant Seferi (Baniyas)

ខ្សែប្រយុទ្ធ ៖ Jasir Asani (Gwangju), Medon Berisha (Lecce), Armando Broja (Fulham), Mirlind Daku (Rubin Kazan), Arbër Hoxha (Dinamo Zagreb), Rey Manaj (Sivasspor) និង Ernest Muçi (Beşiktaş) ៕ ប្រភព ៖ UEFA

អត្ថបទសរសេរ ដោយ

កែសម្រួលដោយ