ទម្លាប់នៃការគេងពិតជាសំខាន់ណាស់ ព្រោះបើអ្នកគេងខុសរបៀប វាអាចធ្វើឱ្យអ្នកឈឺចុកចាប់គ្រប់កន្លែង។ ដូច្នេះតើមានរបៀបគេងបែបណាដែលអ្នកមិនគួរគេងនោះ?

គេងផ្កាប់មុខចុះក្រោម

នៅពេលដែលអ្នកគេងផ្កាប់មុខចុះក្រោម វានឹងអាចធ្វើឱ្យអ្នកឈឺកញ្ចឹងក និងខ្នងបាន ដោយសារតែពេលដែលអ្នកគេងបែបនេះ កអ្នកតែងតែបែរមកឆ្វេង ឬស្តាំ ហើយឆ្អឹងខ្នងអ្នកក៏គ្មានអ្វីទប់ដែរ ដូច្នេះអាការៈឈឺកញ្ចឹងក និងខ្នងនឹងកើតឡើងយ៉ាងងាយ។

គេងដាក់ដៃឡើងលើ

នៅពេលដែលអ្នកគេងលើកដៃឡើងលើ វានឹងងាយធ្វើឱ្យអ្នកឈឺស្មាខ្លាំងណាស់ ដោយសារតែអ្នកគេងមិនដឹងខ្លួន ហើយដាក់ក្នុងរយៈពេលយូរ។

ដាក់ដៃមកមួយចំហៀង

នោពេលដែលអ្នកគេងមួយចំហៀងខ្លួនដោយបែរទៅខាងឆ្វេង ហើយដៃទាំងសងខាងដាក់ទៅខាងឆ្វេងទាំងអស់ទៀត នោះវានឹងអាចធ្វើឱ្យដៃរបស់អ្នកឈឺ និងស្ពឹក។ ម្យ៉ាងទៀតវាក៏អាចប៉ះពាល់ដល់សួត និងក្រពះរបស់អ្នកដែរ។ ជាងនេះទៅទៀតវានឹងបង្អាក់មិនឱ្យឈាមដើរបានស្រួលឡើយ។

គេងដូចទារក

នៅពេលដែលអ្នកគេងបែបនេះ ក និងឆ្អឹងខ្នងអ្នកគឺគ្មានអ្វីសម្រាប់ទប់ឡើយ ដូច្នេះវាអាចធ្វើឱ្យអ្នកមានអាការៈឈឺយ៉ាងងាយ ម្យ៉ាងទៀតវាក៏អាចបង្អាក់ដល់ការដកដង្ហើមរបស់អ្នកដូចគ្នាដែរ៕