រាជធានីភ្នំពេញ ៖ កាលពីព្រឹកថ្ងៃទី៣០ ខែឧសភា ឆ្នាំ២០២៤ សាលាដំបូងរាជធានីភ្នំពេញ បានបន្តសវនាការជំនុំជម្រះលើសំណុំរឿងរក្សាទុក ដឹកជញ្ជូន និងជួញដូរដោយខុសច្បាប់ នូវសារធាតុញៀនប្រមាណជិត២គីឡូក្រាម…
រាជធានីភ្នំពេញ ៖ កាលពីព្រឹកថ្ងៃទី៣០ ខែឧសភា ឆ្នាំ២០២៤ សាលាដំបូងរាជធានីភ្នំពេញ បានបន្តសវនាការជំនុំជម្រះលើសំណុំរឿងរក្សាទុក ដឹកជញ្ជូន និងជួញដូរដោយខុសច្បាប់ នូវសារធាតុញៀនប្រមាណជិត២គីឡូក្រាម ដែលសវនាការនេះជាលើកទី២ បន្ទាប់លើកទី១ មេធាវីការពារក្តីឲ្យជនជាប់ចោទបានទាមទារឲ្យតុលាការកោះហៅជនពាក់ព័ន្ធ៣នាក់ មានអតីតស្នងការរងខេត្តកំពតម្នាក់ចូលមកតតាំងក្តីនេះដែរ ។
សវនាការដឹកនាំដោយលោកស្រី ឈុន ដាវី ប្រធានក្រុមប្រឹក្សាជំនុំជម្រះ និងលោក សេង ម៉េង
ស្រ៊ុន ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ ។ សវនាការបានធ្វើឡើងជាសាធារណៈដោយកំបាំងមុខជនជាប់ចោទឈ្មោះ សេង មិត្ត ហៅកាយម៉េង«មានដីកាបង្គាប់ឲ្យចាប់ខ្លួន»ចំពោះមុខមេធាវីការពារសិទ្ធិតាមផ្លូវច្បាប់ឲ្យជនត្រូវចោទ និងមានវត្តមានជនពាក់ព័ន្ធ៣ នាក់ដូចជា ឈ្មោះ អុឹម ឈួន អតីតស្នងការរងនគរបាលខេត្តកំពត, ឈ្មោះ កែវ ទិត្យមេសា និង ឈ្មោះ ហុង គា អ្នកបើកបររថយន្ត បានចូលមកបំភ្លឺក្នុងសវនាការ តាមសំណូមពររបស់មេធាវីជនត្រូវចោទនោះដែរ ។
តាមការបំភ្លឺរបស់ជនពាក់ព័ន្ធទាំង៣នាក់ នៅចំពោះមុខសវនាការប្រហាក់ប្រហែលទៅនឹងរបាយការស្រាវជ្រាវថ្មីបន្ថែម របស់សមត្ថកិច្ចនគរបាលមន្ទីរប្រឆាំងគ្រឿងញៀនដែរថា ទី១-ចម្លើយរបស់ឈ្មោះ កែវ ទិត្យមេសា ថា ខ្លួនគ្រាន់តែជាអ្នក បើកបររថយន្តឲ្យឈ្មោះ អុឹម ឈួន អតីតស្នងរងខេត្តកំពត «ជាឪពុកមារ» រយៈពេលជាង១ឆ្នាំមកហើយ ។ ខ្លួនធ្លាប់បើកឡានជូនឈ្មោះ អុឹម ឈួន ប្រហែល៤ទៅ៥ដង ពីខេត្តកំពត ទៅភ្នំពេញ និងពីភ្នំពេញទៅ ស្រុកមុខកំពូល ខេត្តកណ្តាល ជាផ្ទះរបស់ឈ្មោះ ហុង គា នឹងបន្តដំណើរទៅផ្ទះ សេក មិត្ត ហៅ កាយ ម៉េង នៅខេត្តកំពង់ចាម ដែលរាប់អានគ្នាជាបងប្អូនធម៌ ។
នៅថ្ងៃទី៦ ខែមេសា ឆ្នាំ២០២១ ខ្លួនបានបើកឡានត្រឡប់មកភ្នំពេញ រួមដំណើរដោយ៤នាក់ ពេលដល់ម្តុំបឹងកក់ ស្ថិតក្នុងខណ្ឌដូនពេញ បានដាក់ឈ្មោះ សេក មិត្ត ហៅ កាយ ម៉េង ចុះពីរថយន្ត ហើយ ៣ នាក់ គឺខ្លួន(កែវ ទិត្យមេសា.អុឹម ឈួន និង ហុង គា)ក៏នាំគ្នាដើរចូលផ្សារទនើប «ខាលែនឌែនម៉ល» ដែលស្ថិតនៅទីនោះ ។ លុះពេលដើរត្រឡប់ចេញពីផ្សារមកដល់រថយន្តវិញ ស្រាប់តែសមត្តកិច្ចចាប់ខ្លួនទាំង៣នាក់ ព្រមទាំងឆែកឆេររកឃើញមានគ្រឿងញៀននៅក្នុងរថយន្ត ដែលខ្លួនមិនបានដឹងពីការលាក់ទុកគ្រឿងញៀននោះទេ ។ រីឯការបំភ្លឺរបស់ឈ្មោះ អុឹម ឈួន នឹង ហុង គា ថា រយៈពេលជាង២ខែកន្លងមក រូបគេ២នាក់បានស្គាល់ ឈ្មោះ បញ្ញា ក៏សហការគ្នារកស៊ីជួញដូរ «សំរិទ្ធ»។
ខ្លួន «អុឹម ឈួន»បានប្រគល់ប្រាក់ ២ម៉ឺនដុល្លារអាមេរិកឲ្យឈ្មោះ ហុង គា រៀបចំពិធីសែនព្រេន ដើម្បីឲ្យមុខរបររកស៊ីទិញ.លក់ «សំរិទ្ធ»ទទួលបានផលកាក់កប ប៉ុន្តែមុខរបរនោះមិនដែលបានជោគជ័យឡើយ ។ នៅថ្ងៃទី១ ខែមេសា ឆ្នាំ២០២១ ខ្លួនបានទិញមាសទម្ងន់៤គីឡូ៤ខាំ ក្នុងតម្លៃ២៤ ម៉ឺនដុល្លារអាមេរិក ប្រគល់ឲ្យឈ្មោះ សេក មិត្ត ហៅ កាយ ម៉េង រៀបពិធី ដើម្បីទិញ«សំរិទ្ធ» ។ នៅថ្ងៃទី៤ ខែមេសា ឆ្នាំ២០២១ ខ្លួននិងអ្នកបើកបររថយន្ត បាននាំគ្នាទៅផ្ទះ សេក មិត្ត ហៅ កាយ ម៉េង ដើម្បីគិតគូរឿងគ្រឿងសំរិទ្ធ ហើយក៏សម្រាកនៅទីនោះ២យប់ ។
នៅព្រឹកថ្ងៃទី៥ ខែមេសា ឈ្មោះ សេក មិត្ត បានខ្ចីរថយន្តខ្លួនទៅដឹកមាន់សម្រាប់យកមកធ្វើម្ហូបក្នុងពិធីសែនព្រេននោះ រហូតដល់ថ្ងៃត្រង់ទើបត្រឡប់មកវិញ ហើយខ្លួននឹង ហុង គា ក៏សម្រាកមួយយប់ទៀត ។ លុះព្រឹកថ្ងៃទី៦ ខែឆ្នាំដដែលពួកគេ៤ នាក់ (អុឹម ឈួន.ហុង គា.កែវ ទិត្យមេសា និង សេក មិត្ត ហៅ កាយ ម៉េង) រួមគ្នាធ្វើដំណើរតាមរថយន្ត១គ្រឿងមកភ្នំពេញ ពេលមកដល់ភ្លើងស្តុំមួយកន្លែងម្តុំបឹងកក់ ខណ្ឌដូនពេញ ឈ្មោះ សេក មិត្ត ហៅ កាយ ម៉េង បានចុះពីរថយន្ត ដោយមានឈ្មោះសារ៉ាក់ទៅទទួល ហើយ ពួកគេ៣ នាក់ក៏នាំគ្នាចូលផ្សារទំនើប«ខាលែនឌែនម៉ល»ដើម្បីរកទិញទំនិញប្រើប្រាស់ផ្ទាល់ខ្កួន លុះពេលដើរចេញមកវិញក៏ត្រូវសមត្តកិច្ចឃាត់ខ្លួន និងឆែកឆេររថយន្ត ក៏ស្រាប់តែឃើញគ្រឿង ញៀនលាក់ទុកក្នុងរថយន្តនោះ ដែលខ្លួនទាំង៣ នាក់ មិនបានដឹងឡើយ ។
ក្រោយពីឃាត់ខ្លួនជនពាក់ពន្ធទាំង៣នាក់នេះ តុលាការបានបើកការស៊ើបអង្កេតតាមនីតិវិធី ដោយរកពុំឃើញបទល្មើសជាក់ស្តែង ទើបសម្រេចឲ្យពួកគេស្ថិតនៅក្រៅឃុំក្រោមការត្រួតពិនិត្យតាមផ្លូវតុលាការ រង់ចាំបើកសវនាការជំនុំជម្រះលើអង្គសេចក្តី ។ តុលាការបានចេញដីកាបង្គាប់ឲ្យចាប់ខ្លួនឈ្មោះ សេក មិត្ត ហៅ កាយ ម៉េង ជាមេក្លោងគ្រឿងញៀន តែរហូតមកដល់ពេលនេះ ជនត្រូវចោទមិនដឹងរត់ដល់ក្រហែងណាទេ ។
សូមជម្រាបថា សវនាការលើកទី១ សំណុំរឿងគ្រឿងញៀនដ៏ស្មុគ្រស្មាញនេះ កាលពីព្រឹកថ្ងៃទី២៩ ខែកុម្ភៈ ឆ្នាំ២០២៤ សា លាដំបូងរាជធានីភ្នំពេញ បានបើកសវនាការជំនុំជម្រះជាសាធារ ណៈ ដោយពុំមានជនត្រូវចោទក្នុងរង្វង់ក្រចកសេះ ដើម្បីឲ្យតុលា ការសួរដេញដោលនោះទេ ខណៈមេធាវីការពារសិទ្ធិឲ្យជនជាប់ ចោទ បានទាមទារឲ្យតុលាការកោះហៅជនពាក់ពន្ធ៣ នាក់ មកតតាំងក្តី ក្នុងសំណុំរឿងគ្រឿងញៀនជិត២គីឡូក្រាម ដែលសមត្តកិច្ចបង្ក្រាបជាក់ស្តែង កាលពីឆ្នាំ២០២១ នោះទៅវិញ ។
សវនាការដឹកនាំដោយលោកស្រី ឈុន ដាវី ជាប្រធានក្រុមប្រឹក្សាជំនុំជម្រះ និងលោក សេង ម៉េងស្រ៊ុន ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ ចំពោះមុខធាវីការពារក្តីឲ្យជនត្រូវចោទ តែកំបាំងមុខឈ្មោះ សេក មិត្ត ហៅ កាយ ម៉េង ភេទប្រុស អាយុ៤៦ ឆ្នាំ (ជាមេក្លោង) ពីបទ.រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ។ សវនាការលើកទី១នេះ ត្រូវបានលើកពេលទៅវិញ ដោយតុលាការបានឯកភាពតាមការស្នើសុំរបស់លោកមេធាវីការពារក្តីឲ្យជនត្រូវចោទ ដោយតម្រូវឲ្យមានការកោះហៅជនពាក់ពន្ធ៣ នាក់ដូចមាន ៖
១.ឈ្មោះ អុឹម ឈួន អតីតៈស្នងការរងនគរបាលខេត្តកំពត
២.ឈ្មោះ កែវ ទិត្យមេសា
៣.ឈ្មោះ ហុង គា ដើម្បីមកសួរដេញដោលរកយុត្តិធម៌ឲ្យបានច្បាស់លាស់ថា តើអ្នកណា ជាម្ចាស់គ្រឿងញៀនជិត២គីឡូក្រាមនោះពិតប្រាកដ ។
លោកមេធាវី ហេ ជីវអេង ជាមេធាវីការពារក្តីឲ្យជនត្រូវចោទបានលើកឡើងថា អង្គហេតុសំណុំរឿងគ្រឿងញៀននេះ គឺសមត្តកិច្ចបង្ក្រាបបទល្មើសជាក់ស្តែង លុះដល់ពេលតុលាការលើកយកមកកាត់ក្តី កាត់បំបែកសំណុំរឿងតាមចម្លើយជន៣ នាក់ឆ្លើយដាក់ ។ លោកមេធាវីបន្តថា ថ្ងៃកើតហេតុគឺថ្ងៃទី៦ ខែមេសា ឆ្នាំ២០២១ សមត្តកិច្ចនគរបាលមន្ទីរប្រឆាំងគ្រឿងញៀនបង្ក្រាប និងឃាត់ខ្លួនជនសង្ស័យ៣ នាក់ រួមជាមួយវត្ថុតាងថ្នាំញៀនជិត ២គីឡូក្រាម នោះហើយដែលហៅថាជាបទល្មើសជាក់ស្តែង ។
ដូច្នេះពេលនេះ ទើបលោកសុំឲ្យតុលាការឲ្យលើកពេលសវនាការ ដើម្បីកោះហៅជនពាក់ពន្ធ៣ នាក់នោះមកសួរដេញដោល ព្រោះកូនក្តីរបស់លោកត្រូវបានគេឆ្លើយដាក់ ។ លោកមេធាវីបញ្ជាក់ថា កូនក្តីលោកមិនបានប្រព្រឹត្តដូចការចោទប្រកាន់នោះទេ គឺថ្ងៃទី៦ ខែមេសា ឆ្នាំ ២០២១ សមត្តកិច្ចមិនបានចាប់កូនក្តីលោក និងគ្រឿងញៀនជិត ២គីឡូក្រាមនោះទេ ដល់ថ្ងៃទី៨ ខែមេសា ឆ្នាំ២០២១ បានសមត្តកិច្ចទៅដល់ផ្ទះកូនក្តី ក្រោមការចង្អុលបង្ហាញថាពួកគេទៅដេកផ្ទះនោះ ហើយរឿងគ្រឿងញៀនក៏អត់មានដែរ ខណៈពេលសមត្តកិច្ចទៅឆែកឆេរផ្ទះ អញ្ចឹងសមត្តកិច្ចដែលចុះទៅបង្ក្រាបផ្ទាល់នោះបានដឹងរឿងអស់ហើយ ហើយនៅក្នុងកំណត់ហេតុក៏ច្បាស់លាស់អស់ដែរ ដូច្នេះអត់មានអានចម្លើយហើយកាត់ទោសកូនក្តីលោកដាក់គុក២០.៣០ ឆ្នាំ ឬអស់មួយជីវិតទេ ។
ក្នងនាមរូបលោកជាមេធាវីការពារដោយផ្លូវច្បាប់ ឲ្យសង្គម ការពារឲ្យជនរងគ្រោះ និងប្រពន្ធតុលាការទាំងអស់ មិនមែនជួយតែកូនក្តីម្នាក់នឹងទេ អញ្ចឹងបានលោកស្នើសុំលើកពេលសវនាការនេះសិន ដើម្បីឲ្យតុលាការកោះហៅជនសង្ស័យ៣ នាក់ នោះមកសួរដេញដោលចំពោះមុខ អញ្ចឹងបើនៅតែបន្តនីតិវិធីទៀត លោកនិងដោះអាវដើរចេញពីសវនាការ ព្រោះនេះជាបទល្មើសឧក្រិដ្ឋ ។
សូមជម្រាបថា កាលពីថ្ងៃទី៦ ខែមេសា ឆ្នាំ២០២១ កម្លាំងសមត្តកិច្ចនគរបាលមន្ទីរប្រឆាំបទល្មើសគ្រឿងញៀន បានធ្វើការឃាត់រថយន្តម៉ាកតូយូតាហ៊ីលុច្យ ព័ណស មួយគ្រឿងពាក់ស្លាកលេខ ន.ប ២ ៨៤៨៤ ដែលធ្វើដំណើរពីខេត្តកំពង់ចាមចូលមករាជធានីភ្នំពេញ ដល់ត្រង់ចំណុចផ្សារទំនើប ខាឌែលម៉ល ស្ថិតក្នុងសង្កាត់ស្រះចក ខណ្ណដូនពេញ ជាមួយនិងបុរស៣ នាក់ គឺមានឈ្មោះ អុឹម ឈួន អតីតៈស្នងការរងខេត្តកំពត ឈ្មោះ កែវ ទិត្យមេសា និងឈ្មោះ ហុង គា ។
ពេលឃាត់ខ្លួនមនុស្ស៣ នាក់នោះ នៅក្នុងរថយន្តសមត្តកិច្ចបានឆែកឆេររកឃើញគ្រឿងញៀនទម្ងន់ ១៧.៥ ០០ ក្រាម (ជិត២គីឡូ ក្រាម)លាក់ទុកនៅក្រោមកៅអីអ្នកបើកបរ ។ ពេលឃាត់ខ្លួនតាមចម្លើយសារភាពរបស់ជនសង្ស័យទាំង៣ នាក់ សមត្ថកិច្ចបានទៅឆែកផ្ទះរបស់ឈ្មោះ សេក មិត្ត ហៅ កាយ ម៉េង នៅខេត្តកំពង់ចាម ដោយបានរកឃើញកាំភ្លើងខ្លីមួយដើមទៀត ជារបស់ឈ្មោះ អុឹម ឈួន អតីតៈស្នងការរងខេត្តកំពត តែពុំមានភស្តុតាងផ្សេងពាក់ពន្ធនិងគ្រឿងញៀនទេ ។
ដោយហេតុថាជនសង្ស័យឈ្មោះ សេក មិត្ត (រត់គេចខ្លួន) និងចម្លើយចង្អុល បង្ហាញរបស់ឈ្មោះ អុឹម ឈួន ហុង គា និង កែវ ទិត្យមេសា មិនជាប់ពាក់ពន្ធសំណុំរឿងក្តីគ្រឿងញៀននេះ សាលាដំបូងរាជធានីភ្នំពេញ បានសម្រេចឲ្យជនសង្ស័យទាំង៣ នាក់ស្ថិតនៅក្រៅឃុំ និងធ្វើការចោទប្រកាន់ឈ្មោះ សេក មិត្ត ហៅ កាយ ម៉េង តែម្នាក់ ជាមេខ្លោង រក្សាទុក ដឹកជញ្ជូន និងជួញដូរគ្រឿងញៀន ។
ដូចរបាយការបញ្ជាក់ពីដំបូងដែលមានជាប់ពាកពន្ធជនសង្ស័យទាំង ៣ នាក់នេះហើយ ទើបមេធាវីការពារក្តីជនត្រូវចោទទាមទារឲ្យតុលាការកោះហៅអតីតៈស្នងការរងខេត្តកំពត និងតៃកុងឡាន២ នាក់មកតតាំងក្តី ក្នុងពេលសវនាការនោះ ។ ក្រោយបញ្ចប់ការសាកសួរដេញដោល ប្រធានក្រុមប្រឹក្សាជំនុំជម្រះ បានលើកពេលប្រកាសសាលក្រម លើសំណុំរឿងនេះទៅថ្ងៃក្រោយដោយមិនកំណត់ ៕
ចែករំលែកព័តមាននេះ