ខេត្តកំពត ៖ តំបន់ទេសចរណ៍ប្រវត្តិសាស្ត្រដែលមានអាយុកាលរាប់ពាន់ឆ្នាំ «ខ្លោងទ្វារមេឃ» និង«តំបន់ថ្មប្រាសាទ» មានភាពទាក់ទាញអ្នកទេសចរចង់មកទស្សនាដោយសារមានដុំថ្ម និងអាកាសធាតុត្រជាក់ស្រួល។
![](https://kohsantepheapdaily.com.kh/wp-content/uploads/2024/05/99843d54ce506d33d76efd11ad9e2c5b.jpg)
អ្នកទេសចរដែលទៅទស្សនានៅកន្លែងខ្លោងទ្វារមេឃនៅពេលទៅដល់អាចបួងសួងសុំសេចក្តីសុខសប្បាយ នឹងប្រាថ្នានូវអ្វីដែលល្អ រួចបោះបង់ចោលនូវរឿងអាក្រក់ដែលកើតចំពោះខ្លួននៅទីនោះបាន។
![](https://kohsantepheapdaily.com.kh/wp-content/uploads/2024/05/8f9c949ce12d23dace3d4edfddde75e3.jpg)
លោក ធឿន ប៊ុនថនប្រធានផ្នែកលក់ក្រុមហ៊ុន សុខាអូថែល បានប្រាប់អ្នកសារព័ត៌មានថា ខ្លោងទ្វារមេឃជាកន្លែងមួយដែលមានអត្ថន័យសំខាន់វិសេសវិសាលណាស់គឺជាកន្លែងឋានសួរ៍រវាងមនុស្សលោកនឹងទេវតា។
![](https://kohsantepheapdaily.com.kh/wp-content/uploads/2024/05/b1b9f93ac32648d09f81df07a006687f.jpg)
លោកបញ្ជាក់ថា អីញ្ចឹងកន្លែងនេះជាកន្លែងបែងចែករវាងមនុស្សលោកនិងទេវតា ហើយតាមអត្ថន័យដូនតាយើងនិយាយតគ្នាមកតំណាលថា ជីវិតមនុស្សយើងតែងតែមានបញ្ហាឧបសគ្គ ខ្លះតិចច្រើន ។ តែកន្លែងនេះ ដូនតាយើងនិយាយថា ជាកន្លែងដែលជម្រុះរឿងអាក្រក់ទាំងឡាយឲ្យអស់។ ពេលបួងសួងរួចហើយ យើងឆ្លងកន្លែងនឹងនោះសេចក្តីដែលយើងប្រាថ្នាកនឹងចូលមក ។
![](https://kohsantepheapdaily.com.kh/wp-content/uploads/2024/05/c1872ea037445890c0335c87330f6953.jpg)
បើតាមការនិយាយពីលោក ធឿន ប៊ុនថន បានលើកឡើងទៀតថា ពេលខ្លោងយើងនឹងប្តូរបាននូវអាកាសធាតុត្រជាក់ខ្យល់អាកាសត្រជាក់ចង់គយគន់។ លោកបានបន្ថែមថា មិនថាតំបន់ថ្មប្រាសាទ និងតំបន់ខ្លោងទ្វារមេឃទេ សុទ្ធតែជាតំបន់ដែលធ្វើឲ្យអ្នកទេសចរចង់ទៅទស្សនា ព្រោះថា តំបន់ទាំងនេះ មានអាយុកាលរាប់ពាន់ឆ្នាំមកហើយ ពោលគឺតំបន់ថ្មប្រាសាទអាចជាកន្លែងមួយដែលកាលពីដើមឡើយជាសមុទ្រ ព្រោះថានៅទីនេះមានខ្សាច់សក្បោះដែលមិនគួរឲ្យថា ខណៈនេះមានដំថ្មផុសចេញជារូបរាង្គច្រើនប្រទេស។
![](https://kohsantepheapdaily.com.kh/wp-content/uploads/2024/05/aa92c9fa8be1889e374f918dcec98bcd.jpg)
អ្នកដែលទៅទស្សនាតំបន់ខ្លោងទ្វារមេឃនេះបាននាំគ្នានិយាយថា ពិតអាកាសធាតុត្រជាក់ចង់មកទស្សនាគយគន់ស្រូបខ្យល់បរិសុទ្ធមែន ។ ពិសេសនោះ ខ្យល់ទាំងនោះបានបក់មកពីជ្រលងភ្នំជាច្រើនដែលសំបូរដោយព្រៃឈើ។
![](https://kohsantepheapdaily.com.kh/wp-content/uploads/2024/05/2325469ed52eefb1f1005ebce78956a0.jpg)
អ្នកទេសចរណ៍ដែលទៅដល់ក៏បានលើកឡើងទៀតថា តំបន់ខ្លោងទ្វារមេឃនេះមានដុំថ្មដែលយើងអាចមើលទៅដូចជារូបរាង្គសត្វផ្សេងដែលផុសចេញដោយធម្មជាតិដែលគួឲ្យនឹកស្មាន។
លើសពីនេះ មានដើមស្រួលដែលមានអាយុកាលរាប់រយឆ្នាំផងដែរ។
![](https://kohsantepheapdaily.com.kh/wp-content/uploads/2024/05/73ebcdad7c27519c343e6b162ac5b164.jpg)
សូមជម្រាបថា នៅលើភ្នំបូកគោមានកន្លែងសម្រាប់អ្នកទេសចរទៅទស្សនាច្រើនដូចកន្លែង ដូចជាកន្លែងសមាធិ ,សួនបន្លែរ ,ចម្ការស្តូប៊ឺរី , តំបន់វាលស្រែ១០០ ,តំបន់វាស្រែ៥០០ ,តំបន់ពពកវិល, កន្លែងរូបព្រហពុទ្ធបដិមាកម្ពស់១០៨ម៉ែត្រ និងតំបន់ជាច្រើនទៀត៕
![](https://kohsantepheapdaily.com.kh/wp-content/uploads/2024/05/4e73380a2a5ebe9a50dd25c41ea2f444.jpg)
![](https://kohsantepheapdaily.com.kh/wp-content/uploads/2024/05/5f9737662b66fed1e876e58aa27bac30.jpg)
![](https://kohsantepheapdaily.com.kh/wp-content/uploads/2024/05/99843d54ce506d33d76efd11ad9e2c5b-1.jpg)
ចែករំលែកព័តមាននេះ