បក្សីកំពុងតែស្ថិតនៅក្នុងស្ថានភាពរងគ្រោះជាសាកលជាច្រើនប្រភេទ បានបង្ហាញវត្តមាននៅតំបន់រាំមសារបឹងទន្លេឆ្មា ។ នេះបើតាមារអះអាងរបស់អង្គការជីវិតធម្មជាតិនៅកម្ពុជា
បក្សីកំពុងតែស្ថិតនៅក្នុងស្ថានភាពរងគ្រោះជាសាកលជាច្រើនប្រភេទ បានបង្ហាញវត្តមាននៅតំបន់រាំមសារបឹងទន្លេឆ្មា ។ នេះបើតាមារអះអាងរបស់អង្គការជីវិតធម្មជាតិនៅកម្ពុជា នៅថ្ងៃទី២៤ ខែឧសភា។
ប្រភពដដែលបានអះអាងថា តំបន់រ៉ាមសារបឹងទន្លេឆ្មានេះ នៅតែបន្ដដើរតួនាទីយ៉ាងសំខាន់ក្នុងការផ្ដល់ជាទីជម្រក និងទីតាំងរកចំណីសម្រាប់សត្វស្លាបទឹកជាច្រើនប្រភេទ។
អង្គការនេះ បានអះអាងថា ក្រុមមន្ដ្រីឧទ្យានុរក្ស បានប្រទះឃើញ និងកត់ត្រានូវវត្ដមានហ្វូងសត្វត្រដក់ធំ និងសត្វស្លាបទឹកជាច្រើនក្បាល កំពុងរកចំណីក្នុងតំបន់រ៉ាមសារបឹងទន្លេឆ្មា ដែលមួយចំនួនធំ ជាប្រភេទកំពុងរងគ្រោះជាសកល។
ប្រភពដដែល បានបន្តថា ជាការកត់សម្គាល់ គឺហ្វូងសត្វត្រដក់ធំ មានជាច្រើនក្រុម ហើយមានចំនួនយ៉ាងតិច ២០ក្បាល។
ចំនួនត្រដក់ធំ ដែលធ្លាប់កត់ត្រាកន្លងមក បានច្រើនបំផុតមានប្រមាណជា១០ក្បាលតែប៉ុណ្ណោះ តែក្នុងឆ្នាំនេះ ដោយសារការប្រឈមនឹងការប្រែប្រួលអាកាសធាតុ ក្រុមការងារ យើងសង្កេតឃើញកំណើនវត្ដមានហ្វូងសត្វ ចូលមករកចំណីក្នុងតំបន់រ៉ាមសារបឹងទន្លេឆ្មា ដែលជាតំបន់ដីសើមដ៏មានសក្តានុពល ក្នុងការដើរតួនាទីយ៉ាងសំខាន់សម្រាប់ផ្ដល់ជាទីជម្រក និងទីតាំងរកចំណីរបស់បក្សី ល្មូន និង ពពួកសត្វជាច្រើនប្រភេទទៀត ។
ដោយ ៖ ស ផាន់
ចែករំលែកព័តមាននេះ