ADផ្ទាំងផ្សព្វផ្សាយពាណិជ្ជកម្ម

Picture

តើ​លោក​សេដ្ឋា​អាច​នឹង​បាត់​បង់​តំណែង​ដែរ​ឬ​ទេ​​​ខណៈ​ដែល​តុលាការ​ថៃ​ត្រៀម​ចេញ​សេចក្ដី​សម្រេច​​?

4 អាទិត្យ មុន

ទី​ក្រុង​បាងកក៖ តំណែង​នាយក​រដ្ឋ​មន្ត្រី​ថៃ​របស់​លោក​​សេដ្ឋា​ ថាក់​វិស៊ីន ស្ថិត​នៅ​ក្នុង​ភាព​ផុយ​ស្រួយ​ ឬ​យ៉ាង​ណា​បន្ទាប់ពី​មាន​អ្នក​ដាក់​ញត្តិ​ស្នើ​សុំ​ដក​តំណែង​របស់​លោក​ ហើយ​ត្រូវ​តុលាការ​ធម្ម​នុញ្ញ​ទទួល​យក​ញត្តិ​នោះ​មក​ពិចារណា​នៅ​ថ្ងៃ​ព្រហស្បតិ៍​នេះ​។ នៅ​ក្នុង​ញត្តិ​នោះ​មាន​ការ​​​ស្ដី​បន្ទោស​លោ​កសេដ្ឋា​ពី​បទ​​​តែង​តាំង​សមាជិក​គណៈ​រដ្ឋ​មន្ត្រី​ម្នាក់​​ឈ្មោះ​ពិចិត្រ​ដែល​ធ្លាប់​កាន់​តំណែង​ជា​រដ្ឋ​មន្ត្រី​ទី​ស្ដី​ការ​គណៈ​រដ្ឋ​មន្ត្រី ហើយ​ទើប​តែ​លាលែង​ពី​តំណែង​។ លោក​ពិចិត្រ​​មិន​ទាន់​ជ្រះ​ស្រឡះ​ពី​ការ​អនុវត្ត​ទោស​នៅ​ក្នុង​ពន្ធ​នា​គារ​នៅ​​ឡើយ​ទេ​។ ដូច្នេះ​ក្រុម​អ្នក​តវ៉ា​យល់​ថា​មិន​សម​កាន់​តំណែង​ជា​រដ្ឋ​មន្ត្រី​ឡើយ​។​​…

ទី​ក្រុង​បាងកក៖ តំណែង​នាយក​រដ្ឋ​មន្ត្រី​ថៃ​របស់​លោក​​សេដ្ឋា​ ថាក់​វិស៊ីន ស្ថិត​នៅ​ក្នុង​ភាព​ផុយ​ស្រួយ​ ឬ​យ៉ាង​ណា​បន្ទាប់ពី​មាន​អ្នក​ដាក់​ញត្តិ​ស្នើ​សុំ​ដក​តំណែង​របស់​លោក​ ហើយ​ត្រូវ​តុលាការ​ធម្ម​នុញ្ញ​ទទួល​យក​ញត្តិ​នោះ​មក​ពិចារណា​នៅ​ថ្ងៃ​ព្រហស្បតិ៍​នេះ​។ នៅ​ក្នុង​ញត្តិ​នោះ​មាន​ការ​​​ស្ដី​បន្ទោស​លោ​កសេដ្ឋា​ពី​បទ​​​តែង​តាំង​សមាជិក​គណៈ​រដ្ឋ​មន្ត្រី​ម្នាក់​​ឈ្មោះ​ពិចិត្រ​ដែល​ធ្លាប់​កាន់​តំណែង​ជា​រដ្ឋ​មន្ត្រី​ទី​ស្ដី​ការ​គណៈ​រដ្ឋ​មន្ត្រី ហើយ​ទើប​តែ​លាលែង​ពី​តំណែង​។ លោក​ពិចិត្រ​​មិន​ទាន់​ជ្រះ​ស្រឡះ​ពី​ការ​អនុវត្ត​ទោស​នៅ​ក្នុង​ពន្ធ​នា​គារ​នៅ​​ឡើយ​ទេ​។ ដូច្នេះ​ក្រុម​អ្នក​តវ៉ា​យល់​ថា​មិន​សម​កាន់​តំណែង​ជា​រដ្ឋ​មន្ត្រី​ឡើយ​។​​

សេចក្ដី​សម្រេច​របស់​តុលាការ​បន្ទាប់​ពី​រដ្ឋ​មន្ត្រី​ចំនួន​បី​រូប​បាន​សម្រេច​លាលែង​ពី​តំណែង​ត្រឹម​តែ​រយៈ​ពេល​ប៉ុន្មាន​អាទិត្យ​ចុង​ក្រោយ​នេះតែ​​ប៉ុណ្ណោះ​។ នេះ​ជា​ការ​បន្ទុក​កាន់​តែ​ធ្ងន់​ទៅ​លើ​រដ្ឋាភិបាល​ស្រប​ពេលដែល​ស្ថាន​ភាព​សេដ្ឋ​កិច្ច​កំពុង​ធ្លាក់​ចុះ​ ហើយ​ត្រូវ​រ៉ាប់​រង​រក​លុយ​ដើម្បី​ដាក់​ចូល​ទៅ​ក្នុង​កាបូប​ឌីជីថល​ចែក​ម្នាក់​មួយ​ម៉ឺន​បាត​ជូន​ប្រជា​ពល​រដ្ឋ​ម្ចាស់​ឆ្នោត​ដូច​ដែល​បាន​សន្យា​កាល​ពី​រដូវ​កាលឃោសនា​បោះ​ឆ្នោត​ឆ្នាំ​២០២៣​។ មិន​មែន​តិច​ទេ​ម្នាក់​មួយ​ម៉ឺន​បាត​ចែក​មនុស្ស​៥០​លាន​នាក់​។

ជា​ចំណាត់​ការ​បឋម​, តុលាការ​មិន​ព្យួរ​តំណែង​លោក​សេដ្ឋា​ទេ ហើយ​សុខ​ចិត្ត​រង់​ចាំ​កោះ​ប្រជុំ​នៅ​ពេល​ខាង​មុខ​ដើម្បី​​ចេញ​សេចក្ដី​សម្រេច​​​។ សមាជិក​ព្រឹទ្ធ​សភា​៤០​រូប​​​ចង់​ចាត់​វិធាន​ការ​​ទៅ​លើ​​លោក​ពិចិត្រ ឈឺនបាន​ (Pichit Cheunban) ដែល​ពួក​គេ​យល់​ថា​គ្មាន​​វិន័យ​ និង​​សេចក្ដី​ថ្លៃ​ថ្នូរ​គ្រប់​គ្រាន់​​ក្នុងនាម​ជា​រដ្ឋ​មន្ត្រី​ម្នាក់​ដូច​ដែល​មាន​ចែង​នៅ​ក្នុង​រដ្ឋ​ធម្ម​នុញ្ញ​។ ​​តុលាការ​ទុក​ពេល​ឱ្យ​លោក​សេដ្ឋា​១៥​ថ្ងៃ​ដើម្បី​រៀប​ចំ​សារណា​ឡើង​ការ​ពារ​ខ្លួន​​នៅ​ក្នុ​ងតុលាការ​។​ ​​អ្នក​នាំ​ពាក្យ​រដ្ឋាភិបាល​យល់ថា​លោក​សេដ្ឋា​មិន​បាន​ធ្វើ​អ្វី​ខុស​ទេ​។ លោក​គិត​តែ​ខិត​ខំ​ធ្វើ​ការ​។ ដូច្នេះ​ញត្តិ​តវ៉ា​នេះ​​​មិន​ប៉ះ​ពាល់​ការ​បំពេញ​ការ​ងារ​របស់​គាត់​ឡើយ​។

​អ្នក​នាំ​ពាក្យ​ថ្លែង​បន្ត​ទៀត​ថា​មុន​នឹង​ជ្រើស​រើស​យក​លោក​ពិចិត្រ​ធ្វើ​ជា​រដ្ឋ​មន្ត្រី​ គេ​ពិនិត្យ​ពិច័យ​ល្អិត​ល្អន់​ណាស់​។ ម៉្យាង​ទៀត​ ការ​តែង​តាំង​នេះ​ក៏​ស្រប​នឹង​ច្បាប់​របស់​ប្រទេស​ជាតិ​ផង​ដែរ​។ លោក​ពិចិត្រ​​​​​ជា​មនុស្ស​ជិត​ស្និទ្ធ​របស់​គ្រួសារ​ត្រកូល​ថាក់​ស៊ីន​អស់​រាប់​ទស​វត្ស​មក​ហើយ​។ លោក​​សុខ​ចិត្ត​​លា​លែង​​​តំណែង​កាល​ពី​ថ្ងៃ​អង្គារ​ដើម្បី​​ឱ្យ​លោក​សេដ្ឋា​​មិន​ជាប់​ជំពាក់​វាក់​វិន​នឹង​ពាក្យ​បណ្ដឹង​។ ប៉ុន្តែ​នៅ​ទី​បំផុត លោក​សេដ្ឋា​នៅ​តែ​រង​ពាក្យ​បណ្ដឹង​ទាល់​តែ​បាន​។

​លោក​ពិចិត្រ​ធ្លាប់​ជាប់​ពន្ធ​នាគារ​៦​ខែ​កាល​ពី​ឆ្នាំ​២០០៨​ពី​បទ​​ប្រមាថ​តុលាការ​។ លោក​ជាប់​ចោទ​ពី​បទ​សូក​ប៉ាន់​មន្ត្រី​តុលាការ​ជា​ច្រើន​នាក់​អស់​លុយ​២​លាន​បាត​ ឬ​ស្មើ​នឹង​ជាង​៥​ម៉ឺន​ដុល្លារ​។ គេ​បាន​ចោទ​ប្រកាន់​ថា​​គាត់​ដាក់​ប្រាក់​សំណូក​​ចូល​ទៅ​ក្នុង​​ក្រដាស​ខ្ចប់​គ្រឿង​ទេស​។ ក្រោយ​មក​ តុលាការ​ហាម​មិន​ឱ្យ​លោក​ប្រកប​អាជីព​ជា​មេធាវី​រយៈ​ពេល​៥​ឆ្នាំ​។​ ទោះ​ជា​យ៉ាង​ណា​ក្ដី លោក​ពិចិត្រ​​បដិសេធ​ការ​ចោទ​ប្រកាន់​​។​


តើ​លោក​ពិចិត្រ​មាន​ប្រវត្តិ​បែប​ណា?
​ក្នុង​នាម​ជា​មេធាវី​ម្នាក់​ លោក​ពិចិត្រ​ធ្លាប់​បាន​ឡើង​ការ​ពារ​​ក្ដី​ជូន​លោក​ស្រី​យីងឡាក់ និង​លោក​ថាក់​ស៊ីន។​ ប៉ុន្តែមិន​បាន​ជោគ​ជ័យ​ទេ​​។ លោក​ថាក់​ស៊ីនជា​សម្ព័ន្ធ​មិត្ត​ដ៏​ជិត​ស្និទ្ធ​របស់​លោក​សេដ្ឋា ហើយ​​ក៏​ជា​បិតា​​ស្ថាបនិក​គណ​បក្ស​ភឿថៃ​ផង​ដែរ​។

នៅ​ក្នុង​ករណី​ចង់​ដក​តំណែង​លោក​សេដ្ឋា​នេះ តុលាការ​មិន​ទាន់​កំណត់​ពេល​វេលា​ច្បាស់​លាស់​ដើម្បី​ចេញ​សេច​ក្ដី​សម្រេច​នៅ​ឡើយ​ទេ​។ ​បើ​តុលាការ​សម្រេច​ដក​​លោក​សេដ្ឋា​តាម​ពាក្យ​បណ្ដឹង​មែន​ ប្រទេស​ថៃ​ត្រូវ​បង្កើត​រដ្ឋាភិបាល​ថ្មី​។ គណ​បក្ស​ភឿថៃ​ត្រូវ​បញ្ជូន​ឈ្មោះ​បេក្ខជន​នាយក​រដ្ឋ​មន្ត្រី​ថ្មី​ទៅ​ឱ្យ​រដ្ឋ​សភា និង​ព្រឹទ្ធ​សភា​បោះ​ឆ្នោត​ផ្ដល់​សេច​ក្ដី​ទុក​ចិត្ត​។

​​ក្រុម​​អ្នក​រិះ​គន់​ចោទ​ប្រកាន់​ថា​លោក​ពិចិត្រ​​ទទួល​បាន​កៅ​អី​រដ្ឋ​មន្ត្រី​ដោយ​​សារ​គាត់​មាន​ទំនាក់​ទំនង​ជិត​ស្និទ្ធ​ជា​មួយ​​លោក​ថាក់​ស៊ីន​​។ ពួកគេ​ចង់​មាន​​ន័យ​ថា​លោក​ពិចិត្រ​តោង​កាលីប​លោក​ថាក់​ស៊ីន​ទើប​អាច​មក​អង្គុយ​កៅ​អី​រដ្ឋ​មន្ត្រី​​ទី​ស្ដី​ការ​គណៈ​រដ្ឋ​មន្ត្រីបាន​ទោះ​បី​​អ្នក​នាំ​ពាក្យ​រដ្ឋាភិបាល​ថ្លែង​ថា​គាត់​មាន​គុណ​វុឌ្ឍិ​គ្រប់​គ្រាន់​យ៉ាង​ណា​ក្ដី​៕

អត្ថបទសរសេរ ដោយ

កែសម្រួលដោយ