រាជធានីភ្នំពេញ ៖ សម័យមុនការលក់ឧបករណ៍បម្រើផ្លូ.វភេទត្រូវបានគេលបលួចលាក់ដោយអាថ៌កំបាំងពីសាធារណជនទូទៅ ប៉ុន្តែសម័យនេះជាពិសេសនៅក្នុងសម័យឌីជីថល ការប្រកាសលក់នូវឧបករណ៍ទាំងនេះហាក់កំពុងតែទូលំទូលាយនៅលើបណ្តាញសង្គម ។
នៅលើបណ្តាញសង្គម ជាពិសេសគឺហ្វេសប៊ុក Tik Tok ហើយក៏មាននៅលើតេឡេក្រាមខ្លះៗ គឺមានឧបករណ៍បម្រើផ្លូវភេទជាច្រើនប្រភេទមានទាំងសម្រាប់សុភាពបុរស និងសម្រាប់សុភាពនារី ត្រូវបានគេផ្សព្វផ្សាយលក់យ៉ាងពេញទំហឹង ។ ដោយអ្នករកស៊ីរបរនេះបានប្រកាសលក់តាំងពីប្រដាប់បន្តពូជបុរស និងស្ត្រី តាមគ្រប់បែបគ្រប់យ៉ាង គ្រប់ទំហំដែលចង់បាន ហើយនៅមានឧបករណ៍ជំនួយថ្នាំជំរុញ ឬកម្រើកអារម្មណ៍ជាដើម ។
បុរសវ័យកណ្តាលមួយរូបដែលក្រុមការងារសូមដាក់ឈ្មោះថា យុទ្ធា បានឱ្យដឹងថា កម្ពុជា យើងឥឡូវវិត្តន៍ និងទាន់សម័យដូចស្រុកគេហើយ បានជាមានក្រុមមនុស្សលក់របស់ទាំងនេះ ។ លោកបានបញ្ជាក់ថា «បើលក់មិនដាច់ ខ្ញុំជឿថា គេលែងលក់ហើយ ។ ការដែលគេនៅ តែលក់ ដូច្នេះមានន័យថា ស្រុកយើង គឺមានអ្នកទិញ ។ ទាល់តែមានអ្នកទិញហើយ បានចេះ តែមានអ្នកលក់ជាហូរហែ ហើយសម្បូរបែបនេះ» ។ លោកបានបន្តទៀតថា លោកក៏ធ្លាប់ប៉ះគេផ្សាយចូលគណនីហ្វេសប៊ុករបស់លោកដែរ ។ តែលោកមិនរវីរវល់វាក៏បាត់ទៅ ។
តាមព័ត៌មានដែលក្រុមការងារអង្កេតមួយរយៈពេល អ្នកដែលទិញនូវឧបករណ៍ទាំង នោះ មានទាំងបុរស ស្ត្រី ក្មេងចាស់ជាដើម ដែលស្ថិតក្នុងវ័យចន្លោះចាប់ពី ១៨ឆ្នាំឡើងទៅ ។ ពួកគេទៀតសោតបានចរចាតម្លៃនៅក្នុងខមិន ឬឆាត មុនពេលដែលវត្ថុទាំងនោះត្រូវបានដឹកជញ្ជូនទៅកាន់ពួកអ្នកបញ្ជាទិញនៅតាមទីតាំងដែលខ្លួនពួកគេបានកំណត់ ។
តាមការអង្កេតមិនមែនត្រឹមតែប្រដាប់ភេទសិប្បនិម្មិតនោះទេ សូម្បីតែតុក្កតាទាំងទំហំ និងកម្ពស់ប្រហាក់ប្រហែលមនុស្សស្រីពិតៗក៏ត្រូវបានដាក់លក់ផងដែរ ។ វត្ថុទាំងនោះភាគច្រើននាំចេញពីប្រទេសចិន និងប្រទេសជិតខាងយើងមួយចំនួន ដែលក្រុមអ្នកលក់បញ្ជាទិញផ្ទាល់ពីប្រទេសទាំងនោះ ។
ចំណែកថ្នាំបង្កើនអារម្មណ៍ចំណង់ផ្លូវភេទ ថ្នាំពន្យារពេលរួ.មភេ.ទជាដើមក៏មានការលក់ ដូរខ្លះៗនៅតាមបណ្តាហាងលក់ទំនិញ (ម៉ាត) ជាពិសេសនៅជិតកន្លែងទូទាត់ប្រាក់ រហូតដល់ហាងទាំងនោះផ្សព្វផ្សាយពាណិជ្ជកម្មលើបណ្តាញសង្គមរបស់ខ្លួនទាំងដែលយើងមិនដឹងថារបស់ទាំងនោះស្របច្បាប់ ឬគ្មានច្បាប់អនុញ្ញាត្តនោះទេ ៕
ចែករំលែកព័តមាននេះ