រាជធានីភ្នំពេញ ៖ សម្តេចធិបតីហ៊ុន ម៉ាណែត នាយករដ្ឋមន្ត្រីបានគូសបញ្ជាក់ថា ការចាប់ខ្លួនលោកស៊ុន ចន្ធី ប្រធានគណបក្សកម្លាំងជាតិ មកពីគាត់បាននិយាយមួលបង្កាច់គោលនយោបាយរបស់រាជរដ្ឋាភិបាល ដើម្បីចំណេញនយោបាយខ្លួនពាក់ព័ន្ធនឹងបណ្ណក្រីក្រ។
សម្តេចធិបតីនាយករដ្ឋមន្ត្រីថ្លែងក្នុងពិធីប្រកាសដាក់ឱ្យអនុវត្តជាផ្លូវការ «ផែនទីបង្ហាញផ្លូវ ឆ្ពោះទៅការគ្របដណ្តប់សុខភាព ជាសាកលនៅកម្ពុជា ឆ្នាំ២០២៤-២០៣៥»នាព្រឹកថ្ងៃទី២៣ ខែឧសភា ឆ្នាំ ២០២៤ នៅសណ្ឋាគារសុខាភ្នំពេញ ថា រាជរដ្ឋាភិបាលបានខិតខំធ្វើការផ្តល់បណ្ណក្រីក្រជូនប្រជាពលរដ្ឋដើម្បីទទួលបានផលប្រយោជន៍ជាច្រើន។ ប៉ុន្តែមានអ្នកនយោបាយខ្លះចូលចិត្តបណ្តុះបង្អាប់ណាស់ដោយថា រាជរដ្ឋាភិបាលធ្វើសុទ្ធតែអាក្រក់ និងគ្មានកំណើត។
សម្តេចធិបតីនាយករដ្ឋមន្ត្រីបានបញ្ជាក់ថា «បង្អាប់នៅក្នុងប្រទេសមិនអស់ចិត្ត ទៅបង្អាប់ នៅក្រៅប្រទេសទៀតថា កម្មវិធីប័ណ្ណក្រីក្ររបស់រដ្ឋាភិបាលថា កម្មវិធីនេះអាក្រក់ណាស់ គេមិននិយាយពីផលអាក្រក់ទេ ដោយថាទទួលផលល្អ ព្រោះថាពលរដ្ឋ ទៅព្យាបាលអត់អស់លុយ។ គេនិយាយថាកម្មវិធីនេះល្អ ប៉ុន្តែគេធ្វើអាក្រក់ គេចោទសាររដ្ឋាភិបាលបក្ខពួកឲ្យតែ គ្នាឯង»។
សម្តេចធិបតីអះអាងថា រដ្ឋាភិបាលធ្វើការផ្តល់ជូនប្រជាពលរដ្ឋមិនរើសអើងនោះទេតែ គេមិនត្រឹមតែនិយាយអ្នកដែលបានប័ណ្ណក្រីក្រនេះ ដោយសារតែចូលបក្សប្រឆាំង។ រាជរដ្ឋាភិបាលខំធ្វើ២០ឆ្នាំមកហើយ តែគេបែរមកលួចហើយថែមទាំងជេរថែមទៀត។
សម្តេចធិបតីបានលើកឡើងថា រាជរដ្ឋាភិបាលមានសិទ្ធិថែរក្សារបស់ដែលខំធ្វើ ទើបមានការឃាត់ ខ្លួនលោកស៊ុនចន្ធី ប្រធានគណបក្សកម្លាំងជាតិដែលបាននិយាយពីអាក្រក់នយោបាយរាជរដ្ឋាភិបាលដើម្បីចំណេញនយោបាយខ្លួន។
សម្តេចបញ្ជាក់ថា៖ «លោក ស៊ុន ចន្ធីបានធ្វើការផ្សព្វផ្សាយព័ត៌មានមិនពិត ឬហៅ ថាហ្វេកញ៉ូ (Face News) ដើម្បីចំណេញនយោបាយដោយចេតនា អីញ្ចឹងត្រូវតែ ប្រឈមផ្លូវ ច្បាប់ ។ ត្រូវតែទទួលខុសត្រូវ យើងដាំ ខំធ្វើបានផលចែកប្រជាជន ហើយយើង គ្រាន់តែ ការ ពារខ្លួនគេថាយើងអាក្រក់ទៀត។ សូមប្រាប់រាជរដ្ឋាភិបាល ដាក់ចេញគោលនយោបាយ គ្មានការរើសអើងនោះទេ»។
សម្តេចនាយករដ្ឋមន្ត្រីបានលើកឡើងថា អ្នកដែលចោទរដ្ឋាភិបាលមានការរើសអើង គឺជាការមួលបង្កាច់ទាំងស្រុង ដូច្នេះអ្នកឯងត្រូវតែទទួលសុខត្រូវចំពោះមុខច្បាប់។ បើមិនដូច្នេះ ទេអ្នកឯងនៅតែដើរបំផុសបំផុលនៅខាងក្រៅប្រទេស ដែលជាហេតុធ្វើឲ្យពលរដ្ឋបាត់ជំ នឿរ លើគោលនយោបាយរាជរដ្ឋាភិបាល បង្កភាពវឹកវរក្នុងអារម្មណ៍ប្រជាជន ពេលអ្នកចំណេញ នយោបាយ។
សម្តេចធិបតីបានគូសបញ្ជាក់ថា៖«អ្នកឯង (ស៊ុន ចន្ធី) ត្រូវតែទទួលពីការប្រឌិតរឿង និងបញ្ចេញព័ត៌មានមិនពិតដោយចេតនាចង់ខ្លែងបន្លំយកភាពចំណេញ អីញ្ចឹងត្រូវតែទទួល ។ ហើយខ្ញុំសូមបញ្ជាក់ថាច្បាប់នេះមិនធ្វើតែនៅកម្ពុជានោះទេ គឺនៅប្រទេសផ្សេងៗច្រើន ទៀតបានដាក់ចេញការអនុវត្តចំពោះការផ្សាយព័ត៌មានមិនពិត ដូចជា ប្រទេសឥណ្ឌា ថៃ សាំងហ្គាពួ ជាដើម»។
សម្តេចបានបន្ថែមថានៅប្រទេសខ្លះគេបានចាត់ទុកជាទោសព្រហ្មទណ្ឌ ហើយនៅប្រទេ សខ្លះចាត់ទុកជាបទល្មើសបរិហាកេរ្តិ៍ ។ សម្តេចធិបតីហ៊ុន ម៉ាណែត នាយករដ្ឋមន្ត្រីបានឲ្យដឹងថានៅក្នុងប្រព័ន្ធការពារសង្គម សុខាភិបាល មូលនិធិសមធម៌ត្រូវបានធ្វើជាង២០ឆ្នាំមកហើយ ដែលយើងហៅថា មូលនិធិសមធម៌សុខាភិបាល ឬប័ណ្ណក្រីក្រ បានដាក់សាកល្បងដំបូងនៅឆ្នាំ២០០០។ រាជរដ្ឋាភិ បាលបានផ្តួចផ្តើមធ្វើដោយគ្មានអ្នកណាមកជួយទេ ដោយសារគិតចង់គិតគូររយៈពេល៥០ ឆ្នាំទៅមុខទៀត ពិសេសនោះជួយប្រជាពលរដ្ឋក្នុងវិស័យសុខាភិបាល ៕
ចែករំលែកព័តមាននេះ