អ្នកបើកឡានថា រថភ្លើងអត់ស៊ីផ្លេ គ្រាន់តែបើកឆ្លងផ្លូវដែកភ្លាម ក៏ជួបគ្រោះបែបនេះ
- ភ្នំពេញ
រាជធានីភ្នំពេញ ៖ រថយន្តម៉ាកតូយ៉ូតាកាមរីឆ្លាម១គ្រឿង ខណៈបើកបរឆ្លងកាត់ផ្លូវដែក ក៏ត្រូវបាន
រាជធានីភ្នំពេញ ៖ រថយន្តម៉ាកតូយ៉ូតាកាមរីឆ្លាម១គ្រឿង ខណៈបើកបរឆ្លងកាត់ផ្លូវដែក ក៏ត្រូវបាន
រាជធានីភ្នំពេញ ៖ រថយន្តម៉ាកតូយ៉ូតាកាមរីឆ្លាម១គ្រឿង ខណៈបើកបរឆ្លងកាត់ផ្លូវដែក ក៏ត្រូវបានរថភ្លើង១ខ្សែទៅដល់បុកពេញទំហឹងចំចំហៀងខាងឆ្វេង ខាងអ្នកបើកបរតែម្ដង បណ្ដាលឲ្យខ្ទាតជាច្រើនម៉ែត្របោកផ្ទប់ជាមួយសសរដែកស្លាកលេខ១៧ ដែលដាំនៅក្បែរផ្លូវដែកនោះបាក់រាបដល់ដី ។ រថយន្តនេះបានរងការខូចខាតអស់១ចំហៀងខាងឆ្វេងទាំងស្រុង ប៉ុន្តែជាសំណាងល្អបុរសដែលជាអ្នកបើកបររថយន្តពុំមានរបួសឡើយ ហើយគាត់និយាយថា ទីនោះអត់មានបារ៉ាស់ ហើយរថភ្លើងវិញអត់បានចុចស៊ីផ្លេសោះ ទើបគាត់មិនបានឃើញមិនបានឮនិងអត់ដឹងថាមានរថភ្លើងឆ្លងកាត់ ហើយក៏ត្រូវរថភ្លើងបុកបង្កគ្រោះថ្នាក់បែបនេះតែម្ដង ។
ឧប្បត្តិហេតុនេះបានកើតឡើងបង្កឲ្យមានការភ្ញាក់ផ្អើលកាលពីវេលាម៉ោង៧និង៣០នាទីព្រឹកថ្ងៃទី២៣ ខែឧសភា ឆ្នាំ២០២៤ នៅត្រង់ចំណុចផ្លូវដែកឆ្លងកាត់ខ្សែភ្នំពេញ-បាត់ដំបង ស្ថិតនៅក្នុងភូមិសាក់ប្រយុទ្ធ សង្កាត់ស្នោរ ខណ្ឌកំបូល រាជធានីភ្នំពេញ ។
រថយន្តដែលរងគ្រោះនៅក្នុងឧប្បត្តិហេតុនេះម៉ាកតូយ៉ូតាកាមរីឆ្លាមពណ៍ស្ករ ពាក់ស្លាកលេខបាត់ដំបង 2A-2329 បើកបរដោយបុរសម្នាក់ឈ្មោះឆោ ហុកស៊ីន អាយុ៤១ឆ្នាំ មុខរបរចិញ្ចឹមទា មានទីលំនៅភូមិស្វាយរលំ សង្កាត់ស្វាយរលំ ក្រុងតាខ្មៅ ខេត្តកណ្ដាល ។ ខណៈនោះបុរសខាងលើបានជិះរថន្តតែម្នាក់ឯងប៉ុណ្ណោះ ដោយមិនមានអ្នករួមដំណើរជាមួយនោះឡើយ ។ ចំណែករថភ្លើងក៏រងការខូចខាតខ្លះដែរ ហើយក្រោយពេលកើតហេតុបានឈប់មួយសន្ទុះរួចក៏បានបើកបន្តដំណើរទៅបាត់ ប៉ុន្តែបានទុកតំណាងឲ្យនៅកន្លែងកើតហេតុនោះដែរ ។
បើតាមបុរសដែលជាអ្នកបើកបររថយន្តបាននិយាយថា នៅមុនពេលកើតហេតុគាត់បានបើកបររថយន្តធ្វើដំណើរចេញពីផ្ទះបងប្អូននៅក្នុងបុរីមួយកន្លែងនៅជិតនោះដែរ ដើម្បីទៅផ្ទះនៅភូមិស្វាយរលំវិញ ដោយធ្វើដំណើរក្នុងទិសដៅពីកើតទៅលិច ។ ពេលទៅជិតដល់ផ្លូវដែកគាត់មិនបានឃើញរថភ្លើងនោះទេ ហើយរថភ្លើងក៏អត់មានស៊ីផ្លេដែរ ហើយគ្រាន់តែបើកឡើងឆ្លងផ្លូវដែកភ្លាម ក៏ស្រាប់តែរថភ្លើងទៅដល់ល្មម និងបានបុករថយន្តគាត់ពេញំហឹងតែម្ដង ។
បុរសនេះបាននិយាយបន្តទៀតថា ខណៈនោះរថយន្តគាត់អត់ក្រឡាប់ទេ ហើយក្រោយពេលបុករួចរថភ្លើង បានឈប់អ្នកបើកបររថភ្លើងនេះបានទៅនិយាយជាមួយគាត់ ដោយប្រាប់គាត់ថា «ខ្លួនអត់បានចុចសុីផ្លេ ព្រមទាំងស្ដីបន្ទោសរូបគាត់ទៀតថា បើបងឯងបើកលឿនបន្តិចទៅផុតបាត់ហើយ» ។ បន្ទាប់មករថភ្លើងនោះក៏បានបើកបន្តដំណើរទៅមុខទៀតបាត់ស្រមោល ដោយទុកតំណាងម្នាក់ឲ្យនៅទៅនោះប៉ុណ្ណោះ ។
ប្រជាពលរដ្ឋនៅតំបន់នោះបាននិយាយថា នៅត្រង់ចំណុចកើតហេតុនោះ ពុំមានដាក់បារ៉ាស់សម្រាប់ទម្លាក់បិទផ្លូវការពារចរាចរ ឬ មានអ្នកប្រចាំការធ្វើចរាចរនៅពេលដែលមានរថភ្លើងឆ្លងកាត់នោះទេ គឺមានតែស្លាកសញ្ញា «ឈប់ឬSTOP» តែប៉ុណ្ណោះ ។ កន្លែងមកនៅពេលដែលរថភ្លើងទៅជិតដល់ត្រង់ចំណុចនោះតែងតែចុចសុីផ្លេយ៉ាងរន្ថើនម្ដងហើយម្ដងទៀតរហូតជាសញ្ញាដើម្បីឲ្យអ្នកដំណើរទូទៅដែលត្រូវឆ្លងកាត់ផ្លូវដែកនេះមានការប្រុងប្រយ័ត្ន ចៀសផុតពីឧប្បត្តិហេតុគ្រោះថ្នាក់ជាមួយរថភ្លើង។
ប្រជាពលរដ្ឋបាននិយាយបន្តទៀតផងដែរ នៅមុនពេលកើតហេតុពុំដឹងថារថភ្លើងខូចសុីផ្លេ ឬ បែបណានោះទេ ទើបអត់ចុចសុីប្លេជាសញ្ញាប្រុងប្រយ័ត្នដូចរាល់ដងសោះឡើយ ខណៈនោះពួកគាត់បានឃើញរថយន្ត១គ្រឿងខាងលើបើកបរធ្វើដំណើរក្នុងទិសដៅពីកើតទៅលិច ។ ចំណែលរថភ្លើងបានបើកបរធ្វើដំណើរក្នុងទិសដៅពីត្បូងទៅជើង លុះពេលទៅជិតដល់ត្រង់ចំណុចកើតហេតុ គ្រាន់តែរថយន្តឡើងដល់លើផ្លូវដែក រថភ្លើងក៏ទៅដល់ដែរដូចណាត់គ្នាអ៊ីចឹង ហើយរថភ្លើងក៏បុកចំទទឹងខ្លួនរថយន្តពេញទំហឹង ។ បណ្ដាលឲ្យរថយន្តខ្ទាតច្រើនម៉ែត្របោកផ្ទប់ជាមួយដែកសសរស្លាកលេខ១៧ បាក់រាបដល់ដី និងរងការខូចខាត១ចំហៀងខាងឆ្វេងទាំងស្រុងតែម្ដង។
ក្រោយពេលកើតហេតុ នៅពេលដែលម្ចាស់រថយន្តនិយថារថភ្លើងអត់សុីផ្លេ ត្រូវបានបុរសម្នាក់ដែលជាតំណាងខាងភាគីរថភ្លើងនិយាយដោយខ្លីថា «បើចង់ដឹងរថភ្លើងមានកាមេរ៉ា ចាំខ្ញុំបាញ់វីដេអូឲ្យមើល » ។ ដោយឡែកកម្លាំងនគរបាលខណ្ឌកំបូលបានចុះទៅកាន់ទីនោះពិនិត្យ និងធ្វើកំណត់ហេតុភ្លាមៗដែរ ហើយពេលនោះម្ចាស់រថយន្តបានសុំត្រឹមរួចខ្លួន និងយករថយន្តរបស់ខ្លួនទៅធ្វើការជួសជុលឡើងវិញដោយខ្លួនឯង ។
ខណៈនោះមុនដំបូងបុរសដែលជាតំណាងខាងភាគីរថភ្លើងបាននិយាយថា បើអត់ប្ដឹងផ្ដល់អ្វីទេនិងឲ្យរួចខ្លួន ប៉ុន្តែក្រោយមកបុរសនោះក៏បានឆ្លងយោបល់ទៅថ្នាក់លើរបស់ខ្លួនម្ដងទៀត ។ ស្រាប់តែថ្នាក់លើនោះមិនព្រម និងបានស្នើសុំឲ្យនគរបាលនាំយករថយន្តទៅរក្សាទុកនៅអធិការនគរបាលខណ្ឌកំបូល រង់ចាំការដោះស្រាយនៅពេលក្រោយ ប៉ុន្តែពុំទាន់ដឹងថាតើត្រូវដោះស្រាយដោយរបៀបណានោះទេ ៕
ចែករំលែកព័តមាននេះ