បន្ទាយមានជ័យ ៖ ភ្លៀងមួយមេធំធ្លាក់ពីលើភ្នំ បង្កជាទឹកជំនន់លិចផ្លូវនិងចម្ការដំណាំប្រជាកសិករ បើសិនជាភ្លៀងនៅបន្តធ្លាក់ទឹកនៅបន្តជន់រហូតដល់ថ្ងៃទី២២ ខែឧសភា ឆ្នាំ២០២៤ ស្ថិតឃុំអូរសំព័រ និងឃុំអូរស្រឡៅ ស្រុកម៉ាឡៃ…
បន្ទាយមានជ័យ ៖ ភ្លៀងមួយមេធំធ្លាក់ពីលើភ្នំ បង្កជាទឹកជំនន់លិចផ្លូវនិងចម្ការដំណាំប្រជាកសិករ បើសិនជាភ្លៀងនៅបន្តធ្លាក់ទឹកនៅបន្តជន់រហូតដល់ថ្ងៃទី២២ ខែឧសភា ឆ្នាំ២០២៤ ស្ថិតឃុំអូរសំព័រ និងឃុំអូរស្រឡៅ ស្រុកម៉ាឡៃ ។
ប្រជាពលរដ្ឋបានប្រាប់ថា ៖ ភ្លៀងធ្លាក់មួយមេធំធ្លាក់ពីលើភ្នំបង្កទឹកជំនន់ជន់លិចអូរធំ បណ្តាលឲ្យផ្លូវ និងចម្ការដំណាំប្រជាកសិករនៅឃុំអូរសំព័រ និងឃុំអូរសក្រឡៅ រហូតពេលនេះមិនទាន់ស្រុកនៅឡើយទេតាមផ្លូវខ្លះស្របមាត់អូរត្រូវបានទឹកជន់លិច បណ្តាលប្រជាពលរដ្ឋទៅមកជួបការលំបាក ។
ប្រជាពលរដ្ឋបានបញ្ជាក់ថា ៖ មូលហេតុដែលភ្លៀងធា្លក់ខ្លាំងជន់លិចផ្លូវ និងចម្ការដំណាំដូចចម្ការតាង៉ែន និងចម្ការស្វាយ ព្រោះតែប្រព័ន្ធលូតូច ដែលទឹកហូរធ្លាក់ពីខាងលើភ្នំចូលអូរព្រំដែនហូរមិនទាន់ ទើបបង្កមានលិចលង់ផ្នែកខាងលើ សុំអោយអាជ្ញាធរស្រុក/មន្ទីស្ថាប័នពាក់ព័ន្ធជួយរកដំណោះស្រាយ ដើម្បីបញ្ជៀសការលិចលង់រាល់ឆ្នាំនៅពេលមានភ្លៀងធ្លាក់ខ្លាំង ។
លោក ស្វាយ ជា អភិបាលស្រុកម៉ាឡៃបានបញ្ជាក់ថា ៖ នៅចំណុចអូរធំព្រំប្រទល់ឃុំអូរសំព័រ និងឃុំអូរស្រឡៅស្រុកម៉ាឡៃ ដែលមានទឹកជន់លិចអូរធំនេះ គឺជាទឹកភ្លៀងដែលហូរធ្លាក់ពីលើភ្នំហូរចូលមកអូរព្រំដែនលិចរាល់ឆ្នាំ ព្រោះប្រព័ន្ធលូតូច ហើយបានសុំទៅមន្ទីជំនាញហើយបានចុះសិក្សាគម្រោងស្នើសុំទៅក្រសួងហើយ បើសិនជាគម្រោងមានការយឺតយ៉ាវរដ្ឋបាលស្រុកម៉ាឡៃសុំគោលការអភិបាលខេត្តបន្ទាយមានជ័យកសាងដោយថវិការស្រុកធ្វើជាសំណង់បង្ហៀទឹកប្រវែង១២ម៉ែត្រគ្រោងថវិការជាង១ម៉ឺនដុល្លារអាចកសាងឆ្នាំមុខ ។
លោកបានបញ្ជាក់ថា ៖ ជំនន់ទឹកភ្លៀងដែលជនលិចអូរធំ កាលពីម្សិលមិញ មានភ្លៀងធ្លាក់មួយមេធំទើបបង្កជន់លិច បើសិនជាភ្លៀងមិនបន្តធ្លាក់អាច២ទៅ៣ថ្ងៃទឹកហូរស្រង់ទៅអូរព្រំដែនស្រកអស់ បើសិនជាភ្លៀងនៅបន្តទឹកនៅបន្តជន់ឡើង តែនៅស្រុកម៉ាឡៃទទួលបានភ្លៀងធ្លាក់ជាង១០មេធំៗ បង្កមានខ្យល់កន្ត្រាក់ប៉ះពាល់ផ្ទះសំបែង២៥ខ្នងផ្ទះត្រូវបានរលំ និងប៉ើងដំបូល កាលពីម្សិលមិញប៉ះពាល់ផ្ទះសំបែងមានប៉ើងដំបូល និងជញ្ជាំងដែរ ៕
ចែករំលែកព័តមាននេះ