រាជធានីភ្នំពេញ ៖ នៅទីបំផុត តារាចម្រៀងនាងអេននី ហ្សាម បានប្រកាសបញ្ចប់ចំណងស្នេហ៍ដែលជាភេទដូចគ្នា បន្ទាប់ពីអ្នកទាំងពីរបានសាងស្នេហ៍ជាមួយគ្នាអស់រយៈពេលជាង៣ឆ្នាំ ប្រកបដោយភាពផ្អែមល្ហែមស្ទើរចាក់ទឹកមិនលិច ។
តារាចម្រៀងក្នុងផលិតថោនរូបនេះ បានប្រកាសជាសាធារណៈតាមរយៈបណ្តាញសង្គមថា ខ្ញុំមិនល្អគ្រប់គ្រាន់…ខ្ញុំស្រលាញ់ពេក ហួងហែងពេក ប្រច័ណ្នពេក ខ្លាចបាត់បង់ពេក ទោះខំហាម ទោះខំឈ្លោះ ទោះខំយ៉ាងណា ក៏នៅតែបែបនឹងគ្មានន័យ ។ 💔
នាងបញ្ជាក់ថា ចុងក្រោយពួកយើងត្រូវដើរត្រូវរៀងខ្លួន 💔ចុងក្រោយ នៅតែគេជ្រើសជំរើសល្អជាងយើងចុងក្រោយអ្នកផ្សេងនៅតែសំខាន់ជាងយើង😊ចុងក្រោយគេជ្រើសយកសេរីភាព 🕊ចុងក្រោយពួកយើងក៏បែកគ្នា 💔ចុងក្រោយ3ឆ្នាំជាង សល់តែអនុស្សាវរីយ៍ 👣លាហើយ ខ្ញុំអស់សមត្ថភាពហើយ 😊 បញ្ចប់ត្រឹងនឹងចុះ ។
តាមរយៈសារខាងលើនេះ គេឃើញមានមិត្តភក្តិ និងបណ្តាអ្នកគាំទ្រ អេននី ហ្សាម មួយចំនួនបាន
សម្តែងការសោកស្តាយ និងមិនចង់ឲ្យស្នេហារបស់ពួកនាងដល់ផ្លូវបំបែកនោះឡើយ ដ្បិតអ្នកទាំងពីរបានសាងអនុស្សាវរិយ៍ល្អៗជាមួយគ្នាច្រើនណាស់ក្នុងរយៈពេលប៉ុន្មានឆ្នាំចុងក្រោយនេះ ។
យ៉ាងណា តារាចម្រៀងនាង អេននី ហ្សាម ក៏បានធ្វើឆ្លើយតបដោយខ្លីថា គ្មានអ្នកណាចង់បែកពីរមនុស្សដែលខ្លួនឯងស្រលាញ់បំផុតទេ តែគ្រប់យ៉ាងយើងតែម្ខាង សុំទោសមិនអាចស្រោចស្រង់បាន យំឆ្អែតហើយ ទឹកភ្នែកហូររាល់ពេលបើកភ្នែកហូរៗ ។
ដោយឡែក ជុំវិញរឿងរ៉ាវខាងលើនេះដែរ គូស្នេហ៍របស់ អេននី ហ្សាម ដែលាមានឈ្មោះតាមបណ្តាញសង្គម Nona Ra បានបង្ហោះសារខ្លីមួយថា ជីវិតនៅម្នាក់ឯងក៏ម្យ៉ាងដែលតាស ហើយមិនពិបាកអោយអ្នកណាមកហត់ចិត្តជាមួយ😊យើង ។
គួរបញ្ជាក់ថា តារាចម្រៀងក្នុងផលិតកម្មថោននាង អេននី ហ្សាម ត្រូវបានគេដឹងថា នាងបានបង្កាត់
ភ្លើងស្នេហ៍ភេទដូចគ្នាជាមួយស្រីស្អាតម្នាក់ ឈ្មោះថា Nona Ra ដែលជាតារា Tik Tok ល្បីឈ្មោះ ខណៈពេលស្នេហារបស់ពួកនាងបានបើកចំហរក្តីស្រលាញ់នេះជាសាធារណៈ ដោយមិនខ្លាចការរិះគន់នោះឡើយ ។
ជារឿយៗ អេននី ហ្សាម និងគូស្នេហ៍របស់ខ្លួនដែលជាភេទស្រីដូចគ្នា តែងតែបញ្ចេញរូបភាពស្និទ្ធិស្នាល និងផ្អែមល្ហែមជាមួយគ្នាជាបន្តបន្ទាប់តាមរយះបណ្តាញសង្គម មិនថាចូលរួមកម្មវិធីផ្សេងៗ ឬដំណើរ
កំសាន្តទីរមនីយដ្ឋាននានានោះឡើយ ។
យ៉ាងណា កន្លងមកទាំង អេននី ហ្សាម និងគូស្នេហ៍បានអះអាងថា ខ្លួនហាក់មិនមានការសោកស្តាយនៅក្នុងការបង្កើតទំនាក់ទំនងស្នេហ៍ជាភេទដូចគ្នានាពេលនេះឡើយ ក្នុងពេលដែលពួកគេទាំងពីរបានរស់នៅជាមួយយ៉ាងសប្បាយចិត្ត និងការស្វែងយល់ចិត្តគ្នាទៅវិញទៅមកផងដែរ ៕
ចែករំលែកព័តមាននេះ