ADផ្ទាំងផ្សព្វផ្សាយពាណិជ្ជកម្ម

Picture

អុញ​! អគារ​រោងចក្រ​យ៉ាង​ធំ​អត់​ច្បាប់ត្រូវ​ខ្យល់​កន្ត្រាក់​រលំ​រាប​ដល់​ដី

4 អាទិត្យ មុន
  • ស្វាយរៀង

ខេត្តស្វាយរៀង ៖ ភ្លៀង​មួយ​មេ​ធំ​លាយឡំ​ខ្យល់​កន្ត្រាក់​បង្ក​ឲ្យ​រលំ​អគារ​រោងចក្រ​ចំនួន​២​ខ្នង​រាប​ដល់​ដីបណ្តាល​ឲ្យ​កម្មករ​សំណង់​៤​នាក់​រង​របួសធ្ងន់​បែកក្បាល បាក់​ធ្មេញ បាក់ដៃ ហើយ​ត្រូវ​បាន​បញ្ជូន​ទៅ​មន្ទីរពេទ្យ​ខេត្តស្វាយរៀង​ដើម្បី​សង្គ្រោះ ។ ចំណែក​០៣​នាក់​ផ្សេង​ទៀត រង​របួសស្រាល​បញ្ជូន​ទៅ​មន្ទីរពេទ្យ​បង្អែក​ជី​ភូ ដើម្បី​ព្យាបាល…

ខេត្តស្វាយរៀង ៖ ភ្លៀង​មួយ​មេ​ធំ​លាយឡំ​ខ្យល់​កន្ត្រាក់​បង្ក​ឲ្យ​រលំ​អគារ​រោងចក្រ​ចំនួន​២​ខ្នង​រាប​ដល់​ដីបណ្តាល​ឲ្យ​កម្មករ​សំណង់​៤​នាក់​រង​របួសធ្ងន់​បែកក្បាល បាក់​ធ្មេញ បាក់ដៃ ហើយ​ត្រូវ​បាន​បញ្ជូន​ទៅ​មន្ទីរពេទ្យ​ខេត្តស្វាយរៀង​ដើម្បី​សង្គ្រោះ ។ ចំណែក​០៣​នាក់​ផ្សេង​ទៀត រង​របួសស្រាល​បញ្ជូន​ទៅ​មន្ទីរពេទ្យ​បង្អែក​ជី​ភូ ដើម្បី​ព្យាបាល ។

ករណី​នេះ បាន​កើតឡើង​នៅ​វេលា​ម៉ោង​៧​និង​៣០​នាទី​យប់​ថ្ងៃ​ទី​១៣ ខែឧសភា ឆ្នាំ​២០២៤ ។ បើ​តាម​អាជ្ញាធរ​ស្រុក​ច​ន្ទ្រា​បាន​ឲ្យ​ដឹង​ថា មាន​ភ្លៀង​មួយ​មេ​ធំ លាយឡំ​ខ្យល់​កន្ត្រាក់​យ៉ាង​ខ្លាំង បណ្តាល​អោយ គ្រោង​ដែក​សាងសង់​អាគារ​រោងចក្រ​២​ខ្នង (​ទទឹង​៨១​ម៉ែត្រ បណ្ដោយ​១៦២​ម៉ែត្រ​) កំពុង​តែ​សាងសង់​ថ្មី​ដួល​រលំ​ខូចខាត​ទាំងស្រុង ស្ថិត​ក្នុង​តំបន់​សេដ្ឋកិច្ច​ពិសេស​ស៊ី​ន​បា​វិត​៣ ក្នុងភូមិ​ត្រពាំង​បុណ្យ ឃុំ​ព្រៃ​គគីរ ដែល​មាន​កម្មករ​សំណង់​នៅ​ទីនោះ​រង​របួស ចំនួន ០៧​នាក់ ក្នុង​នោះ​របួសធ្ងន់ ០៤​នាក់ (​បាក់ដៃ ២​នាក់ របួស​បែកក្បាល ២​នាក់​) របួសស្រាល​០៣​នាក់ ។

ចំពោះ​អ្នក​របួសធ្ងន់​០៤​នាក់ បញ្ជូន​ទៅ​មន្ទីរពេទ្យ​បង្អែក​ខេត្តស្វាយរៀង អ្នក​រង​របួសស្រាល​៣​នាក់ សម្រាក​ព្យាបាល​នៅ​មន្ទីរពេទ្យ​បង្អែក​ជី​ភូ ។ អគារ​រោងចក្រ​ដែល​កំពុង​សាងសង់​ថ្មី​ខូចខាត​ទាំងស្រុង ជាមួយ​នេះ ក៏​មាន​ខូចខាត​រថយន្ត​ក្រឡុក​ស៊ីម៉ង់​៣​គ្រឿង ខូចខាត​រថយន្ត​បាញ់​បេតុង​០១​គ្រឿង ខូចខាត​រថយន្ត​ម៉ា​កតា​កូ​ម៉ា​០១​គ្រឿង ។ និង​រឡូ​កិន​ដី​១​គ្រឿង ក្នុង​ករណី​នេះ ពុំ​មាន​រង​គ្រោះ​ដល់​អាយុជីវិត​មនុស្ស​នោះ​ទេ​។

ទាក់ទិន​ករណី​នេះ​ដែរ ឯកឧត្តម​ទិ​ត ខេមរា អគ្គនាយកដ្ឋាន​សំណង់​នៃ​ក្រសួង​រៀបចំ​ដែនដី​និង​នគរូបនីយកម្ម​និង​សំណង់​បាន​មាន​ប្រសាសន៍​ថា ក្រុមហ៊ុន​ម៉ា​យ៉ា សាងសង់​ដោយ​ពុំ​ទាន់​សុំ​ច្បាប់​អនុញ្ញាត​សាងសង់​ទេ ហើយ​ការ​សាងសង់​នេះ​ទៀត​សោត គឺ​សាងសង់​ខុស​បទដ្ឋាន​បច្ចេកទេស ទើប​បណ្តាល​ឲ្យ​រលំ​បែប​នេះ ។

លោក​អ៊ុំ វាសនា អនុប្រធាន​ការិយាល័យ​សំណង់​នៃ​មន្ទីរ​រៀបចំ​ដែនដី​នគរូបនីយកម្ម​សំណង់​និង​សុរិយោដី​ខេត្ត​បាន​ឲ្យ​ដឹង​ថា ការ​សាងសង់​សំណង់ អគារ​រោងចក្រ​ម៉ា​យ៉ា​នេះ ពុំ​មាន​សុំ​ច្បាប់​ទេ លោក​ធ្លាប់​បាន​ទទួលបញ្ជា​ពី​លោក​ប្រធាន​មន្ទីរ​ដែនដី​នគរូបនីយកម្ម​សំណង់​ឲ្យ​មក​ឃាត់ ផ្អាក​ការ​សាងសង់ និង​សុំ​ឲ្យ​ក្រុមហ៊ុន ម៉ា​យ៉ា ទៅ​ធ្វើ​សំណើរ​សុំ​ទៅ​ក្រសួង រៀបចំ​ដែនដី​នគរូបនីយកម្ម​និង​សំណង់ ពេល​បាន​ច្បាប់​អនុញ្ញាតិ​សាងសង់​សឹម​បន្ត​ដំណើរការ​សាងសង់ ក៏​ប៉ុន្តែ​ក្រុមហ៊ុន​មួយ​នេះ​នៅ​តែ​សាងសង់ យ៉ាង​គ​គ្លើ​ន​។​ហើយ​មិនដឹង​ថា អ្នកម៉ៅការ​សាងសង់​អគារ​រោងចក្រ​នេះ​ជា​វិស្វករ មាន​អាជ្ញា​បណ្ណ​ឬ​ក៏​អត់​ទេ ។

ចំពោះ​លោក​សាម សុវណ្ណ​នី ប្រធាន​ក្រុមហ៊ុន​សាងសង់​អគារ​រោងចក្រ​ម៉ា​យ៉ា​នេះ មិន​អាច​សុំ​ការ​បំភ្លឺ​បាន​ទេ គាត់​ឆ្លើយ​យ៉ាង​ខ្លី​ថា «​គាត់​មិន​អាច​ឆ្លើយ​អី​បាន​ទេ​» ។

មានព័ត៌មាន​បន្ថែម កោះសន្តិភាពនឹងមានផ្សាយជូនបន្ត ។

អត្ថបទសរសេរ ដោយ