ខេត្តព្រះសីហនុ ៖ មុនពិធីបុណ្យចូលឆ្នាំថ្មី មកដល់ គិតត្រឹមថ្ងៃទី៤ ខែមេសា ឆ្នាំ២០២៤នេះ យានយន្តគ្រប់ប្រភេទ អាចបើកបរលើកំណាត់ផ្លូវជាតិលេខ៣ (វាលរេញ-ត្រពាំងរពៅ)…
ខេត្តព្រះសីហនុ ៖ មុនពិធីបុណ្យចូលឆ្នាំថ្មី មកដល់ គិតត្រឹមថ្ងៃទី៤ ខែមេសា ឆ្នាំ២០២៤នេះ យានយន្តគ្រប់ប្រភេទ អាចបើកបរលើកំណាត់ផ្លូវជាតិលេខ៣ (វាលរេញ-ត្រពាំងរពៅ) ក្នុងស្រុកព្រៃនប់ ខេត្តព្រះសីហនុ បានដោយមិនសូវពិបាកដូចមុនទៀតទេ ក្រោយមន្ទីរសាធារណការ និងដឹកជញ្ជូនខេត្ត ធ្វើការជួសជុល សម្រួលបណ្តោះអាសន្ន ។
បើតាមលោក បូរី វង្សសានិត្យ ប្រធានមន្ទីរសាធារណការ និងដឹកជញ្ជូនខេត្តព្រះសីហនុ បានប្រាប់ថា បច្ចុប្បន្នយានយន្ត បើកបរឆ្លងកាត់កំណាត់ផ្លូវ ប្រវែង២០គីឡូម៉ែត្រនេះ ពីវាលរេញ ទៅដល់ត្រពាំងរពៅ អាចប្រើពេលត្រឹម ២០នាទី ឬយូរបំផុត ៣០នាទីប៉ុណ្ណោះ ។
ជាមួយគ្នានេះ លោកប្រធានមន្ទីរ ក៍អំពាវនាវដល់អ្នកបើកបររយន្តតូចធំ កុំឲ្យបើកលឿនពេក ដើម្បីកាត់បន្ថយធូលី ដីហុយនារដូវប្រាំងនេះ និងសុំការយោគយល់ពីពលរដ្ឋ ដែលរស់នៅសងខាងផ្លូវ រងផលប៉ះពាល់ពីធូលីដីហុយនេះ នៅពេល ដែលមានរថយន្តបើកឆ្លងកាត់ ។
លោកប្រធានមន្ទីរ ថ្លែងបន្តថា ដោយបានការអនុញ្ញាតពីឯកឧត្តមរដ្ឋមន្ត្រី ក្រសួងសាធារណការ និងដឹកជញ្ជូន និងការយកចិត្តទុកដាក់ពីលោកអភិបាលខេត្តព្រះសីហនុ ផ្នែកបច្ចេកទេសរបស់មន្ទីរសាធារណការខេត្ត នឹងជួសជុលមើលថែទាំ ជាប្រចាំ រហូតដល់មានការជួសជុលស្ថាបនាផ្លូវការ នៅពេលខាងមុខ ៕
ចែករំលែកព័តមាននេះ