រាជធានីភ្នំពេញ ៖ បុរសម្នាក់ចេញពីធ្វើការសំណង់ក៏ឆ្លៀតចូលខារ៉ាអូខេ លុះប្រពន្ធចាំយូរពេក ក៏បីកូនមករង់ចាំនៅមុខខារ៉ាអូខេតែម្តង ដែលហេតុការណ៍នេះ ធ្វើឱ្យមានការភ្ញាក់ផ្អើលប្រជាពលរដ្ឋពេលពួកគេជួបគ្នាក៏ផ្ទុះជម្លោះប្រាវ កាលពីវេលាម៉ោង១២អធ្រាត្រថ្ងៃទី២ ខែមេសា ឆ្នាំ២០២៤…
រាជធានីភ្នំពេញ ៖ បុរសម្នាក់ចេញពីធ្វើការសំណង់ក៏ឆ្លៀតចូលខារ៉ាអូខេ លុះប្រពន្ធចាំយូរពេក ក៏បីកូនមករង់ចាំនៅមុខខារ៉ាអូខេតែម្តង ដែលហេតុការណ៍នេះ ធ្វើឱ្យមានការភ្ញាក់ផ្អើលប្រជាពលរដ្ឋពេលពួកគេជួបគ្នាក៏ផ្ទុះជម្លោះប្រាវ កាលពីវេលាម៉ោង១២អធ្រាត្រថ្ងៃទី២ ខែមេសា ឆ្នាំ២០២៤ ស្ថិតនៅខារ៉ាអូខេមួយកន្លែង ស្ថិតនៅសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ។
តាមប្រភពពីស្ត្រីម្នាក់ត្រូវជាប្រពន្ធបុរសខាងលើបាននិយាយប្រាប់ថា ប្តីរបស់គាត់ជាមនុស្សកំពូលខូចដើរលេងចូលចិត្តសប្បាយ ។ នៅមុនពេលកើតហេតុ ប្តីគាត់ទៅធ្វើការសំណង់ គាត់បានខលសួរនាំប្តីគាត់បានឆ្លើយថា កំពុងផឹកស៊ីនៅផ្ទះមិត្តភក្តិ ។ បន្ទាប់មក ក៏បីកូនដើររក ក៏ប្រទះឃើញម៉ូតូប្តីគាត់ម៉ាកនិច ពណ៌ស ពាក់ស្លាកលេខពោធិ៍សាត់ 1J-3960 នៅក្នុងហាងខារ៉ាអូខេ គាត់ខលជាច្រើនដង តែមិនចូល ម្ល៉ោះហើយមានតែរង់ចាំប្តីចេញពីខារ៉ាអូខេតែម្តង ។
ស្ត្រីជាប្រពន្ធមកចាំប្តីបាននិយាយប្រាប់ទៀតថា គាត់មកចាំប្តីគាត់តាំងពីម៉ោង៨មកម្ល៉េះ ដោយរង់ចាំអស់ជាច្រើនម៉ោង ។ លុះបន្ទាប់មក ដោយឃើញអ្នកសារព័ត៌មានមកថតផ្សព្វផ្សាយច្រើនពេក សន្តិសុខហាងខារ៉ាអូខេបានហៅប្តីមកជួបមានអីត្រូវប៉ុន្មានដៃរបស់ប្រពន្ធវិញ ។
ស្ត្រីជាប្រពន្ធបានរៀបរាប់ប្រាប់ទៀតថា នៅថ្ងៃមុន ធ្លាប់យកកងដៃយកទៅលក់ចូលក្លិបម្តងរួចមកហើយ ដោយគាត់វាយប្តីគាត់ម្តងផងដែរ ដោយប្រាប់គាត់ថា ឈប់ហើយ មិនទាន់បានប៉ុន្មានផង លួចចូលខារ៉ាអូខេទៀត ។
ក្រោយពេលកើតហេតុ ពេលសន្តិសុខហាងខារ៉ាអូខេហៅបុរសជាប្តីចេញមកភ្លាមៗនោះ ប្រពន្ធវាយត្រូវប៉ុន្មានដៃហើយឌុបប្តីនឹងកូនត្រឡប់ទៅផ្ទះបាត់ ។
ចែករំលែកព័តមាននេះ