ខេត្តបន្ទាយមានជ័យ ៖ ពលករខ្មែរធ្វើការនៅប្រទេសថៃ បានសម្រុកចូលមកកម្ពុជាក្នុងឱកាសបុណ្យចូលឆ្នាំថ្មីប្រពៃណីខ្មែរនៅថ្ងៃទី០១ ខែមេសា ឆ្នាំ២០២៤ តាមច្រកទ្វារអន្តរជាតិប៉ោយប៉ែត ។ក្នុងឱកាសស្វាគមន៍ និងសម្របសម្រួលពលករខ្មែរត្រឡប់ពីប្រទេសតាមច្រកទ្វារអន្តរជាតិប៉ោយប៉ែត ឃើញវត្តមានឯកឧត្តម…
ខេត្តបន្ទាយមានជ័យ ៖ ពលករខ្មែរធ្វើការនៅប្រទេសថៃ បានសម្រុកចូលមកកម្ពុជាក្នុងឱកាសបុណ្យចូលឆ្នាំថ្មីប្រពៃណីខ្មែរនៅថ្ងៃទី០១ ខែមេសា ឆ្នាំ២០២៤ តាមច្រកទ្វារអន្តរជាតិប៉ោយប៉ែត ។
ក្នុងឱកាសស្វាគមន៍ និងសម្របសម្រួលពលករខ្មែរត្រឡប់ពីប្រទេសតាមច្រកទ្វារអន្តរជាតិប៉ោយប៉ែត ឃើញវត្តមានឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកឧត្តមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត និងអភិបាលរងខេត្ត និងក្រុង។
លោកឧត្តមសេនីយ៍ត្រី អ៊ី ចំរើន បានប្រាប់ថា ពលករខ្មែរដែលធ្វើការនៅប្រទេសថៃសម្រុកចូលមកកម្ពុជាតាមច្រកទ្វាអន្តរជាតិប៉ោយប៉ែតមានរយៈពេលជិត១សប្តាហ៍មកហើយក្នុងឱកាសបុណ្យចូលឆ្នាំថ្មីប្រពៃណីខ្មែរ ដើម្បីមកជួបជុំក្រុមគ្រួសារ ។ លោកបានបញ្ជាក់ថា ក្រោយពលករខ្មែរសម្រុកចូលកម្ពុជាតាមច្រុកទ្វារអន្តរជាតិប៉ោយប៉ែតឯកឧត្តម។
អ៊ុំ រាត្រី អភិបាលខេត្តបន្ទាយមានជ័យរួមកម្លាំងនគរបាលអន្តោប្រវេសន៍បានធ្វើការសម្របសម្រួល និងស្វាគមន៍ និងជូនអាហារសម្រន់មាននំប៉័ង១ ទឹកសុទ្ធ១ដប ក្រម៉ា១ បើប្រៀបទៅរៀងរាល់ឆ្នាំពលករកម្ពុជាចូលមកកម្ពុជាក្នុងឱកាសបុណ្យចូលឆ្នាំប្រពៃណីខ្មែរមិនតិចជាង១០ម៉ឺននាក់ទេ ។
ឯកឧត្តម អ៊ុំ រាត្រី បានបញ្ជាក់ថា នៅពេលពលករខ្មែរត្រឡប់ពីប្រទេសថៃក្នុងឱកាសបុណ្យចូលឆ្នាំថ្មីប្រពៃណីឆ្នាំ២០២៤ ក្នុងនាមអាជ្ញាធរខេត្តបន្ទាយមានជ័យ និងមន្ត្រីនគរបាលអន្តោប្រវេសន៍បានធ្វើការសម្របសម្រួលជាមួយភាគីថៃច្រកខ្លងឡឹក ដើម្បីពលករខ្មែរចួលមកកម្ពុជា តាមច្រកអន្តរជាតិប៉ោយប៉ែតបានងាយស្រួល និងឆាប់ ។
ឯកឧត្តមបានបញ្ជាក់ថា ជាការឆ្លើយតបតាមសំណូមពររបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រៈរាជណាចក្រកម្ពុជា ដើម្បីសម្របសម្រួលដល់ការវិលត្រលប់មកស្រុកកំណើតរបស់ពលរដ្ឋកម្ពុជាអំឡុងពេលបុណ្យចូលឆ្នាំប្រពៃណីជាតិខាងមុខនេះ រាជរដ្ឋាភិបាលថៃតាមរយៈក្រសួងមហាផ្ទៃថៃបានអនុញ្ញាតលើកលែងតម្លៃសេវាអនុញ្ញាតចេញ-ចូល(Re-Entry Pemit)សម្រាប់បងប្អូនពលករកម្ពុជាដែលធ្វើដំណើរចេញ-ចូលប្រទេសថៃ ចាប់ពីថ្ងៃទី០១ ខែមេសា ដល់ថ្ងៃទី១៥ ឧសភា ឆ្នាំ២០២៤។
ឯកឧត្តម អ៊ុំ រាត្រី បានបញ្ជាក់ថា ការលើកលែងតម្លៃសេវានេះគឺសម្រាប់ពលករកម្ពុជាដែលមានលិខិតឆ្លងដែន និងលិខិតធ្វើដំណើរពលករកម្ពុជាទៅធ្វើការនៅបរទេស(TD)និងមានទិដ្ឋាការការងារ(Nom-immigration L-A Visa)ដែលមានសុពលភាពក្រោយថ្ងៃទី១៥ ខែឧសភា ឆ្នាំ២០២៤រួមទាំងកូនមានអាយុក្រោម១៨ឆ្នាំដែលទទួលបានការវាយត្រាប្រភេទអ្នកក្នុងបន្ទុក និងអនុញ្ញាតអោយស្នាក់នៅក្នុងប្រទេសថៃមានសុពលភាពក្រោយថ្ងៃទី១៥ ខែឧសភា ឆ្នាំ២០២៤៕
ចែករំលែកព័តមាននេះ