សត្វឈ្លូស១ក្បាល រត់ចូលភូមិ ត្រូវប្រជាពលរដ្ឋចាប់បាន (មានវីដេអូ)
- ព្រះសីហនុ
ខេត្តព្រះសីហនុ ៖ សត្វឈ្លូសមួយក្បាលទៀតហើយ បានររត់ចូលភូមិ ហើយត្រូវបានប្រជាពលរដ្ឋចាប់ ។
ខេត្តព្រះសីហនុ ៖ សត្វឈ្លូសមួយក្បាលទៀតហើយ បានររត់ចូលភូមិ ហើយត្រូវបានប្រជាពលរដ្ឋចាប់ ។
ខេត្តព្រះសីហនុ ៖ សត្វឈ្លូសមួយក្បាលទៀតហើយ បានររត់ចូលភូមិ ហើយត្រូវបានប្រជាពលរដ្ឋចាប់ ។
តាមលោកនាយប៉ុស្តិ៍រដ្ឋបាលឃុំសំរុងបានឱ្យដឹងថា កាលពីវេលាម៉ោងជិត៩ព្រឹកថ្ងៃទី២៨ ខែមីនា ឆ្នាំ២០២៤ មានឈ្លូសឈ្មោលមួយក្បាល បានរត់ចូលក្នុងភូមិប្រជាពលរដ្ឋរស់នៅ ជាភូមិក្បែរប្រជុំជនផ្សារវាលរេញ ហើយត្រូវបានប្រជាពលរដ្ឋឈ្មោះ សែត ប្រុស រស់នៅភូមិចុងអូរ ឃុំសំរុង ស្រុកព្រៃនប់ ចាប់បានយកមកប្រគល់ឱ្យសមត្ថកិច្ចប៉ុស្តិ៍នគរបាលឃុំសំរុង ។
ក្រោយពីទទួលបានសត្វឈ្លូសរួចមក នៅវេលាម៉ោងជាង១១ថ្ងៃដដែល កម្លាំងប៉ុស្តិ៍ មានការចូលរួមពីក្រុមប្រឹក្សាឃុំ និងប្រជាពលរដ្ឋដែលចាប់សត្វឈ្លួសបាន រួចក៏បានយកសត្វឈ្លូសនោះទៅកាន់វត្តសំរុង ឱ្យព្រះសង្ឈប្រោះព្រំទឹកមន្ត ហើយបានលែងចូលព្រៃនប់ ដែលជាព្រៃធម្មជាតិក្រោយវត្តសំរុងតែម្ដង ។
តាមលោកនាយប៉ុស្តិ៍បានដឹងបន្ថែមថា កាលពីថ្ងៃទី៧ មិថុនា ឆ្នាំ២០២៣ ក៏មានសត្វឈ្លូលឈ្មោលមួយក្បាលរត់ចេញពីព្រៃលើចូលមកក្នុងភូមិ ហើយក៏ត្រូវពលរដ្ឋចាប់បានប្រគល់ជូនអជ្ញាធរប៉ុស្តិ៍ ហើយក៏យកទៅលែងចូលព្រៃធម្មជាតិដូចគ្នា តែលែងទីតាំងផ្សេងគ្នា គឺលែងនៅក្រោយវត្តលើ ឃុំសំរុង ។
សូមបញ្ជាក់ថា ភូមិសំរុង ឃុំសំរុង មានផ្លូវជាតិលេខ៤ នៅចំកណ្ដាល(សំរុងលើ-សំរុងក្រោម) ហើយខាងក្រោយភូមិសំរុងលើ ជាតំបន់ព្រៃភ្នំធម្មជាតិ ដែលជាជម្រកសត្វផ្សេងៗរស់នៅផងដែរ ៕
ចែករំលែកព័តមាននេះ