ទើបទិញឡានបាន២ថ្ងៃ ជួបគ្រោះក្រឡា.ប់ ផ្អើលអ្នកភូមិជួយគា.ស់យកអ្នកបើកបរចេញពីឡាន
- ភ្នំពេញ
រាជធានីភ្នំពេញ ៖ បុរសម្នាក់បានបើករថយន្តមួយគ្រឿងម៉ាកកាមរីហាយប្រ៊ីដ គេចម៉ូតូក៏ជ្រុលធ្លាក់
រាជធានីភ្នំពេញ ៖ បុរសម្នាក់បានបើករថយន្តមួយគ្រឿងម៉ាកកាមរីហាយប្រ៊ីដ គេចម៉ូតូក៏ជ្រុលធ្លាក់
រាជធានីភ្នំពេញ ៖ បុរសម្នាក់បានបើករថយន្តមួយគ្រឿងម៉ាកកាមរីហាយប្រ៊ីដ គេចម៉ូតូក៏ជ្រុលធ្លាក់ផ្លូវ បុ.កនឹងបង្គោលភ្លើងបា.ក់ហើយក្រឡា.ប់រថយន្តផ្ងារជើងរងការខូចខាតយ៉ាងដំណំ កាលពីវេលាម៉ោង៨និង៣០នាទីយប់ថ្ងៃទី២៧ ខែមិនា ឆ្នាំ២០២៤ តាមបណ្ដោយផ្លូវសណ្ដរស្ទឹង ស្ថិតក្នុងភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនមុខពេលកើតហេតុ គេបានឃើញបុរសម្នាក់ បានបើករថយន្តមួយគ្រឿងម៉ាកកាមរីហាយប្រ៊ីដ ពណ៌ស ដែលរថយន្តទំនើបនេះទើបទិញបានរយៈពេល២ថ្ងៃតែប៉ុណ្ណោះ បានធ្វើដំណើរតាមបណ្ដោយសណ្ដរស្ទឹង ក្នុងទិសដៅពីកើតទៅលិច ក្នុងល្បឿនលឿន លុះមកដល់ចំណុចកើតហេតុដែលជាផ្លូវកោង ក៏ស្រាប់តែអ្នកបើកបរបានបួងចង្កូតគេចម៉ូតូមួយគ្រឿង ក៏រេចង្កូតឡើងមកខាងឆ្វេងដៃ ធ្លាក់ផ្លូវ ធ្វើឱ្យរថយន្តហោះទៅបុ.កបង្គោលភ្លើងថ្មយ៉ាងពេញទំហឹង បណ្ដាលឱ្យបាក់រលំបង្គោលភ្លើងអស់១ដើម និងធ្វើឱ្យរថយន្តក្រឡាប់ផ្ងារជើងរងការខូចខាតយ៉ាងដំណំ ហើយភ្លាមៗនោះអ្នកបើកបរត្រូវបានបងប្អូនប្រជាពលរដ្ឋជួយគាស់យកពីរថយន្ដ ដោយមានស្នាមរបួសក្បាលតិចតួច ត្រូវបានសាច់ញាតិដឹកយកទៅព្យាបាលរបួសនិងមន្ទីរពេទ្យផងដែរ ។
ក្រោយពេលកើតហេតុ នៅសល់តែរថយន្តដែលរងការខូចខាត រួមទាំងបង្គោលភ្លើង ត្រូវបានសមត្ថកិច្ចជំនាញបានចុះទៅធ្វើការស្ទូចយកទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដំណោះស្រាយនៅពេលក្រោយទៀត ៕
ចែករំលែកព័តមាននេះ