ខេត្តបន្ទាយមានជ័យ ៖ មានករណីរថយន្តស៊ីណា១គ្រឿងត្រូវបានរថយន្តឡិចស៊ីសពាក់ផ្លាកលេខរដ្ឋ បើកមកពាំងមុខពីមុខ តែត្រូវរថយន្តនោះបើកថយក្រោយគេចបន្ត បង្កឱ្យមានការភ្ញាក់ផ្អើលដល់អ្នកដំណើរតាមផ្លូវ កើតឡើងកាលពីយប់ថ្ងៃទី២៦ មីនា ឆ្នាំ២០២៤ ស្ថិតនៅតាមផ្លូវជាតិលេខ៥…
ខេត្តបន្ទាយមានជ័យ ៖ មានករណីរថយន្តស៊ីណា១គ្រឿងត្រូវបានរថយន្តឡិចស៊ីសពាក់ផ្លាកលេខរដ្ឋ បើកមកពាំងមុខពីមុខ តែត្រូវរថយន្តនោះបើកថយក្រោយគេចបន្ត បង្កឱ្យមានការភ្ញាក់ផ្អើលដល់អ្នកដំណើរតាមផ្លូវ កើតឡើងកាលពីយប់ថ្ងៃទី២៦ មីនា ឆ្នាំ២០២៤ ស្ថិតនៅតាមផ្លូវជាតិលេខ៥ ត្រង់ចំណុចផ្លូវបំបែកចូលវត្តចម្ការខ្នុរ ក្នុងភូមិ-សង្កាត់អូរអំបិល ក្រុងសិរីសោភ័ណ ។
បើតាមប្រជាពលរដ្ឋដែលឃើញហេតុការណ៍បានឱ្យដឹងថា ពេលឃើញរថយន្តម៉ាកស៊ីណា ពណ៌.សមួយគ្រឿងបើកក្នុងទិសដៅពីលិចមកកើត(អាចមកពីក្រុងប៉ោយប៉ែត ចូលមកក្រុងសិរីសោភ័ណ) ក្នុងល្បឿនលឿន ។ ទន្ទឹមនោះ ក៏ឃើញមានរថយន្តឡិចស៊ីស ពណ៌.ស ៣៣០១គ្រឿងទៀត ពាក់ផ្លាកលេខរដ្ឋ បានបើកដេញតាមហើយទាន់ក៏វ៉ាមកពាំងពីខាងមុខ ។
ប្រភពបន្តថា ភ្លាមនោះ ឃើញម្នាក់មានពាក់ឯកសណ្ឋានជាមន្ត្រីសមត្ថកិច្ច និងម្នាក់ទៀតជាស៊ីវិល បានចុះពីលើរថយន្តឡិចស៊ីសពាក់ផ្លាកលេខរដ្ឋ ទៅទាញរថយន្តស៊ីណានោះ តែមិនអាចធ្វើអីបាន ក៏ឃើញរថយន្តស៊ីណានោះបើកថយក្រោយបើកគេចបន្តទៅមុខទៀតទៅ ហើយរថយន្តឡិចស៊ីសបើកដេញតាមពីក្រោយទៀតក្នុងទិសដៅចូលក្នុងក្រុងសិរីសោភ័ណ ។
ប្រជាពលរដ្ឋម្នាក់ទៀតបញ្ជាក់ដែរថា ឃើញរថយន្តឡិចស៊ីសបើកដេញតាមរថយន្តស៊ីណាបែបនេះ ធ្វើឱ្យអ្នកដំណើរតាមដងផ្លូវ និងនៅក្បែរមានភ្ញាក់ផ្អើលហើយពោលពាក្យថា «ធ្លាប់តែឃើញក្នុងភាពយន្ត តែពេលនេះឃើញជាក់ស្តែងដូចភាពរឿងកុនអ៊ីចឹង» ។
តាមការសន្និដ្ឋានពីប្រជាពលរដ្ឋថា អាចជាមន្ត្រីជំនាញស្ថាប័នណាមួយបើកដេញចាប់រថយន្តស៊ីណាដឹកទំនិញគេចពន្ធ ឬគ្មានច្បាប់ណាមួយ ទើបបើកគេចសមត្ថកិច្ចដែលដេញតាមចាប់ តែបើកគេចរួចទៀត ពេលឃើញសមត្ថកិច្ចកំពុងបើករថយន្តដេញតាមចាប់ ។
ចែករំលែកព័តមាននេះ