រាជធានីភ្នំពេញ ៖ នារី២នាក់បានឈ្លោះប្រកែកគ្នាក្នុងក្លិបហើយបានបបួលគ្នាមកវា.យនៅខាងក្រៅក្លិបធ្វើឲ្យផ្អើលដល់សមត្ថកិច្ចជួយអន្តរាគមន៍ភ្លាមៗ ដែលហេតុការបង្កឲ្យមានការភ្ញាក់ផ្អើលនេះកាលពីវេលាម៉ោង១រំលងអធ្រាត្រ ឈានចូលថ្ងៃទី២៧ ខែមីនា ឆ្នាំ២០២៤នៅតាមបណ្តោយផ្លូវ១៩៨៦ នៅទល់មុខក្លិបហ្គោលឡាញ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមប្រភពពត៌មានពីភាគីរងរបួសម្នាក់បាននិយាយប្រាប់ថា នៅមុនពេលកើតហេតុ គាត់បានចូលលេងក្លិបខាងលើជាមួយសង្សារគាត់ ព្រមទាំងមិត្តភក្ដិសង្សារគាត់ផងដែរ លុះបន្ទាប់មកសង្សារគាត់បានចូលបន្ទប់ទឹក ដោយភាគីម្ខាងទៀតមានគ្នា៥នាក់បានកៀកស្មា ហើយឌឺដងដាក់គាត់បបួលគាត់វា.យមួយស្មើ ក៏បាននាំគ្នាចេញពីក្លិបមកវា.យនៅខាងក្រៅទៅវិញទៅមក បណ្តាលឲ្យផ្អើលពេញក្លិប និងទាក់ទងទៅកម្លាំងសមត្ថកិច្ចនគរបាលប៉ុស្តិ៍បានមកទីតាំងកន្លែងកើតហេតុភ្លាមៗ ។
ចំណែកកម្លាំងសមត្ថកិច្ចនគរបាលប៉ុស្តិ៍ពេលមកដល់ ភាគីទាំងសង្ខាងបានវា.យគ្នាមួយប្រាវរួចមកហើយ ដោយរងរបួសស្រាលរៀងៗខ្លួន ។
ក្រោយពេលកើតហេតុភាគីទាំងសង្ខាងមិនប្តឹងផ្តល់ដោយចង់សងសឹកថ្ងៃក្រោយ ហើយកម្លាំងសមត្ថកិច្ចបានអោយពួកគាត់បែកផ្លូវគ្នាបាត់អស់ទៅ ៕
ចែករំលែកព័តមាននេះ