ADផ្ទាំងផ្សព្វផ្សាយពាណិជ្ជកម្ម

Picture

សិស្សសាលា​ម្នាក់​របួសធ្ងន់ ដោយសារ​ជិះ​ម៉ូតូ​បំពាន​ភ្លើងស្តុប ជ្រុល​ទៅ​បុក​រ៉ឺ​ម៉ក​ម៉ូតូ​ដឹក​កូន​ឈើ

2 ខែ មុន

រាជធានី​ភ្នំពេញ ៖ យុវ​សិស្ស មិន​ស្គាល់​អត្តសញ្ញាណ​ម្នាក់ បាន​ជិះ​ម៉ូតូ​១​គ្រឿង បំពាន​ភ្លើងស្តុប​ក្រហម ក៏​បាន​ជ្រុល​ទៅ​បុក​ចំ​ទទឹង​ម៉ូតូ​សណ្តោង​រ៉ឺ​ម៉ក​ដឹក​កូន​ឈើ ១​គ្រឿង បណ្តាល​ឱ្យ​ងរ​បួស​ធ្ងន់ធ្ងរ​។ បន្ទាប់​មក…

រាជធានី​ភ្នំពេញ ៖ យុវ​សិស្ស មិន​ស្គាល់​អត្តសញ្ញាណ​ម្នាក់ បាន​ជិះ​ម៉ូតូ​១​គ្រឿង បំពាន​ភ្លើងស្តុប​ក្រហម ក៏​បាន​ជ្រុល​ទៅ​បុក​ចំ​ទទឹង​ម៉ូតូ​សណ្តោង​រ៉ឺ​ម៉ក​ដឹក​កូន​ឈើ ១​គ្រឿង បណ្តាល​ឱ្យ​ងរ​បួស​ធ្ងន់ធ្ងរ​។ បន្ទាប់​មក ត្រូវ​បាន​ក្រុម​សង្គ្រោះ​របស់​អង្គភាព​៧១១ យក​រថយន្ត​ទៅ​ដឹក​បញ្ជូន​ទៅ​សង្គ្រោះ​បន្ទាន់​នៅ​ឯ​មន្ទីរពេទ្យ​ព្រះ​កុសុមៈ ចំណែក​ម៉ូតូ​របស់​ជន​រង​គ្រោះ​ក៏​បាន​រង​ការ​ខូចខាត​យ៉ាងដំណំ​ផង​ដែរ ។

ឧប្បត្តិ​ហេតុនេះ បាន​កើតឡើង​កាលពី​វេលា​ម៉ោង​១១​ព្រឹក​ថ្ងៃ​ទី​២៦ ខែ​មិ​នា ឆ្នាំ​២០២៤ នៅ​លើ​ផ្លូវជាតិ​លេខ​៤ ត្រង់​ចំណុច​ភ្លើងស្តុប​ក្រោម​ស្ពាន​អាកាស​ផ្លូវ​ក្រវាត់ក្រុង​ទី​៣ ស្ថិត​នៅ​ក្នុងភូមិ​ជម្ពូ​វ័ន​២ សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

អ្នក​ឃើញ​ហេតុការណ៍ បាន​ប្រាប់​ឲ្យ​ដឹង​ថា នៅ​មុន​ពេល​កើតហេតុ គាត់​បានឃើញ​យុវ​សិស្ស​រូប​នោះ ជិះ​ម៉ូតូ​ម៉ាក​ហុងដា​ប៊ីត ១​គ្រឿង ព​ណ៍​សលាយ​ខៀវ ពាក់​ស្លាក​លេខ​ភ្នំពេញ 1JE-8082 ធ្វើ​ដំណើរ​តាម​ផ្លូវជាតិ​លេខ​៤ ក្នុង​ទិស​ដៅ​ពី​កើត​ទៅ​លិច លុះ​ពេល​ទៅ​ដល់​ត្រង់​ចំណុច​កើតហេតុ ភ្លើងស្តុប​បាន​លោត​ព​ណ៍​ក្រហម ប៉ុន្តែ​យុវ​សិស្ស​រង​គ្រោះ ពុំ​បាន​ឈប់​សិន​នោះ​ទេ ។

ប្រភព​ដដែល បាន​ប្រាប់​ឲ្យ​ដឹង​បន្ត​ទៀត​ថា ខណៈនោះ នៅ​តែ​ជិះ​បន្តដំណើរ​ទៅ​មុខ ទាំង​បំពាន​ភ្លើងស្តុប មិន​គោរព​ច្បាប់​ចរាចរណ៍​សោះ ហើយ​ក៏​ជ្រុល​ទៅ​បុក​ចំ​ទទឹង​កន្ទុយ​រ៉ឺ​ម៉ក នៃ​ម៉ូតូ​សណ្តោង​រ៉ឺ​ម៉ក​ដឹក​កូន​ឈើ ១​គ្រឿង ដែល​កំពុង​ធ្វើ​ដំណើរ​ចេញពី​ផ្លូវ​ក្រ​វ៉ា​ត់​ក្រុង​ទី​៣ ក្នុង​ទិស​ដៅ​ពី​ត្បូង​ទៅ​ជើង បណ្តាល​អោយ​សិស្សសាលា​រូប​នោះ រង​របួស​ធ្ងន់ធ្ងរ ហើយ​ក្រោយ​ពេល​កើតហេតុ ត្រូវ​បាន​រថយន្ត​សង្គ្រោះ​របស់​អង្គភាព​៧១១ ដឹក​យក​ទៅ​សង្គ្រោះ​នៅ​មន្ទី​ពេទ្យ​ព្រះ​កុសុមៈ ។

ក្រោយ​កើតហេតុ នគរបាល​ខណ្ឌ​ពោធិ៍​សែន​ជ័យ បាន​ចុះ​ទៅ​វាស់វែង រួច​នាំ​យក​ម៉ូតូ និង​ម៉ូតូ​សណ្តោង​រ៉ី​ម៉ ទៅ​រក្សារ​ទុក​រង​ចាំ​ធ្វើការ​ដោះស្រាយ​គ្នា​នៅ​ពេល​ក្រោយ ៕

អត្ថបទសរសេរ ដោយ