រាជធានីភ្នំពេញ ៖ នៅពេលនិយាយដល់ការដឹងគុណ អ្នកមានគុណយើងនឹងនឹកដល់ពាក្យ កតញ្ញុតា ដែលមានន័យថា សេចក្ដីដឹងឧបការគុណដែលអ្នកដទៃបានធ្វើដល់ខ្លួន ។ ពោល គឺបុត្រធីតាត្រូវមានកតញ្ញុតាចំពោះមាតាបិតា ។
តួយ៉ាងក្មេងប្រុសមួយរូបដែលកំពុងស្ថិតនៅក្នុងវ័យសិក្សា ក្រេបចំណេះវិជ្ជា តែប្អូនបែរជាស្ពាយនំនិងឥវ៉ាន់យ៉ាងច្រើនដើរលក់ ដើម្បីរកប្រាក់ចិញ្ចឹមម្តាយដែលជាជនពិការ និងផ្គត់ផ្គង់ប្អូនៗប្រុសស្រីដល់ទៅ៤នាក់ទៀតផង ។
ប្រាកដណាស់ មហាជនជាច្រើនបានសម្តែងនូវក្តីអាណិតអាសូរ និងស្ងើចសរសើរក្មេងប្រុសរូបនេះ ខណៈបងប្អូនខ្លះក៏អាចនឹងស្រក់ទឹកភ្នែកដោយមិនដឹងខ្លួន ពេលឃើញក្មេងប្រុសម្នាក់លក់នំទាំងកណ្តាលរាត្រី រកលុយជួយដល់ម្តាយពិការ និងប្អូនៗមើលហើយសែនអាណិតហួសថ្លែងរកពាក្យអ្វីមកបរិយាយពុំបាន ។
ជាការពិតណាស់ ជីវិតជាបងប្រុសច្បងក្នុងគ្រួសារអាចថា មិនងាយស្រួលនោះឡើយ ។ ដ្បិតអីយុវជនរូបនេះ មានតួនាទីជាកូនច្បង គឺត្រូវរ៉ាប់រងការងារគ្រប់យ៉ាងខណៈម្តាយក៏មានជំងឺ និងជាជនមានពិការភាព ដូច្នេះក្នុងនាមជាកូនច្បង ក្មេងប្រុសរូបនេះបាន និងកំពុងដើរតួនាទីជាបងប្រុសផង ជាឪពុកផង ដើម្បីរកលុយជួយប្អូនៗមានអាហារហូបចុក និងសម្លៀកបំពាកសមរម្យ ។
រូបភាពក្មេងប្រុសដែលជាកូនច្បងក្នុងគ្រួសារក្រីក្រមួយនេះ គឺក្មេងប្រុសរូបនេះពិតជា ស្ពាយអំរែកដ៏ធំ ស៊ូលះបង់គ្រប់បែបយ៉ាងសំខាន់អោយតែម៉ែ និងប្អូនៗបានសុខនោះ ។ មែនទែនទៅ ពាក្យថាបងនៅក្នុងគ្រួសារខ្លះ ដែលអស់ពីម្តាយឪពុកទៅនោះ មានតែបងនេះហើ ដែលតែងមើលថែប្អូន ធ្វើខ្លួនជាម្តាយផង ជាឪពុកផង ដូច្នេះត្រង់ចំណុចនេះប្រហាក់ប្រហែលនឹងប្អូនរូបនេះដែរ ដែលខិតខំប្រឹងប្រែង ដើម្បីម្តាយជាស្ត្រីពិការជាទីស្រឡាញ់ និងជួយប្អូនតូចៗបណ្តូលចិត្ត ។
តើបងប្អូនយល់យ៉ាងណាដែរ? ដោយជីវិតរបស់ប្អូនពិតជាកម្សត់ពិបាកថ្លែងអាចនឹងស្រក់ទឹកភ្នែកដោយមិដឹងខ្លួន ពេលបានដឹងជីវិតពិតរបស់ប្អូន ។
គួរបញ្ជាក់ដែរ ប្អូនប្រុសរូបនេះប្អូនលក់នំនែក ទឹក និងរបស់ផ្សេងៗពេញមួយថ្ងៃនៅមុខរោងចក្រផងតាមចិញ្ចឹមផ្លូវផង មិនបានរៀនសូត្រ ខណៈគ្រួសារខ្លួនខ្វះខាតផងដែរនោះ ។ តាមរយៈបទបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាពដោយបងស្រី ម៉ាណែត ដែលជាបានស្គាល់ប្អូនបានប្រាប់ថា គ្រួសារប្អូនពិតជាខ្វះខាតខ្លាំងណាស់ រកមួយថ្ងៃរស់មួយថ្ងៃ ម្តាយប្អូនជាស្ត្រីពិការ ឪពុកប្អូនចាស់ធ្វើអ្វីមិនកើត ជីដូនក៏មានអាយុច្រើន ចំណែកប្អូនៗក៏នៅតូច ដូច្នេះមានតែប្អូនដែលជាទំនុកមប្រុងគ្រួសារមួយនេះ ។
គ្រួសាររបស់ប្អូនប្រុសដែលលក់នំរូបនេះ មិនមានអ្វីជាទីពឹងនោះឡើយ មានតែប្អូនម្នាក់គត់ដែលជួយដល់គ្រួសារ ថ្ងៃណាលក់ដាច់ អាចមានបាយហូបទៅថ្ងៃណាអត់មានត្រឹមពងទារពីរគ្រាប់ហូបជុំគ្នា៨នាក់ ពេលខ្លះក៏បបរហូបទៅធ្វើម្តេចបើខ្វះខាតនោះ ។ ចំណែកប្អូនៗរបស់ប្អូនប្រុសរូបនេះ មានប្អូនស្រីម្នាក់បានរៀន និងប្អូនៗបីនាក់ទៀតបានរៀនឡើយ ហើយក៏នៅតូចៗផងនោះ ដូច្នេះមានតែចាំមើលផ្លូវបងមកពីលក់វិញ លក់ដាច់ ឬអត់បានច្រើន ឬអត់ ។
ប្អូនប្រុសលក់នំមានរបស់សំពាយស្ពាយមុខក្រោយនេះ ប្អូនតែងលក់នៅរោងចក្របន្ទាយលង្វែក ទឹកហ្វុក នាទឹកដីខេត្តកំពង់ឆ្នាំង ប្អូនលក់បានមួយថ្ងៃ១ម៉ឺនរៀន ឬ២ម៉ឺនរៀល ជាលើសពីនេះតិចតួចទៅហើយថ្ងៃណាលក់ដាច់ ឬមិនដាច់ជាក់ស្តែង ។ បើងាកមកផ្ទះរបស់ប្អូនវិញ គឺប្រក់ស័ង្កសីតូចប៉ុណ្ណោះ និងមានកូនអំពូលតូចមួយ ពេលខ្លះក៏លក់ដល់យប់ជ្រៅនោះ ក្នុងនាមជាម្តាយស្ត្រីមានពិការធ្វើអ្វីមិនបានមានតែចាំផ្លូវកូន ទន្ទឹងផ្លូវកូនជាមួយបងប្អូនប្រុសស្រីនោះ នេះហើយជាជីវិតជាប អោយម្តាយសុខជា ប្អូនសុខា ទោះអំរែកធ្ងន់ធំប៉ុណ្ណាក៏ស៊ូបាន ។
គួរបញ្ជាក់ដែរថា ជីវិតពិតរបស់ប្អូន គឺបែបនេះ ប្អូនមិនបានរៀនសូត្រនោះទេ ដៃម្ខាងរកលុយដៃម្ខាងមើលថែម្តាយ និងប្អូនៗទោះមិនបានលុយកាក់ច្រើន តែប្អូនប្រុសរូបនេះអាចចិញ្ចឹមមនុស្សមួយគ្រួសារបាន ។ តើបងប្អូនយល់យ៉ាងណាចំពោះក្មេងប្រុសរូបនេះ? ដោយ៖លីហួ គីមឆាយ
ចែករំលែកព័តមាននេះ