ស្រីយ៉ា ជានារីកក់សក់ ម៉ាស្សាមុខ នៅហាងកាត់សក់បុរសមួយកន្លែងលើផ្លូវជាតិលេខ៦អា ។ នាងបាននិយាយថា នៅពេលសេដ្ឋកិច្ចលំបាក ការរកប្រាក់ពីការកក់សក់មិនសូវបាននោះឡើយ ។ ដូច្នេះនាងដាច់ចិត្តចេញទៅដេកជាមួយភ្ញៀវ…
ស្រីយ៉ា ជានារីកក់សក់ ម៉ាស្សាមុខ នៅហាងកាត់សក់បុរសមួយកន្លែងលើផ្លូវជាតិលេខ៦អា ។ នាងបាននិយាយថា នៅពេលសេដ្ឋកិច្ចលំបាក ការរកប្រាក់ពីការកក់សក់មិនសូវបាននោះឡើយ ។ ដូច្នេះនាងដាច់ចិត្តចេញទៅដេកជាមួយភ្ញៀវ ដើម្បីបានប្រាក់បន្ថែមផ្គត់ផ្គង់ការរស់នៅរបស់ខ្លួននៅក្នុងទីក្រុង ។
ស្រីយ៉ា ដែលមានវ័យ២២ឆ្នាំ និយាយថា ស្ថានភាពរកប្រាក់របស់នាងនៅពេលនេះ មានការលំបាកខ្លាំង ជាងកាលសម័យកូវីដ១៩ ទៅទៀត ។ កាលសម័យកូវីដរាតត្បាតខ្លាំងដែលមិនមានមនុស្សចេញដើរហើរខាងក្រៅតែម្តងនោះ គឺនាងបានទៅរស់នៅឯស្រុកកំណើតជាង១ឆ្នាំ ។ នៅស្រុកកំណើត ទោះបីគ្មានចំណូលក៏មិនខ្វល់ពីការចំណាយ ពីព្រោះការនៅស្រុកកំណើតនាងមិនត្រូវបង់ថ្លៃផ្ទះជួល ទឹក ភ្លើង និងការហូបចុកប្រចាំថ្ងៃ ។ ប៉ុន្តែបច្ចុប្បន្ននាងត្រូវការចំណាយ ដូច្នេះបើមួយខែមិនអាចរកប្រាក់បានពី៣០០ទៅ៥០០ដុល្លារនោះទេ ពិបាក និងរស់នៅក្នុងទីក្រុងណាស់ ។
នៅក្នុងការប្រកបរបរចិញ្ចឹមជីវិត ស្រីយ៉ា បានជួលបន្ទប់ស្នាក់នៅត្រើយខាងលិច រាជធានីភ្នំពេញ ម្តុំជ្រោយចង្វា ដែលជាកន្លែងប្រមូលផ្តុំដោយហាងផឹកស៊ី និងកន្លែងលំហែកាយ ប្របតាមដងទន្លេមេគង្គ និងទន្លេសាប ។ នៅទីនោះមាននារីប្រកបរបរសេវាកម្សាន្តជាច្រើន បានរស់នៅប្រមូលផ្តុំគ្នា ។ អ្នកខ្លះធ្វើការងារនៅជិតៗកន្លែងស្នាក់នៅ និងអ្នកខ្លះទៀតត្រូវធ្វើដំណើរចូលមកទីក្រុងភ្នំពេញ ។ នៅទីនោះ មាននារីខ្លះចេញទៅរកទទួលទានតែពេលរាត្រី ខ្លះទៀតពេលថ្ងៃប្រកបរបរលក់ដូរបន្តិចបន្តិចនៅផ្ទះ និងអ្នកខ្លះទៀតធ្វើក្រចកផាត់មុខ នារីផងដែរ ។
ផលលំបាកមិនមែនមានតែស្រីយ៉ានោះទេ ។ នារីដែលមានរាងស្តើង រូបនេះបញ្ជាក់ថា «មិត្តភក្តិខ្ញុំក៏គេសុខចិត្តទៅកំដរភ្ញៀវដែរ ឱ្យតែបានប្រាក់មកចិញ្ចឹមជីវិត ។ យើងត្រូវការចំណាយផ្ទះជួលហូបចុក និងអាហារ ដែលមិនក្រោម២០០ដុល្លារឡើយក្នុងមួយខែៗ» ។
នារីបម្រើសេវាកន្សាន្តសប្បាយមួយនេះ អះអាងថា នាងអាចរកប្រាក់ពីពី៥០ទៅ១៥០ដុល្លារ នៅពេល ទៅដេកជាមួយភ្ញៀវម្នាក់ អាស្រ័យលើការតថ្លៃគ្នា ។ នាងបាននិយាយថា នៅពេលមានភ្ញៀវ បើភ្ញៀវមិន ពេញចិត្តជាមួយនាង ។ នាងមានមិត្តភក្តិនៅផ្សេងទៀតណែនាំទៅភ្ញៀវ ។
រូបមន្តជួយរកម៉ូយឱ្យគ្នានេះ មិត្តភក្តិស្រីយ៉ាក៏ជួយមកស្រីយ៉ាវិញដែរ ។ នៅពេលខាងពួកគេ (មិត្តភក្តិ)មានភ្ញៀវនោះ ។ យើងមានរូបថតបង្ហាញទៅភ្ញៀវ បើមិនត្រូវមួយនេះ យើងមានមួយទៀតបង្ហាញ ។ ធ្វើដូច្នេះយើងអាចរកប្រាក់បានទាំងអស់គ្នា ។ ស្រីយ៉ានិយាយទាំងអស់សំណើច ។ «កាលពីមុខអតិថជនមកកក់សក់មានច្រើននាក់ក្នុងមួយថ្ងៃៗ ។ ហើយពួកគាត់ដៃទូលាយទៀតឱ្យប្រាក់ ធីប ពួកខ្ញុំពី៥ទៅ២០ដុល្លារ នៅពេលកក់សក់ កាត់ក្រចក ឱ្យពួកគាត់ម្តងៗ ។ ប៉ុន្តែឥឡូវ ពួកគាត់មកតែកាត់សក់ កម្រកក់សក់ និងកាត់ក្រចក ដូចពេលមុនណាស់ ។ ពួកគាត់ថា គ្មានប្រាក់ដូច្នេះសុខចិត្តកក់សក់នៅផ្ទះ ដែលធ្វើឱ្យពួកខ្ញុំថ្ងៃខ្លះមិនអាចទទួលបានប្រាក់សូម្បីមួយដុល្លារ ។ នេះជាមូលហេតុដែលនាំឱ្យនារីប្រកបរបរសេវាកម្មកម្សាន្តរូបនេះបង្ខំចិត្តលក់ខ្លួន» ។
តាមការសាកសួរមានស្ត្រីកម្ពុជាបានប្រឡូកនឹងមុខរបរផ្លូវភេទនេះ តាមរបៀបលាក់ខ្លួន ។ ពោលពួកគេ ជាមនុស្សចល័តតាមហាង ដោយយោងតាមការទំនាក់ទំនងជាមួយមេការនៅតាមហាងនានា ។ ពេលមានភ្ញៀវរកស្រីស្អាតអង្គុយ មេការតាមហាងនឹងទំនាក់ទំនងរកនារីចល័តទាំងនោះ ដើម្បីមកអង្គុយហូបអាហារ និងផឹកជាមួយភ្ញៀវ ។ ប៉ុន្តែពួកនាងនាងមិនយកប្រាក់ខែពីហាងទេ ។ នាងនាងរកចំណូលពីការអោយធីបពីភ្ញៀវ ឬការរួមដំណេកជាមួយភ្ញៀវ នៅពេលដែលមានការនិយាយត្រូវរ៉ូវគ្នា ៕ ដោយ សារ៉ាន់
ចែករំលែកព័តមាននេះ