រាជធានីភ្នំពេញ ៖ បងប្អូនធ្លាប់ឮជំនឿមួយដែលគេហាមទិញរបស់មួយ ចំនួននេះជូន គូស្នេហ៍យើងអត់? ព្រោះជាសញ្ញាធ្វើឱ្យយើងបែកបាក់នៅក្នុងពេលខាងមុខ ។ ប្រហែលជាមានបងប្អូនមួយចំនួនគាត់ជឿ និងមួយចំនួនទៀតអត់ជឿទេ ។…
រាជធានីភ្នំពេញ ៖ បងប្អូនធ្លាប់ឮជំនឿមួយដែលគេហាមទិញរបស់មួយ ចំនួននេះជូន គូស្នេហ៍យើងអត់? ព្រោះជាសញ្ញាធ្វើឱ្យយើងបែកបាក់នៅក្នុងពេលខាងមុខ ។ ប្រហែលជាមានបងប្អូនមួយចំនួនគាត់ជឿ និងមួយចំនួនទៀតអត់ជឿទេ ។
អ្នកគ្រូលី ពុទ្ធា ជាគ្រូទស្សន៍ទាយលើបណ្តាញសង្គម បានបកស្រាយ និងលើក យក របស់ទាំងអស់នោះមកបញ្ជាក់ជូនបងប្អូន ហើយបងប្អូនណាដែលធ្លាប់ជួប ហើយពិតជា បែកបាក់មែនឬ
អត់?
របស់ទី១ដែលគេហាមទិញជូនគូស្នេហ៍នោះ គឺស្បែកជើង គេថាស្បែកជើង គឺតំណាង អោយការចាកចេញ។ អញ្ចឹងបើយើងទិញស្បែកជើងជូនគូស្នេហ៍របស់យើង ហាក់ដូចជា ជូនដំណើរគេឱ្យចាកចេញពីយើងទៅរកអ្នកថ្មី ។ នេះជំនឿទីមួយ ។
របស់ទី២នោះ គឺនាឡិកា ធម្មតាគេអត់អោយជូននាឡិកាទៅកាន់គូស្នេហ៍ទេ ព្រោះនៅ ពេលដែលនាឡិកានោះវាលែងដើរ ឬក៏វាអស់ថ្មលែងដើរ គឺវេលានៃក្តីស្រឡាញ់ ក៏អស់ ត្រឹមប៉ុណ្ណឹងដែរ ។ ក្នុងការជឿជាក់ គេជឿអញ្ចឹង ។
របស់ទី៣នោះ គឺរបស់ប្រភេទកែវ ឬកញ្ចក់ ឧទាហរណ៍ដូចជារូបបេះដូងគូស្នេហ៍ ដូចជា កែវកញ្ចក់ណាមួយដែលគេធ្វើជាលក្ខណៈស្វីតៗ ទិញជូនគូស្នេហ៍យើ គេថាប្រសិនបើរបស់ទាំងអស់នឹងវាបែក គឺនឹងធ្វើឱ្យទំនាក់ទំនងរបស់យើងប្រះស្រាំបែកបាក់ គ្នានៅ ក្នុងពេលអនាគត ។
របស់ទី៤នោះ គឺកន្លាស់អាវ ចំពោះមនុស្សប្រុសវិញ ប្រសិនជាជូនកន្លាស់អាវដល់មនុស្សស្រី គេថារបស់នឹង ក៏ញ៉ាំងឱ្យបែកបាក់ដែរ ។ ការជូនកន្លាស់អាវ ជាសញ្ញា បង្ហាញថាឈឺចុកចាប់ ពើតផ្សារដោយការបែកបាក់គ្នា ព្រាត់ប្រាស់គ្នា ឬក៏ចាក់ដោត នៅក្នុងទ្រូង ។ នេះជាជំនឿមួយដែលគេលើកឡើង ។
ទី៥ គឺទឹកអប់ គេថាទឹកអប់ក៏មិនគួរជូនគូស្នេហ៍ដែរ ព្រោះទឹកអប់នេះគឺ វាឆាប់អស់ក្លិន អញ្ចឹងធ្វើឱ្យស្នេហាឆាប់បាត់បង់សម្រស់ ឆាប់បាត់បង់ភាពផ្អែមល្ហែម និងហើរទៅ តាមក្លិនដូចទឹកអប់អញ្ចឹងទៅ ។
ចំពោះបងប្អូនយល់យ៉ាងណាដែរថា របស់ទាំងអស់នេះពិតជាមិនគួរទិញជូន គូស្នេហ៍យើងទេ មែនឬអត់?
ប្រសិនជាមាននិស្ស័យជាគូនឹងគ្នា ច្បាស់ណាស់ទោះបីជាមានឧបសគ្គប៉ុណ្ណាក៏មិន អាចបំបែកបានដែរ មិនមែនវត្ថុដែលជាអំណោយទាំងអស់នោះ សុទ្ធតែអាចអោយ យើងបែកបាក់បានឡើយ ៕ (ដោយ៖ធីតា)
ចែករំលែកព័តមាននេះ