ជំងឺប្រពន្ធធ្វើទុក្ខតាមផ្លូវ ប្តីស្រវាចាប់ទាញលើកប្រពន្ធទាំងកំពុងបើកបរ រេចង្កូតបុ.ករះផ្អើល
- ភ្នំពេញ
រាជធានីភ្នំពេញ ៖ បុរសចំណាស់ម្នាក់បានបើករថយន្តម៉ាកតូយ៉ូតា ព្រូស១គ្រឿង ដឹកប្រពន្ធដែល
រាជធានីភ្នំពេញ ៖ បុរសចំណាស់ម្នាក់បានបើករថយន្តម៉ាកតូយ៉ូតា ព្រូស១គ្រឿង ដឹកប្រពន្ធដែល
រាជធានីភ្នំពេញ ៖ បុរសចំណាស់ម្នាក់បានបើករថយន្តម៉ាកព្រូស១គ្រឿង ដឹកប្រពន្ធដែលមានជំងឺចេញពីមន្ទីរពេទ្យត្រឡប់ទៅផ្ទះ លុះពេលទៅដល់ពាក់កណ្ដាលផ្លូវ ស្រាប់តែជំងឺប្រពន្ធរបស់គាត់ធ្វើទុក្ខខ្លាំង ។ ដោយសារតែភ័យនឹងប្រពន្ធខ្លាំងពេក ភ្លេចថាខ្លួនកំពុងបើករថយន្ត ហើយគាត់បានស្រវាចាប់ទាញលើកប្រពន្ធ ជាហេតុធ្វើឱ្យរថយន្តរេចង្កូតបុកម៉ូតូម៉ាកហុងដាធូដេ១គ្រឿង និងម៉ូតូសណ្ដោងរទេះលក់ប្រហិតចៀននិងភ្លៅមាន់ ស្លាបមាន់បំពង១គ្រឿង បណ្ដាលឱ្យស្ត្រីម្នាក់និងបុរសម្នាក់រងរបួសធ្ងន់ធ្ងរ ។
ឧប្បត្តិហេតុហេតុខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង២និង៣៥នាទីរសៀលថ្ងៃទី៤ ខែមិនា ឆ្នាំ២០២៤ នៅតាមផ្លូវបេតុងស្ថិតនៅក្នុងភូមិចម្ការឪឡឹក សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
អ្នកដឹងហេតុការណ៍បាននិយាយថា នៅមុនពេលកើតហេតុ មានបុរសវ័យចំណាស់ម្នាក់ បានបើកបររថយន្ត១គ្រឿងម៉ាកតូយ៉ូតាព្រូស ពណ៍ទឹកសមុទ្រ ពាក់ស្លាកលេខ ភ្នំពេញ 2BE-2418 ក្នុងទិសដៅពីកើតទៅលិច ដោយគាត់បានដឹកប្រពន្ធរបស់គាត់ដែលមានជំងឺចេញពីមន្ទីរពេទ្យត្រឡប់ទៅផ្ទះនៅក្នុងបុរីពិភពថ្មីឈូកវ៉ា២ ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
តាមប្រភពដែលបានប្រាប់ឱ្យដឹងបន្តទៀតថា ពេលទៅដល់ត្រង់ចំណុចកើតហេតុខាងលើ ស្រាប់តែអាការៈជំងឺប្រពន្ធរបស់គាត់បានធ្វើទុក្ខខ្លាំង ជាហេតុធ្វើឱ្យបុរសខាងលើភិតភ័យតក់ស្លុតយ៉ាងខ្លាំង រហូតភ្លេចថាខ្លួនគាត់កំពុងតែបើកបររថយន្ត ។ ភ្លាមៗនោះគាត់បានស្រវាឈោងចាប់ទាញលើកប្រពន្ធទាំងកំពុងបើកបរ ជាហេតុធ្វើឱ្យរថយន្តរេចង្កូតជ្រុលទៅបុកស្ត្រីម្នាក់កំពុងជិះម៉ូតម៉ាកហុងដាធូដេ១គ្រឿងយ៉ាងពេញទំហឹង ។
តាមប្រភពខាងលើបានបញ្ជាក់ប្រាប់បន្ថែមទៀតថា ខណៈនោះបានបណ្ដាលឱ្យស្ត្រីអ្នកជិះម៉ូតូម៉ាកហុងដាធូដេរងរបួសធ្ងន់បាក់ភ្លៅ ហើយរថយន្តនេះក៏បានជ្រុលបន្តទៅបុកម៉ូតូសណ្ដោងរទេះលក់ប្រហិតចៀន ភ្លៅមាន់និងស្លាបមាន់បំពងដែលកំពុងឈប់លក់នៅលើចិញ្ចើមផ្លូវទៀត ។ បណ្ដាលឱ្យបុរសអ្នកលក់រងរបួសរលាកខ្លាញ់ធ្ងន់ធ្ងរ បន្ទាប់មកជនរងគ្រោះ២នាក់នេះ ត្រូវបានបញ្ជូនទៅសង្រ្គោះបន្ទាន់ភ្លាមៗ ។
ចំណែកបុរសចំណាស់អ្នកបើកបររថយន្តខាងលើបានសុំការអនុញ្ញាតពីនគរបាលនាំយកប្រពន្ធត្រឡប់ទៅកាន់មន្ទីរពេទ្យវិញដែរ និងសន្យាចូលខ្លួនធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ