រាជធានីភ្នំពេញ ៖ នៅប៉ុន្មានថ្ងៃនេះ កំពុងមានការស៊ែរចែករំលែកនូវវីដេអូមួយ ពាក់ព័ន្ធករណីរថយន្តរបស់សាលាខណ្ឌដូនពេញបានស្ទូចយកស៊ីក្លូដាក់លើឡាន ដែលវីដេអូបានធ្វើឱ្យអារម្មណ៍របស់មហាជនឃើញហើយផ្ទុះប្រតិកម្មនិងឆ្ងល់ជាខ្លាំង ដោយខ្លះបញ្ចេញមតិមិនពេញចិត្ត ហើយខ្លះទៀត បានចោទជាសំណួរយ៉ាងចាក់ដោតផងដែរ ។…
រាជធានីភ្នំពេញ ៖ នៅប៉ុន្មានថ្ងៃនេះ កំពុងមានការស៊ែរចែករំលែកនូវវីដេអូមួយ ពាក់ព័ន្ធករណីរថយន្តរបស់សាលាខណ្ឌដូនពេញបានស្ទូចយកស៊ីក្លូដាក់លើឡាន ដែលវីដេអូបានធ្វើឱ្យអារម្មណ៍របស់មហាជនឃើញហើយផ្ទុះប្រតិកម្មនិងឆ្ងល់ជាខ្លាំង ដោយខ្លះបញ្ចេញមតិមិនពេញចិត្ត ហើយខ្លះទៀត បានចោទជាសំណួរយ៉ាងចាក់ដោតផងដែរ ។
ទន្ទឹមនេះដែរ ក្រោយរដ្ឋបាលបាលខណ្ឌដូនពេញបានឃើញក៏ចេញបកស្រាយបែបនេះថា ក្រោយពីទទួលបានព័ត៌មានពីការបង្ហោះវីដេអូអំពីកម្លាំងសណ្តាប់ធ្នាប់ បានលើកស៊ីក្លូដាក់លើរថយន្តក៏ព្រោះតែស៊ីក្លូខាងលើ បានទុកចោល០២-០៣ថ្ងៃមកហើយ ដោយសារតែរកម្ចាស់ពុំឃើញ ទើបកម្លាំងគណៈបញ្ជាការខណ្ឌ សម្រេចយកទៅរក្សាទុករងចាំម្ចាស់មកទទួល ។
ចំពោះហេតុការណ៍ខាងលើ បានកើតឡើងកាលពីថ្ងៃទី២៤ ខែកុម្ភៈ ឆ្នាំ២០២៤ ម្ល៉េះ ស្ថិតនៅត្រង់ចំណុចផ្លូវលេខ១១០ កែងផ្លូវលេខ១៥ (ផ្សារចាស់) ក្នុងសង្កាត់ផ្សារចាស់ ខណ្ឌដូនពេញ រាជធានីភ្នំពេញ ។
យោងតាមគណនីហ្វេសបុកលោកចាប ឌីណា អភិបាលរងខណ្ឌដូនពេញ បានបង្ហោះនិងមានខ្លឹមសារដូចនេះ «ការចែកចែកតាមបណ្តាញសង្គម មានការផ្សព្វផ្សាយពីការលើកស៊ីក្លូដាក់លើរថយន្តនៅត្រង់ចំណុចផ្លូវ១១០ កែងផ្លូវ១៥ (ផ្សារចាស់) ។ ស៊ីក្លូដែលប្រជាការពារលើកទៅរក្សាទុកនោះ គឺជាស៊ីក្លូដែលប្រជាពលរដ្ឋផ្តល់ព័ត៌មានថា មិនឃើញម្ចាស់ពីរបីថ្ងៃហើយ ។
ដូច្នេះ ដើម្បីរក្សាស៊ីក្លូ និងចង់ដឹងពីសុវត្ថិភាពម្ចាស់ស៊ីក្លូ ទើបរដ្ឋបាលខណ្ឌសម្រេចចិត្តយកទៅរក្សាទុករង់ចាំម្ចាស់មកទទួល ។ លុះរហូតមកដល់ល្ងាចថ្ងៃទី២៤ ខែកុម្ភៈ ឆ្នាំ២០២៤ វេលាម៉ោង៦ ទើបម្ចាស់ស៊ីក្លូបានមកទទួលយកទៅវិញហើយ ។ អាស្រ័យហេតុនេះ ស្នើសុំមេត្តាបងប្អូនកុំបន្តចែកចាយនូវរូបភាពវីដេអូនេះបន្តទៅទៀត ។
ចែករំលែកព័តមាននេះ