សំណាង១ក្នុង១ពាន់គ្រោះថ្នាក់ ឡានដឹកទឹកក្រឡា.ប់សង្ក.ត់ម៉ូតូ១គ្រឿងខ្ទេច អ្នកជិះ២នាក់រួចផុតគ្រោះថ្នា.ក់
- ភ្នំពេញ
រាជធានីភ្នំពេញ ៖ អាចចាត់ទុកថាជាសំណាង១ក្នុងចំណោម១ពាន់គ្រោះថ្នាក់ ខណៈដែលរថយន្តដឹក
រាជធានីភ្នំពេញ ៖ អាចចាត់ទុកថាជាសំណាង១ក្នុងចំណោម១ពាន់គ្រោះថ្នាក់ ខណៈដែលរថយន្តដឹក
រាជធានីភ្នំពេញ ៖ អាចចាត់ទុកថាជាសំណាង១ក្នុងចំណោម១ពាន់គ្រោះថ្នាក់ ខណៈដែលរថយន្តដឹកទឹក១គ្រឿងមានទឹកពេញស៊ីទែន ពេលកំពុងបើកលឿនសុខៗ មិនដឹងថាអ្នកបើកបរងងុយដេក ឬបែបណានោះឡើយ ។ ស្រាប់តែរេចង្កូតឡើងលើខឿនចិញ្ចើមផ្លូវរួចក៏ក្រឡា.ប់សង្កត់លើម៉ូតូ១គ្រឿងខ្ទេច ប៉ុន្តែបុរសម្នាក់និងស្ត្រីម្នាក់ដែលជាអ្នកជិះម៉ូតូនោះបានខ្ទាតចេញផុត ទើបគ្មានគ្រោះថ្នាក់ធ្ងន់ធ្ងរឡើយ គ្រាន់តែរបួសស្រាប៉ុណ្ណោះ។
ឧប្បត្តិហេតុខាងលើនេះបានកើតឡើងកាលពីវេលាម៉ោងប្រមាណជាង៤ល្ងាចថ្ងៃទី២ ខែមិនា ឆ្នាំ២០២៤ នៅតាមផ្លូវក្រវាត់ក្រុងទី៣ ស្ថិតនៅក្នុងភូមិត្រាំស្លឹក សង្កាត់កន្ទោក ខណ្ឌកំបូល រាជធានីភ្នំពេញ។
អ្នកឃើញហេតុការណ៍ណនោះបានប្រាប់ឱ្យដឹងថា នៅមុនពេលកើតហេតុ គាត់បានឃើញរថយន្តដឹកទឹក១គ្រឿងពណ៌ក្រហម គ្មានស្លាកលេខ បើកបរដោយបុរសម្នាក់ ធ្វើដំណើរក្នុងទិសដៅពីត្បូងទៅជើង និងបើកក្នុងល្បឿនលឿនគួរសមដែរ។ លុះពេលទៅដល់ត្រង់ចំណុចកើតហេតុ ស្រាប់តែរេចង្កូតឡើងលើខឿនចិញ្ចើមផ្លូវ ក្រឡាប់សង្កត់លើម៉ូតូ១គ្រឿង ម៉ាកហុងដាឌ្រីម ធុនសេ១២៥ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ កំពង់ស្ពឺ 1E-5296 ។
តាមប្រភពខាងលើបានប្រាប់ឱ្យដឹងបន្ថែមទៀតផងដែរថា ម៉ូតូមួយគ្រឿងខាងលើនោះជិគ្នា២នាក់ ដែលបើកបរដោយបុរសម្នាក់ ឌុបស្ត្រីម្នាក់ទៀតពីក្រោយ ។ ប៉ុន្តែពុំដឹងថាតើអ្នកទាំង២នាក់នេះគឺជាប្ដីប្រពន្ធនឹងគ្នា ឬបុរសនោះជាអ្នករត់ឌុប ហើយស្ត្រីនោះគឺជាភ្ញៀវដែលជាអ្នកជិះម៉ូតូឌុបឡើយ។ ម៉ូតូនេះបានបើកបរធ្វើដំណើរក្នុងទិដៅបញ្ច្រាស់ទិសដៅចរាច ដោយបើកសសៀរៗក្បែរចិញ្ចើមផ្លូវពីជើងទៅត្បូង។
តាមប្រភពដដែលបានប្រាប់ឱ្យដឹងបន្តទៀតថា ខណៈនោះអ្នកជិះម៉ូតូប្រុសស្រីទាំង២នាក់ខាងលើបានខ្ទាតចេញផុត ទើបមិនបណ្ដាលឱ្យមានគ្រោះថ្នាក់ធ្ងន់ធ្ងរនោះឡើយ គ្រាន់តែរងរបួសស្រាលប៉ុណ្ណោះ ខណៈម៉ូតូបានរងការខូចខាតខ្ទេចប្រើការលែងកើតទៅហើយ ។ ដែលនេះត្រូវបានចាត់ទុកថាគឺជាសំណាង១ក្នុង១ពាន់គ្រោះថ្នាក់ ព្រោះប្រសិនបើពួកគាត់មិនខ្ទាតចេញ ប្រាកដជាត្រូវរថយន្តសង្កត់ស្លា.ប់ ឬ រងរបួសធ្ងន់ទាំង២នាក់ជាក់ជាមិនខានឡើយ។
ដោយឡែបុរសដែលជាអ្នកបើកបររថយន្តខាងលើបាននិយាយថា ខណៈកំពុងបើកបរសុខៗ ស្រាប់តែរថយន្តរបស់គាត់ទាញចង្កូតទៅខាងស្ដាំ ហើយដោយខ្លាចបុករបងរោងចក្រគាត់បានកាច់ចង្កូតត្រឡប់មកវិញ ក៏ក្រឡាប់បែបនេះតែម្ដង។
ក្រោយពេលកើតហេតុ នគរបាលខណ្ឌកំបូលបានចុះទៅធ្វើការវាស់វែង និងនាំយករថយន្ត និងម៉ូតូទៅរក្សាទុករង់ចាំការដោះស្រាយគ្នានៅពេលក្រោយ ៕
ចែករំលែកព័តមាននេះ