ដុតកម្ទេច ឆ្អឹងជំនីជ្រូក និងជើងជ្រូកបង្កកជាង ២តោន ដែលនាំចូលខុសច្បាប់
ខេត្តបាត់ដំបង ៖ នៅព្រឹកនៅថ្ងៃសុក្រ ទី១ ខែមីនា ឆ្នាំ២០២៤ មន្ត្រីស៊ើបអង្កេត នៃសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ…
ខេត្តបាត់ដំបង ៖ នៅព្រឹកនៅថ្ងៃសុក្រ ទី១ ខែមីនា ឆ្នាំ២០២៤ មន្ត្រីស៊ើបអង្កេត នៃសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. ខេត្តបាត់ដំបង សហការជាមន្ត្រីជំនាញគយចល័តតំបន់៤ ស្ថិតនៅតំបន់អូរតាគី បានធ្វើការត្រួតពិនិត្យលើឆ្អឹងជំនីជ្រូក និងជើងជ្រូកបង្កក ដែលបាននាំចូល ហើយមន្ត្រីជំនាញសាខា ក.ប.ប. ខេត្តបាត់ដំបង ពិនិត្យរួច ឃើញថា សាច់បង្កកនេះមានលក្ខណៈ មិនសមស្របតាមស្តង់ដាសាច់បង្កកឡើយ ។
បន្ទាប់ពីបានធ្វើការពិនិត្យមិនមានលក្ខណៈសមស្រប មន្ត្រីជំនាញសាខា ក.ប.ប. ខេត្តបាត់ដំបង និងមន្ត្រីជំនាញគយចល័តតំបន់៤ បានធ្វើការដុតកម្ទេចចោលនូវឆ្អឹងជំនីជ្រូក និងជើងជ្រូកបង្កក ចំនួន ២តោន ៣៥២ គីឡូក្រាម តាមនីតិវិធី ។
ការដុតកម្ទេចនេះ ស្ថិតក្រោមការសម្របសម្រួលពីលោក ទុត វីនីត ព្រះរាជអាជ្ញារង នៃអយ្យការអមសាលាដំបូងខេត្ត និងមានការចូលរួមពីមន្ត្រីជំនាញគយចល័តតំបន់៤ និងអាជ្ញាធរដែនដី ផងដែរ ៕
ចែករំលែកព័តមាននេះ