ក្រុងប៉ោយប៉ែត ៖ ពិតជាគួរឱ្យអនិច្ចា ខណៈគេឃើញក្មេងប្រុសតូចម្នាក់អាយុមិនលើសពី១០ឆ្នាំដែលខំប្រឹងបញ្ចេញកំលាំងពលកម្មនៅលើដងផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែតដោយអូសរទេះឆាលីផ្ទុកទំនិញគីបក្នុងគោលដៅទៅកាន់ទឹកដី សៀមនៅព្រឹកថ្ងៃទី៣១ ឧសភា។ ក្មេងតូចនេះប្រឹងអូស
ក្រុងប៉ោយប៉ែត ៖ ពិតជាគួរឱ្យអនិច្ចា ខណៈគេឃើញក្មេងប្រុសតូចម្នាក់អាយុមិនលើសពី១០ឆ្នាំដែលខំប្រឹងបញ្ចេញកំលាំងពលកម្មនៅលើដងផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែតដោយអូសរទេះឆាលីផ្ទុកទំនិញគីបក្នុងគោលដៅទៅកាន់ទឹកដី សៀមនៅព្រឹកថ្ងៃទី៣១ ឧសភា។ ក្មេងតូចនេះប្រឹងអូសរទេះយ៉ាងលំបាក គឺប្រឹងអូសក្បាលអោនទាំងទឹកមុខក្រៀមក្រំជាទីបំផុត។ ពុំមាននរណាស្គាល់អត្តសញ្ញាណក្មេងនោះទេ ព្រោះក្រោយពីអ្នកកាសែតតាមថតរូបត្រូវកម្មករពេញវ័យម្នាក់ទៅទាញយករទេះហើយក្មេងនោះគេចទៅបាត់។
តាមអ្នកឃើញហេតុការណ៍ប្រាប់ថា ក្មេងតូចនោះអូសរទេះមកពីទិសខាងកើតប្រហែលជិត១០០ម៉ែត្រ ប៉ុន្តែពុំដឹងចេញពីចំណុចណាទេ។គេប្រឹងអូសរទេះញ័រក្បាលតតាត់ កាត់មុខសមត្ថកិច្ចស្ទើរគ្រប់ជំនាញ លុះទៅដល់មុខប៉ុស្តិ៍ស្នាក់ការប៉ូលិសអន្តោប្រវេសន៍ពេលអ្នកកាសែតតាមថតទើបមានមនុស្សធំទៅទាញរទេះអូសបន្ត ដោយសារតែគេដឹងច្បាស់ថា ជារូបភាពបង្ហាញពីពលកម្មកុមារខុសច្បាប់។
បច្ចុប្បន្នគេមើលឃើញថា នៅចំណុចច្រកចេញចូលព្រំដែនអន្តរជាតិប៉ោយប៉ែត សមត្ថកិច្ចបានដាក់មេក្រូផ្សព្វផ្សាយជាប្រចាំទាំងព្រឹក ទាំងល្ងាចពីគោលការណ៍មិនឱ្យប្រើកំលាំងពលកម្មកុមារដែលមិនគ្រប់អាយុ ប៉ុន្តែទោះជាយ៉ាងណាក្តី ការខិតខំរបស់សមត្ថកិច្ច និងអាជ្ញាធរបែរជាអាណាព្យាបាល ឬឪពុកម្តាយដែលខ្វះការពិចារណា ឬមិនព្រមយកត្រចៀកស្តាប់នៅតែបន្តឱ្យកូនចៅធ្វើការងារធ្ងន់ធ្ងរដដែលដោយសំអាងថា បញ្ហាក្រពះសំខាន់ជាងបើមិនប្រឹងរកទេច្បាស់ជាដាច់បាយមិនខាន។ ក្នុងទិវាកុមារអន្តរជាតិទិដ្ឋភាពដែលយើងឃើញនេះគឺខុសគ្នាឆ្ងាយពីកុមារដែលជាកូនចៅអ្នកធូរធារសើចក្អាកក្អាយនៅតាមសាលាក្នុងថ្ងៃប្រារព្ធទិវានេះ៕
ចែករំលែកព័តមាននេះ