ខេត្តកំពត ៖ កម្មកររោងចក្រផលិតទឹកកកម្នាក់បានលង់ស្លា.ប់នៅក្នុងអាងស្តុកទឹកកាលពី យប់ថ្ងៃទី២៩ ឧសភា ហើយត្រូវបានគេរកឃើញសពនៅវេលាម៉ោង១រំលងអធ្រាត្រឈានចូលដល់ថ្ងៃទី៣០ ឧសភា នៅកន្លែងស្តុកទឹកផលិតទឹកកកមួយកន្លែងស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពត
ខេត្តកំពត ៖ កម្មកររោងចក្រផលិតទឹកកកម្នាក់បានលង់ស្លាប់នៅក្នុងអាងស្តុកទឹកកាលពី យប់ថ្ងៃទី២៩ ឧសភា ហើយត្រូវបានគេរកឃើញសពនៅវេលាម៉ោង១រំលងអធ្រាត្រឈានចូលដល់ថ្ងៃទី៣០ ឧសភា នៅកន្លែងស្តុកទឹកផលិតទឹកកកមួយកន្លែងស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពត ។ កម្មករដែលស្លាប់នេះឈ្មោះនូ ម៉ូវ អាយុ២៥ឆ្នាំ នៅភូមិអង្គ ឃុំត្រពាំងព្រីង ស្រុកទឹកឈូ ។ តាមប្រភពព័ត៌មានថា ម្ចាស់រោងចក្រផលិតទឹកកកមានបំណងលាក់បាំងសមត្ថកិច្ចពីការស្លាប់កម្មករនេះផងដែរ។
តាមមន្ត្រីនគរបាលបច្ចេកទេសខេត្តបានឱ្យដឹងថា នៅវេលាម៉ោង៩យប់ ថ្ងៃទី២៩ ឧសភា កម្មករឈ្មោះនូ ម៉ូវ បានចុះទៅក្នុងអាងបំណងរាវរកស្ពាន់លក់ឱ្យអេតចាយ ហើយពេលចុះរាវនោះស្មានតែទឹករាក់ ផ្ទុយទៅវិញងើបក៏ងើបមិនរួច ព្រោះទំហំអាងស្តុកទឹកទទឹង២ម៉ែត្រកន្លះ បណ្តោយ២០ម៉ែត្រ និងមានទឹកនៅក្នុងអាងជំរៅ២ម៉ែត្រកន្លះ ព្រមទាំងចាក់សាបពីលើទៀត ទុកតែផ្លូវចុះទំហំចូលទៅក្នុងកន្លះម៉ែត្រប៉ុណ្ណោះ ។ ពេលដឹងថា អ្នកចុះក្នុងអាងលង់ទឹក កម្មករម្នាក់ទៀតដែលទៅជាមួយហើយចាំនៅខាងលើ ក៏ឆោឡោហៅកម្មករឯទៀតឱ្យជួយរកតែរកមិនឃើញក៏យកម៉ាស៊ីនបូមទឹកចេញពីក្នុងអាង ទើបឃើញ និងបានស្លាប់ទៅហើយ ។ ក្រោយកើតហេតុថៅកែរោងចក្រប្រុងលាក់រឿងកម្មកររបស់ខ្លួនលង់ទឹកអាងស្លាប់នេះ និងដឹកសពតាមរថយន្តទៅស្រុកកំណើត លុះពេលប៉ូលិសដឹងរឿងក៏ចុះទៅធើ្វកោសល្យវិច័យ ។
មន្ត្រីប៉ូលិសបានវាយតម្លៃថា កម្មកររងគ្រោះរូបនោះមានបំណងចុះរាវរកស្ពាន់នៅក្នុងអាងស្តុកទឹកក៏បណ្តាលឱ្យលង់។ សូមបញ្ជាក់ថា អាងស្តុកទឹកផលិតទឹកកកនោះជាអាងស្តុកទឹកចាស់ជំនាន់ថៅកែមុន ហើយនៅក្នុងអាងចាស់នោះសំបូរទៅដោយដែក និងស្ពាន់ច្រើន ប៉ុន្តែមិនគួរទុកទឹកច្រើនបែបនេះសោះ បើមិនប្រើគួរណាស់បង្ហូរចេញ ៕
ចែករំលែកព័តមាននេះ