គណៈមេធាវីទុកពេល២៤ម៉ោងឱ្យម្ចាស់គណនីមួយសុំទោ.ស ដោយសារពាក្យទាំងនេះ
- ភ្នំពេញ
រាជធានីភ្នំពេញ ៖ គណៈមេធាវីនៃព្រះរាជាណាចក្រកម្ពុជា បានព្រមានចាត់វិធានការផ្លូវច្បាប់ទៅលើ
រាជធានីភ្នំពេញ ៖ គណៈមេធាវីនៃព្រះរាជាណាចក្រកម្ពុជា បានព្រមានចាត់វិធានការផ្លូវច្បាប់ទៅលើ
រាជធានីភ្នំពេញ ៖ គណៈមេធាវីនៃព្រះរាជាណាចក្រកម្ពុជា បានព្រមានចាត់វិធានការផ្លូវច្បាប់ទៅលើម្ចាស់គណនីហ្វេសប៊ុកឈ្មោះ «លោកឡុង ស្រលាញ់សន្តិភាព» ដែលបានប្រើប្រាស់ពាក្យពេចន៍ជេរប្រមាថ និងទម្លាក់កំហុសមកលើស្ថាប័នគណៈមេធាវី និងមេធាវីទាំងអស់នៅកម្ពុជា ដោយគណៈមេធាវីទុកពេល២៤ម៉ោងឱ្យម្ចាស់គណនីខាងលើ លុបចោលសំណេររបស់ខ្លួននិងសុំទោសជាសាធារណៈ។ នេះបើយោងតាមសេចក្តីថ្លែងការណ៍ដែលគណមេធាវីនៃព្រះរាជាណាចក្រកម្ពុជាបានចេញនៅថ្ងៃទី១២ ខែកុម្ភៈ ឆ្នាំ២០២៤។
ការព្រមានរបស់គណមេធាវីនៃព្រះរាជាណាចក្រកម្ពុជា ធ្វើបន្ទាប់ពីលោកគណនីហ្វេសបុកឈ្មោះ «លោក ឡុង ស្រលាញ់សន្តិភាព» បានខមមិន នូវពាក្យពេជ្យន៍ជេរប្រមាថដោយកំហឹងទៅលើ សពលោកមេធាវី ទូច វឌ្ឍនៈ ដែលបានបាញ់សម្លាប់អតីតគូស្នេហ៍។ គណនីនេះ ក៏បានបង្ហាញការខឹងសម្បារទៅលើគណ:មេធាវីកម្ពុជាដែលបានបួងសួងឱ្យលោកមេធាវី ទូច វឌ្ឍនៈ រួចផុតពីដំណាក់កាល សង្គ្រោះបន្ទាន់ផងដែរ។
គណៈមេធាវីនៃព្រះរាជាណាចក្រកម្ពុជា បានបញ្ជាក់ទាំងស្រុងនៅក្នុងសេចក្តីថ្លែងការណ៍ យ៉ាងដូច្នេះថា៖ គណៈមេធាវីនៃព្រះរាជាណាចក្រកម្ពុជា សូមប្រឆាំងដាច់អហង្ការចំពោះ អំពើរបស់ម្ចាស់គណនីហ្វេសប៊ុកមានឈ្មោះលោកឡុង ស្រឡាញ់សន្តិភាព ដែលបានជេរប្រមាថ មាក់ងាយ និងទម្លាក់កំហុសដោយអសុទ្ធចិត្តមកលើស្ថាប័នគណៈមេធាវី និងមេធាវីទាំងអស់នៅ ក្នុងព្រះរាជាណាចក្រកម្ពុជា តាមរយៈសំណេរលើអត្ថបទរបស់សារព័ត៌មាន Koh Santepheap Daily មានចំណងជើងថា “មេធាវីដែលជាជនដៃដល់បាញ់សម្លាប់សង្សារលក់អនឡាញនៅ សង្កាត់ភ្នំពេញថ្មី ខណ្ឌសែនសុខបានទទួលមរណភាពហើយ” ចុះផ្សាយក្នុងផេកហ្វេសប៊ុក កាលពីថ្ងៃទី១០ ខែកុម្ភៈ ឆ្នាំ២០២៤ កន្លងទៅនេះ។
គណៈមេធាវីនៃព្រះរាជាណាចក្រកម្ពុជា សូមជម្រាបជូនសាធារណជន មេត្តាជ្រាបថា តាមរយៈសេចក្តីប្រកាសព័ត៌មាន ចុះថ្ងៃទី៩ ខែកុម្ភៈ ឆ្នាំ២០២៤ គណៈមេធាវី បានបញ្ជាក់ច្បាស់ហើយថា មិនគាំទ្រចំពោះលោកមេធាវី ទូច វឌ្ឍនៈ ដែលបានជ្រើសយកហិង្សា ទៅដោះស្រាយបញ្ហាទេ ដោយអំពាវនាវឱ្យជ្រើសយកសន្តិវិធីនិងតាមផ្លូវច្បាប់ដើម្បីដោះស្រាយបញ្ហា ហើយគណៈមេធាវីក៏បានចូលរួមរំលែកទុក្ខដ៏ក្រៀមក្រំបំផុតជាមួយក្រុមគ្រួសារលោកស្រី អែម សុវីដែត។
គណៈមេធាវីបានបួងសួងឱ្យលោកមេធាវី ទូច វឌ្ឍនៈ រួចផុតពីដំណាក់កាល សង្គ្រោះបន្ទាន់ គឺក្នុងចេតនាមនុស្សធម៌ មិនមែនឱ្យគាត់រួចផុតពីការទទួលខុសត្រូវលើទណ្ឌកម្ម វិន័យ ព្រហ្មទណ្ឌ ឬរដ្ឋប្បវេណីនោះទេ។ ករណីនេះ គណៈមេធាវីនៃព្រះរាជាណាចក្រកម្ពុជា ទុកពេល២៤ម៉ោង ឱ្យម្ចាស់គណនីឈ្មោះលោកឡុង ស្រឡាញ់សន្តិភាព លុបសំណេររបស់ខ្លួនចោលវិញ និង សុំទោសគណៈមេធាវីនិងមេធាវីទាំងអស់ជាសាធារណៈ។»
យ៉ាងណាក៏ដោយគិតត្រឹមរសៀលថ្ងៃទី១២ ខែកុម្ភៈ ឆ្នាំ២០២៤ ខមមិនរបស់គណនី «លោក ឡុង ស្រលាញ់សន្តិភាព» ដែលធ្វើឱ្យ គណៈមេធាវីនៃព្រះរាជាណាចក្រកម្ពុជា ប្រតិកម្មនោះ ត្រូវបានលុបចេញពីលើផេក Koh Santepheap Daily រួចរាល់ហើយ ប៉ុន្តែមិនទាន់ឃើញម្ចាស់គណនីហ្វេសបុករូបនេះចេញមុខសូមទោសតាមការទាមទារនៅឡើយនោះទេ ។
ម្យ៉ាងទៀត រូបថតរបស់បុរសម្នាក់ដែលគណនីហ្វេសបុកមួយនេះតែងតែបង្ហោះ យើងនៅមិនទាន់ច្បាស់ថា ជារូបថតរបស់ម្ចាស់អាខោននេះពិត ឬ យករូបរបស់គេបង្ហោះនោះទេ។ ដូចនេះមានតែរង់ចាំមើលពេលផុត ២៤ម៉ោង តើគណៈមេធាវីនៃព្រះរាជាណាចក្រកម្ពុជា នឹងចាត់ការបន្តបែបណាជាមួយស្ថាប័នជំនាញ? (អត្ថបទដោយ៖អោម ចែតច័ន្ទណារ៉ា)
ចែករំលែកព័តមាននេះ