ខេត្តព្រះសីហនុ ៖ យុវជនសង្ស័យម្នាក់ក្នុងចំណោមបក្សពួក៥នាក់ ត្រូវបានឃាត់ខ្លួនដោយសមត្ថកិច្ចប៉ុស្តិ៍នគរបាលរដ្ឋបាលសង្កាត់លេខ៣ កាលពីវេលាម៉ោង១៧និង៤៥នាទីថ្ងៃទី៣០ ឧសភា ២០១១ ត្រង់ចំណុចសួនច្បារវិមានឯករាជ្យ ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ពីបទប្លន់ ក្រោយមួយថ្ងៃដែលជននេះធ្វើសកម្មភាព
ខេត្តព្រះសីហនុ ៖ យុវជនសង្ស័យម្នាក់ក្នុងចំណោមបក្សពួក៥នាក់ ត្រូវបានឃាត់ខ្លួនដោយសមត្ថកិច្ចប៉ុស្តិ៍នគរបាលរដ្ឋបាលសង្កាត់លេខ៣ កាលពីវេលាម៉ោង១៧និង៤៥នាទីថ្ងៃទី៣០ ឧសភា ២០១១ ត្រង់ចំណុចសួនច្បារវិមានឯករាជ្យ ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ ពីបទប្លន់ ក្រោយមួយថ្ងៃដែលជននេះធ្វើសកម្មភាព។
យោងតាមការឱ្យដឹងពីប៉ូលិសសង្កាត់លេខ៣ បាននិយាយថា នៅថ្ងៃទី២៩ ឧសភា ២០១១ វេលាម៉ោង២១និង៣០នាទី នៅចំណុចក្រុម៩ សង្កាត់លេខ៣ ក្រុងព្រះសីហនុ (ក្បែរសួនច្បារសេះស) មានករណីប្លន់មួយបង្កឡើងដោយក្រុមយុវជនស្ទាវមួយក្រុមមានគ្នា៥នាក់ ម៉ូតូ២គ្រឿង បានស្ទាក់វាយដណ្តើមយកខ្សែ.កប្លាទីនមួយខ្សែទម្ងន់៥ជី ពីនារីម្នាក់ក្នុងចំណោមមនុស្ស៦នាក់ (ស្រី៥នាក់ ប្រុសម្នាក់)។ ក្រុមអ្នករងគ្រោះសុទ្ធតែជាអ្នកបម្រើការនៅតាមភោជនីយដ្ឋានពេលរាត្រី លុះពេលសម្រាកពីការងារក៏នាំគ្នាទៅញ៉ាំអីនៅម្តុំសេះស ចៃដន្យក៏ជួបក្រុមស្ទាវដើរលេងយប់ស្ទាក់វាយប្លន់តែម្តង។
ពេលនេះឆាកប្រយុទ្ធគ្នាបានកើតឡើងមួយប្រាវ រវាងក្រុមជនដៃដល់៥នាក់ជាមួយជនរងគ្រោះ៦នាក់ ប៉ុន្តែខាងជនរងគ្រោះមានមនុស្សប្រុសតែម្នាក់ មិនអាចតស៊ូបានឡើយ មនុស្សប្រុសនោះក៏រត់យករួចខ្លួន បន្សល់ទុកតែស្រីៗ ពួកចោរក៏ដណ្តើមបានខ្សែ.កប្លាទីនមួយខ្សែទម្ងន់៥ជីរួចហើយគេចខ្លួនបាត់។ លុះស្អែកឡើងក្រុមនារីៗរងគ្រោះបានទៅដាក់ពាក្យបណ្តឹង ទើបសមត្ថកិច្ចស្រាវជ្រាវចាប់បានចោរម្នាក់ និងកំពុងស្រាវជ្រាវបន្តទៀត…សូមបញ្ជាក់ថា ពួកចោរសុទ្ធតែក្មេងស្ទាវ។
ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព.
ចែករំលែកព័តមាននេះ