អ៊ីស្រាអែលនាំកម្មករបរទេសរាប់ម៉ឺននាក់ជំនួសកម្មករប៉ាឡេស្ទីន ដោះស្រាយសំណង់ជាប់គាំង
អ៊ីស្រាអែល ៖ រដ្ឋាភិបាលប្រទេសអ៊ីស្រាអែល កាលពីពេលថ្មីៗនេះ បានប្រកាសថា ខ្លួននឹងនាំយក
អ៊ីស្រាអែល ៖ រដ្ឋាភិបាលប្រទេសអ៊ីស្រាអែល កាលពីពេលថ្មីៗនេះ បានប្រកាសថា ខ្លួននឹងនាំយកកម្មករបរទេសចំនួន ៦៥,០០០នាក់មកពីប្រទេសឥណ្ឌា ស្រីលង្កា និងអ៊ូសបេគីស្ថាន ដើម្បីបន្តការសាងសង់បណ្តាសំណងកំពុងជាប់គាំង ចាប់តាំងពីថ្ងៃទី៧ ខែតុលា កាលពីឆ្នាំមុន នៅពេលដែលកម្មករប៉ាឡេស្ទីនត្រូវបានបញ្ជូនត្រឡប់ទៅផ្ទះពួកគេវិញ បន្ទាប់ពីការវាយប្រហារលើអ៊ីស្រាអែលដោយក្រុមហាម៉ាស។
កម្មករជនជាតិប៉ាឡេស្ទីនប្រហែល៧២,០០០នាក់ ត្រូវបានជួលឱ្យមកធ្វើការនៅការដ្ឋានសំណង់ក្នុងប្រទេសអ៊ីស្រាអែល មុនពេលការវាយប្រហាររបស់ក្រុមហាម៉ាស់ ដែលបានជំរុញឱ្យរដ្ឋាភិបាលអ៊ីស្រាអែលបញ្ឈប់ និងបញ្ចូនពួកគេចេញពីប្រទេសក្រោមហេតុផលសុវត្ថិភាព។ កម្មករបរទេសប្រហែល ២០,០០០នាក់ ដែលមិនមែនប៉ាឡេស្ទីននៅតែបន្តបំពេញការងាររបស់ពួកគេដដែល ប៉ុន្តែស្ទើរតែពាក់កណ្តាលនៃការដ្ឋានសំណង់របស់អ៊ីស្រាអែលត្រូវបានបិទដោយសារតែកង្វះកម្លាំងពលកម្ម។
អ្នកនាំពាក្យក្រសួងលំនៅឋានប្រទេសអ៊ីស្រាអែលលើកឡើងថា ក្រុមពលករបរទេសថ្មីត្រូវបានរំពឹងថា នឹងមកដល់នៅប៉ុន្មានសប្តាហ៍ខាងមុខនេះ ខណៈដែលរដ្ឋាភិបាលព្យាយាមជៀសវាងការជាប់គាំងនៅក្នុងការផ្គត់ផ្គង់ដែលនឹងប្រថុយនឹងការឡើងថ្លៃអចលនទ្រព្យ នៅពេលដែលអត្រាការប្រាក់ចាប់ផ្តើមធ្លាក់ចុះ៕ (ប្រភព ៖ Reuters)
ចែករំលែកព័តមាននេះ