នៅក្នុងបរិបទធុរកិច្ចដ៏លំបាកមួយដោយសារតែតម្រូវការអ្នកប្រើប្រាស់ថយចុះ បុគ្គលិករាប់ពាន់នាក់នៅក្នុងវិស័យលក់រាយគ្រឿងអេឡិចត្រូនិចប្រឈមនឹងការបាត់បង់ការងារនៅឆ្នាំ២០២៣។ នេះបើយោងតាមការចុះផ្សាយរបស់សារព័ត៌មានវៀតណាម Zing News។

យោងតាមរបាយការណ៍ស្ថានភាពធុរកិច្ចរបស់ ក្រុមហ៊ុនអេឡិចត្រូនិចវៀតណាម Mobile World ក្នុងត្រីមាសចុងក្រោយនៃឆ្នាំ២០២៣ ក្រុមហ៊ុន​លក់​រាយ ទូរស័ព្ទ និង​ឧបករណ៍​ប្រើ​ប្រាស់​ជាមួយ​គ្រឿង​អេឡិច​ត្រូនិក​ដ៏​ធំ​មួយ​​នេះបាននិយាយថា ខ្លួនបានបិទហាងលក់រាយជិត២០០កន្លែងដែលរកប្រាក់ចំណូលពុំសូវបាន ដើម្បីបង្កើនប្រសិទ្ធភាពនៃការចំណាយ។

ខណៈពេលដែល Mobile World បានកត់ត្រាប្រាក់ចំណេញសុទ្ធទាបបំផុតក្នុងរយៈពេលមួយទសវត្សរ៍ ដោយឈានដល់ត្រឹមតែជិត ១៧០ពាន់លានដុង កាលពីឆ្នាំមុន។

ទន្ទឹមនឹងនោះ លោក Nguyen Duc Tai ប្រធានក្រុមប្រឹក្សាភិបាលនៃក្រុមហ៊ុន Mobile Worldក៏បានកាត់បន្ថយបុគ្គលិកយ៉ាងគំហុកផងដែរ។ ចំនួនបុគ្គលិក Mobile World នៅចុងឆ្នាំ 2023 ត្រូវបានកត់ត្រាចំនួន ៦៥,៤១៤នាក់ ធ្លាក់ចុះជិត ៨,៦០០ នាក់បើធៀបនឹងដើមឆ្នាំ។

នៅក្នុងត្រីមាសចុងក្រោយនៃឆ្នាំមុនតែឯង រួមជាមួយនឹងការបិទហាងបន្ថែមជិត២០០អាជីវកម្មនេះបានកាត់បន្ថយបុគ្គលិកជិត ៣,០០០នាក់៕