បុរសអ្នកលក់ម្ជូរតាមម៉ូតូម្នាក់ ចិត្តខ្លាំងប្រើអំពើហិ.ង្សា ដោយយកកាំបិ.តបុ័ងតោ កា.ប់ទៅលើអ្នកជិះកង់ពាំងផ្លូវ បណ្ដាលឱ្យរយះម្រាមដៃហូរឈា.មស្រោចពេញខ្លួន បង្កឱ្យមានការភ្ញាក់ផ្អើល
រាជធានីភ្នំពេញ ៖ បុរសអ្នកលក់ម្ជូរតាមម៉ូតូម្នាក់ ចិត្តខ្លាំងប្រើអំពើហិ.ង្សា ដោយយកកាំបិ.តបុ័ងតោ កា.ប់ទៅលើអ្នកជិះកង់ពាំងផ្លូវ បណ្ដាលឱ្យរយះម្រាមដៃហូរឈា.មស្រោចពេញខ្លួន បង្កឱ្យមានការភ្ញាក់ផ្អើលកាលពីវេលាម៉ោង៩យប់ ថ្ងៃទី២៩ ខែមករា ឆ្នាំ២០២៤ នៅចំណុចបុរីញ៉ូថោន ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះខាងលើ មានឈ្មោះ ចាប សក្កដា ភេទប្រុស អាយុ៣៧ឆ្នាំ មុខរបរផ្នែកចុងភៅ ស្នាក់នៅភូមិ-ឃុំកើតហេតុ និងមានស្រុកកំណើត ស្រុកស្ទឹងហាវ ក្រុងព្រះសីហនុ។ ចំណែកជនសង្ស័យវិញមានឈ្មោះ លន់ ថាន់ ភេទប្រុស អាយុ៣៧ឆ្នាំ មុខរបរលក់ម្ជូរ ស្នាក់នៅភូមិអណ្ដូង៦ សង្កាត់គោករកា ខណ្ឌព្រែកភ្នៅ រាជធានីភ្នំពេញ ។ រីឯភាគីម្នាក់ទៀតពាក់ព័ន្ធនឹងរឿងគ្រឿ.ងញៀ.ន មានឈ្មោះ ហៀង សុខហៃ ភេទប្រុស អាយុ១៩ឆ្នាំ មុខរបរធ្វើការរោងចក្រ ស្នាក់នៅភូមិដំណាក់ធំ ខណ្ឌមានជ័យ។ ខណៈពេលដែលសមត្ថកិច្ចមូលដ្ឋានចុះល្បាតពួនស្ទាក់បទល្មើស ដោយមានការសង្ស័យក៏ធ្វើការឆែកឆេរ ហើយក៏ឃើញមានគ្រឿ.ងញៀ.នចំនួន២កញ្ចប់ ក៏ត្រូវសមត្ថកិច្ចបញ្ជូនខ្លួនទៅជាមួយគ្នាតែម្ដង។
យោងតាមប្រភពព័ត៌មានបញ្ជាក់ពីសាច់ញាតិក្រុមគ្រួសាររបស់ជនរងគ្រោះ បានប្រាប់ឱ្យដឹងថា «មុនពេលកើតហេតុ ជនរងគ្រោះជិះកង់ទៅទិញបារីនៅទីតាំងខាងលើ រួចក៏ឈប់កង់នៅពីមុខម៉ូតូសណ្ដោងលក់ម្ជូររបស់ជនបង្ក។ បន្ទាប់មក អ្នកទាំងពីរក៏បានឌឺដងពាក្យសម្ដីដាក់គ្នាទៅវិញទៅមក រហូតឈានដល់ការប្រើអំពើហិ.ង្សាប្រវា.យប្រតប់គ្នាតែម្ដង។ ភ្លាមៗនោះ ស្រាប់តែខាងអ្នកលក់ម្ជូរ ទាញយកកាំបិ.តបុ័.ងតោទៅកា.ប់ជនរងគ្រោះចំដៃ បណ្ដាលឱ្យរយះហូរឈា.មស្រោចពេញខ្លួន ហើយត្រូវសាច់ញាតិក្រុមគ្រួសាររបស់ជនរងគ្រោះឃើញក៏នាំគ្នាស្ទុះស្ទាទៅជួយចាប់ឃាត់ជនបង្ក រួចរាយការណ៍ប្ដឹងទៅសមត្ថកិច្ចចុះមកអន្តរាគមន៍ឃាត់ខ្លួនជនបង្កយកទៅសួរនាំនៅភ្លាមៗ ចំណែកជនរងគ្រោះវិញ ត្រូវបានសាច់ញាតិដឹកតាមម៉ូតូកង់បីយកសង្គ្រោះនៅមន្ទីរពេទ្យព្រះកុសុមៈ»។
ក្រោយពេលកើតហេតុ ខាងសាច់ញាតិរបស់ជនរងគ្រោះ ក៏នាំគ្នាមកដាក់ពាក្យបណ្ដឹងនៅប៉ុស្តិ៍ បន្ទាប់ពីសមត្ថកិច្ចទទួលពាក្យបណ្ដឹងរួច សមត្ថកិច្ចក៏បានកសាងសំណុំរឿងបញ្ជូនជនសង្ស័យខាងលើនេះ ទៅកាន់ផ្នែកជំនាញព្រហ្មទណ្ឌព្រមគ្នា ដើម្បីចាត់ការទៅតាមនីតិវិធីនៃច្បាប់បន្តទៀត៕
ចែករំលែកព័តមាននេះ