អាជ្ញាធរប្រេស៊ីល បាននិយាយប្រាប់ឱ្យដឹងថា មនុស្សចំនួន៧នាក់បានស្លា.ប់បា.ត់ប.ង់ជីវិ.តនៅក្នុងឧបទ្ទវហេតុធ្លាក់យន្តហោះខ្នាតតូចមួយគ្រឿង
ប្រទេសប្រេស៊ីល ៖ អាជ្ញាធរប្រេស៊ីល បាននិយាយប្រាប់ឱ្យដឹងថា មនុស្សចំនួន៧នាក់បានស្លា.ប់បា.ត់ប.ង់ជីវិ.តនៅក្នុងឧបទ្ទវហេតុធ្លាក់យន្តហោះខ្នាតតូចមួយគ្រឿង កាលពីថ្ងៃអាទិត្យ នៅក្នុងរដ្ឋ Minas Gerais ភាគអាគ្នេយ៍នៃប្រទេសប្រេស៊ីល។ នេះបើយោងតាមការចុះផ្សាយរបស់សារព័ត៌មាន AFP កាលពីថ្ងៃទី២៩ ខែមករា ឆ្នាំ២០២៤នេះ។
បើតាមសារព័ត៌មាន AFP បានឱ្យដឹងថា «យន្តហោះខ្នាតតូចមួយគ្រឿងនេះ បានចាកចេញពីអាកាសយានដ្ឋាន Amarais ទីក្រុង Campinas រដ្ឋធានី Sao Paulo ដោយហោះហើរឆ្ពោះទៅកាន់អាកាសយានដ្ឋាន Confins ស្ថិតក្នុងទីក្រុង Belo Horizonte។ តាមពិតទៅ យន្តហោះនេះ បានទៅដល់ទីក្រុង Campinas តាំងពីយប់ថ្ងៃសុក្រមកម្ល៉េះ ហើយក៏បានចតចោលនៅក្នុងការ៉ាស់ឯកជនមួយ»។
សារព័ត៌មាន AFP បានឱ្យដឹងបន្តថា «លុះនៅព្រឹកថ្ងៃអាទិត្យ យន្តហោះនេះក៏ហោះចេញពីអាកាសយានដ្ឋាន Amarais នៅវេលាម៉ោង១០និង០៩នាទី ដោយមានមនុស្សចំនួន៧នាក់ជិះលើយន្តហោះ ក្នុងនោះមានអ្នកដំណើរចំនួន៥នាក់ និងអ្នកបើកយន្តហោះចំនួន២នាក់។ ក្រោយការហោះហើរមិនទាន់បាន៣០នាទីស្រួលបួលផង យន្តហោះមួយគ្រឿងនេះស្រាប់តែផ្ទុះ ហើយក៏ធ្លាក់នៅម៉ោងប្រហែល១០និង៣៨នាទី ស្ថិតក្នុងទីក្រុងជនបទ Itapeva នៃរដ្ឋ Minas Gerais»។
ពេលនោះផងដែរ នាយកដ្ឋានពន្លត់អគ្គិភ័យ និងសង្គ្រោះប្រចាំទីក្រុង Itapeva បាននិយាយនៅក្នុងសេចក្តីថ្លែងការណ៍ថា «ក្រុមពន្លត់អគ្គិភ័យត្រូវបានបញ្ជូនទៅដល់កន្លែងកើតហេតុ ដើម្បីបើកប្រតិបត្តិការសង្គ្រោះនៅទីនោះ។ ភ្លាមៗនោះ គេបានរកឃើញសា.កស.ពជនរងគ្រោះតែ៥នាក់ប៉ុណ្ណោះនៅក្នុងយន្តហោះ ក្នុងនោះមានស្ត្រី២នាក់ បុរស២នាក់ និងក្មេងប្រុសម្នាក់ផងដែរ ហើយក្រុមសង្គ្រោះក៏បានព្យាយាមទាញយកសា.កស.ពជនរងគ្រោះដែលជាប់នៅកណ្តាលតួយន្តហោះចេញមកក្រៅ។ ក្រោយមក ទើបរកឃើញសា.កស.ពជនរងគ្រោះ២នាក់ទៀត»។
ចំណែករូបភាពថតបានពីអ្នកស្រុក ដែលបង្ហាញពីបំណែកយន្តហោះភ្លាមៗ បន្ទាប់ពីធ្លាក់ចំលើភ្នំ ដែលគ្របដណ្តប់ទៅដោយស្មៅ និងដើមឈើ ហើយត្រូវបានផ្សព្វផ្សាយនៅតាមបណ្តាញសង្គម និងប្រព័ន្ធផ្សព្វផ្សាយរបស់ប្រេស៊ីល។
បើតាមសាក្សីនៅក្នុងតំបន់គ្រោះថ្នាក់ បានប្រាប់បណ្តាញព័ត៌មានរបស់ប្រទេសប្រេស៊ីល ឱ្យដឹងថា «យន្តហោះនេះ បានផ្ទុះកណ្តាលអាកាស មុនពេលធ្លាក់ចុះមកដី ហើយសម្លា.ប់មនុស្សទាំងអស់ដែលជិះនៅលើយន្តហោះនោះ»។ ប្រជាពលរដ្ឋបានឱ្យដឹងទៀតថា «នៅវេលាកើតហេតុ គឺមានព្យុះភ្លៀង និងខ្យល់កន្ត្រាក់ បោ.កបក់មកលើតំបន់ដែលយន្តហោះធ្លាក់នោះ»។
ទីភ្នាក់ងារអាកាសចរណ៍ស៊ីវិលជាតិប្រេស៊ីល ក៏បានឱ្យដឹងដែរថា «យន្តហោះដឹកអ្នកដំណើរខ្នាតតូចនោះ គឺជាម៉ូដែល Piper PA46 ផលិតក្នុងឆ្នាំ១៩៩៦ ដោយក្រុមហ៊ុន Piper Aircraft ហើយតាមពិតទៅ យន្តហោះប្រភេទនេះ ត្រូវបានកំណត់សម្រាប់តែការហោះហើរជាឯកជនផ្ទាល់ខ្លួនតែប៉ុណ្ណោះ ដោយមិនត្រូវបានអនុញ្ញាតឱ្យបម្រើសេវាដឹកអ្នកដំណើរនោះឡើយ។ យន្តហោះនេះ ជាកម្មសិទ្ធិរបស់ក្រុមហ៊ុនផ្តល់សេវាឥណទានហិរញ្ញវត្ថុ Credfranco ។ ចំណែកស្ថាបនិក២នាក់នៃក្រុមហ៊ុននេះ គឺលោក Marcilio Franco និងលោក André Amaral ត្រូវបានបញ្ជាក់ថា គឺជាជនរងគ្រោះនៅក្នុងចំណោមអ្នកស្លា.ប់ទាំង៧នាក់នោះ ប៉ុន្តែក្រៅពីនោះ អ្នកជិះក្នុងយន្តហោះផ្សេងទៀត ក៏ជាសមាជិកគ្រួសាររបស់អ្នកទាំងពីរផងដែរ»។
មិនត្រឹមតែប៉ុណ្ណោះ ក្រុមហ៊ុន CredFranco តាមរយៈបណ្តាញទំនាក់ទំនងសង្គមរបស់ខ្លួន ក៏បានផ្សព្វផ្សាយលិខិតរំលែកទុក្ខ ដោយសម្តែងការសោកស្ដាយចំពោះអ្វីដែលបានកើតឡើង និងផ្ញើសាររំលែកទុក្ខទៅកាន់ក្រុមគ្រួសារសាច់ញាតិរបស់ជនរងគ្រោះ។ ចំណែកមជ្ឈមណ្ឌលស៊ើបអង្កេត និងបង្ការគ្រោះថ្នាក់អាកាសយានិក នៃភ្នាក់ងារអាកាសចរណ៍ស៊ីវិលជាតិប្រេស៊ីល វិញ ក៏បានប្រកាសបើកការស៊ើបអង្កេត ដើម្បីកំណត់ស្វែងរកអំពីមូលហេតុនៃគ្រោះថ្នាក់ខាងលើនេះ៕
អត្ថបទដោយ ៖ អោម ចែតច័ន្ទណារ៉ា
ចែករំលែកព័តមាននេះ