រាជធានីភ្នំពេញ ៖ កាលពីថ្ងៃទី២៩ ឧសភា ២០១១ យោងតាមសេចក្តីប្រកាសព័ត៌មានរបស់វិទ្យាស្ថានប៉ាស្ទ័រ បានឱ្យដឹងថា ក្រសួងសុខាភិបាលបានធ្វើសន្និសីទអន្តរជាតិរយៈពេល៣ថ្ងៃស្តីពីការពិនិត្យ និងរកឃើញជំងឺដង្ហើម និងជំងឺផ្សេងទៀតប្រព្រឹត្តទៅក្នុងរាជធានីភ្នំពេញ ក្រោមអធិបតីភាពរបស់លោកម៉ម ប៊ុនហេង រដ្ឋមន្ត្រីក្រសួងសុខាភិបាល
រាជធានីភ្នំពេញ ៖ កាលពីថ្ងៃទី២៩ ឧសភា ២០១១ យោងតាមសេចក្តីប្រកាសព័ត៌មានរបស់វិទ្យាស្ថានប៉ាស្ទ័រ បានឱ្យដឹងថា ក្រសួងសុខាភិបាលបានធ្វើសន្និសីទអន្តរជាតិរយៈពេល៣ថ្ងៃស្តីពីការពិនិត្យ និងរកឃើញជំងឺដង្ហើម និងជំងឺផ្សេងទៀតប្រព្រឹត្តទៅក្នុងរាជធានីភ្នំពេញ ក្រោមអធិបតីភាពរបស់លោកម៉ម ប៊ុនហេង រដ្ឋមន្ត្រីក្រសួងសុខាភិបាល និងលោកគ្រីស្តស្យង់ កូណន ឯកអគ្គរដ្ឋទូតបារាំងប្រចាំនៅប្រទេសកម្ពុជា ។ សន្និសីទនេះប្រព្រឹត្តទៅនៅសណ្ឋាគារសាន់វេ កាលពីព្រឹកថ្ងៃទី២៩ ដល់ថ្ងៃទី៣១ ឧសភា ២០១១ ។
វិទ្យាស្ថានប៉ាស្ទ័របន្តថា សន្និសីទនេះមានគោលបំណងដើម្បីបង្ហាញពីការបញ្ចប់វគ្គស្តីពីគម្រោងរបស់បណ្តាញអន្តរជាតិនៃវិទ្យាស្ថានប៉ាស្ទ័រ គាំទ្រដោយទីភ្នាក់ងារបារាំងសម្រាប់ការអភិវឌ្ឍន៍ (AFD) និងក្រសួងសុខាភិបាលអាមេរិក ។ ការជួបជុំគ្នានេះ ធ្វើឡើងក្នុងគោលបំណងបង្កើតវេទិកាពិភាក្សាមួយរវាងវិទ្យាស្ថានប៉ាស្ទ័រទាំងអស់ និងដៃគូរបស់ខ្លួននៅក្នុងតំបន់អាស៊ីប៉ាស៊ីហ្វិក លើការរីកចម្រើន និងភាពខ្វះចន្លោះនូវការយល់ដឹងអំពីការកើតឡើងជំងឺឆ្លង ។ សន្និសីទនេះជាឱកាសមួយអនុញ្ញាតឱ្យអ្នកវិទ្យាសាស្ត្រ អាជ្ញាធរសុខាភិបាលនានា សាកលវិទ្យាល័យអង្គការក្រៅរដ្ឋាភិបាល និងភ្នាក់ងារបណ្តុះបណ្តាលចូលរួមយ៉ាងសកម្មនៅក្នុងវិស័យនេះគ្រប់កម្រិតតំបន់ ៕
ចែករំលែកព័តមាននេះ